Matiyò 18:5 - Mokpwe: Bakwery (New Testament)

⁵ Tɔ̀ njɛnɛ hvɛ ema à kàrzɛ̀yi ene nyàyi yà ŋmanà ò lìnà là ami, nanù òma imba ndi à kàrzɛ̀yi.”

Matiyò 18:5 ပူးပေါင်းရင်းမြစ်များ

Matiyò 18:4

Tɔ̀ njɛnɛ rzɔ ema arzìirzɛ mɔ̀ ŋmìti ò lì hwɛ nàa ònò ŋmanà mɔ̀ ndi à hwɛ è mòndɛnɛ ò hwatò ema hwa hwèlì ò ìtììtènì ja lìkànèyà ema lì hwèlì ò ŋmanyu.

Matiyò 18:6

Tɔ̀ njɛnɛ ema à gbèyi ema mɔ̀kɔ wà hwanù hwàrzàlì, ema à nò lòkɛ̀yì ò lì gbeyà wòhwe, ò lɔ̀wu nanù ema òŋgò mòtò à kakahwè lìŋyàyi lì ndɛnɛ ò lìwɔ là eni, rzìi hwa mò indirzɛ ò èki ema è rzɔ̀ŋgɔ̀ ò tenì yà ŋmànja.

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Matiyò 25:45

Ndi eŋge Kiŋgɛ e hwa alàhwɛ̀ nanù ema, ‘Nà e òhweyà na e jɔ̀kɛ̀ ema, tɔ̀ ima lìrzakò ema e ma rzɔ̀rzè ò lì gbeyà hwanù wònyànyàŋgò wa ami ema hwa rza òhvɛ hwe tɛmelì, imba ndi e ma rzɔ̀rze lì gbèeyà nanù.’

Matiyò 7:8

Èhwanja tɔ̀ njɛnɛ ema à ijòwi Lohwɛ̀, à è lùwà, tɔ̀ njɛnɛ hvɛ ema à arza yòma à è ɛnɛ̀. È mɔ̀ hvɛ ema à kùmbi lìyòhva, Lohwɛ̀ à mò lìhvòweyà è lɔ̀.

Makòrzì 9:37

“Tɔ̀ njɛnɛ ema à kàrzɛ̀yi ene nyayi ya ŋmanà ò lìnà la amì ò ma imba ndi à kàrzɛ̀yi ndèŋgana tɔ̀ njɛnɛ ema a nò kàrzɛ̀yi à rza nò kàrzɛ̀yi ndi ìmba mɛnɛ, a kàrzɛ̀yi hvɛ è mɔ̀ ema à nò òmì.”

Makòrzì 9:41

Nà è òhweyà è jɔ̀kɛ̀ nanù ema tɔ̀ njɛnɛ ema à è ŋgbèlì tɔ̀ lìwònde la malìhwa ò lìinà la ami, èhwanja è hwèlì ndi è wɔ̀ hwa ama Krirztò a àŋgàmɛ̀nɛ̀yi lì lùwa mɔ̀rzɛ̀ŋgì.

Lukàrzɛ̀ 9:48

Yerzù rzìi à hwa òhweyà nanù ema, “Tɔ̀ ima mòtò ema à kàrzɛ̀ jùma ŋmanà nàa ònò nanù, ò lìnà là amì, ò ma ìmba ndi à kàrzɛ̀yi! Tɔ̀ njɛnɛ hvɛ ema à nò kàrzɛ̀yi, òma à kàrzɛ̀yi ndi Lohwɛ̀ ema à nò òmi. O èŋgànɛ̀lɛ̀ rzɔ, tɔ̀ ima mɔ̀ ema à atìmbìrzɛ̀ nàa jùma ŋmanà ò ìtììtènì ja anyu, mɔ̀ ndì à hwɛ̀ɛ̀ è mòtìmbèlì.”

Yòwanìrzɛ̀ 13:20

Nà è òhweyà ndi è jɔ̀kɛ̀, tɔ̀ njɛnɛ ema à emelì tɔ̀ ima mɔ̀ è mà na òmi, òma imba ndi à emelì. Ndèŋgànɛ̀lɛ̀ hvɛ e mɔ̀ ema a nò emelì, òma a emelì ndi e mɔ̀ ema à mà nò òma.”

Gàletìyà 4:14

Ndi tɔ̀ nɛ e nyàmbɛ̀ ya ami e ma hwɛ ndi ema e ma hwɛnɛ lì no rzɔ̀rzɔ̀, ndi inyɔ e rzi no rzɔ̀rzɔ̀ ndeŋgànɛ̀lɛ̀ e rzi no hvaye. È ma no karzɛ ndi o a ɛnɛ ema na hwèlì ndi aŋgèlì yà ama Lohwɛ̀ tɔ̀ nàa nà mà hwɛ ndi Yerzù Krirztò.