Matiyò 18:15 - Mokpwe: Bakwery (New Testament)

¹⁵ “Ŋmànyàŋgò wa aŋgɔ̀ a ò gbeyànì tɛ wòhwe ɛndɛ ò mò uŋmɛ̀lɛ̀ lìwurze la eni ò wòrzò wò inyɔ hwahwàkɛ mɛnɛ, a ayèmbɛ tɛ lùurzè la eni aŋga nanù ò ma ò wa na ŋmanyàŋgò wa aŋgɔ̀ e ma rzeeya.

Matiyò 18:15 ပူးပေါင်းရင်းမြစ်များ

Matiyò 18:14

Nànù mɛnɛ hvɛ ndi e hwèlì nà Tatɛ̀ hwà anyu wà è ŋmanyu yà lohwà, ema a rza arza ema tɔ̀ mɔ̀kɔ wà hwànù hwarzàlì a wɔ̀.”

Matiyò 18:21

Pètrò rzìi a jèeyà Yerzù a mò ijòwa nanù ema, “Ìi Rzàŋgò, ŋgelì iti na tànɛyi lì làkìrzɛ̀ ŋmanyàŋgò wa ami e hwèlì tɛ ema a nò gbeyànì wòhwe e? È hwèlì ndi lìrzamba la ŋgelì e?”

Matiyò 18:35

Yerzù rzìi a umba eŋge mbɔrzi ò lì òhwa nanù ema, “Nànù ndi Tatɛ̀ wa ami wa e ŋmanyu yà lohwà à ò gbèyɛ. O rza làkìrzɛ̀ tɛ ŋmànyàŋgo wà aŋgɔ̀ nà ŋmèma mò aŋgɔ̀ ma arzɛ eŋge ŋgàna e hwèlì ndi nanù ema Lohwɛ̀ a ò kɔ̀kìrzɛ̀ ndi na òma eŋge kiŋgɛ e ma kɔ̀kìrzɛ̀ òŋgò mògbèèlì.”

Ròmànì 12:21

Tɔ̀ mòtò a rzi keka lì emeyà nanù ema wòhwe wò mò kànèyà. Ndi inyɛ gbaamù wò anyu wò rzuwane wòhwe.

1 Kɔ̀rintìyà 8:12

O gbèyi tɛ wònyànyàŋgò nà indòmɛ̀ ja aŋgɔ ja Krirztò wòhwe, ene ŋgàna rzi e hwèlì ndi ema, Krirztò ndi o gbèyi wòhwe. Aŋga nanù oma, o ma hvaŋga mèèmà mè hwaŋga wònyànyàŋgò nà indòmɛ̀ ja aŋgɔ.

2 Kɔ̀rintìyà 7:12

Tɔ̀ nɛ nà mà tile eŋge kààtì, na rza e tìleya ndi e mòtò ema a gbeyà matona tɔ̀ e mòtò ema hwa tonani. Ndi nà mà e tìla ndi nanù ema, e hwiye nanù ema, o worzo wo ama Lohwɛ̀ inyɔ e jo lìŋgàni na e jɔ̀kɛ̀.

Gàletìyà 6:1

Ìi wònyàmòwè kòkò, e hwèlì tɛ nanù ema mɔ̀kɔ wa anyu a undi o tenì ya wòhwe, inyo ema e hwèlì lì gbeyà mamɛ ema Èlìŋgɛ̀ ya Lohwà ya arza, e àŋgàmɛ̀nɛ̀ lì mo ulɛ o tenì ya wòhwe. È mo oŋgòhwànà tɛ, e mo òŋgowane na lì àjùlɛ̀. Ndi e hwɛni lì aŋgowa inyo hwiti e rza kpa o màkèkìrzɛ̀nɛ̀ o lì gbeyà woŋgo wòhwe.

Kòlòrzìyà 3:13

È hwɛni lì àjùlɛ̀nɛ̀yi mɔ̀kɔ nà ɔ̀nɛyi. È hwèlì tɛ nanù ema mòtò à hwɛni tɛ kàyɛ nà ohvɛhvɛ mòtò inyɛ à mò làkìrzɛ. Nà oma è Rzàŋgo yè è làkìrzɛ, inyɔ hvɛ è hwɛni lì làkìrzɛ mɔ̀kɔ nà ɔ̀nɛyi.

1 Tɛ̀rzàlonìyà 4:6

O ene eyà rzɔ, tɔ̀ mòtò a rza àŋgàmɛ̀nɛ̀ o lì tònana ŋmanyàŋgò wa eni tɔ̀ o lì mo wowàna yòoma ya eni. I ma loma lì e ohweyà hwene hweyà, ndèŋgànɛ̀lɛ̀ i ma e kòkòwɛ̀lɛ̀ towotowo nanù ema Lohwɛ̀ a kɔ̀kìrzɛ̀ hwatò ema hwa gbeyà nanù.

2 Tɛ̀rzàlonìyà 3:15

Ndi e rzi mo wowa nàa mɔ̀kɔ̀yèlì. Ndi nàa ŋmanyàŋgò wa anyu mɔ̀kɔ wa ama Krirztò e mo kòkòwɛ̀lɛ̀ o lì wowa hvonda.

Tàyìtùrzì 3:10

O kòkòhwɛ̀lɛ̀ tɔ̀ njɛnɛ ema à jànà lùwànje o ìtììtènì ja hwàlòkèlì, a rza o hweyàni tɛ ò mò kòkòhwɛ̀lɛ̀ e ŋgelì ema e ùkirzɛ̀ ihwàkɛ o mburza nanù, a rza o hweyàni hvɛ tɛ, o rzi hwɛnɛ hvɛ tɔ̀ eyà o lì gbeyà na mɔ̀.

1 Pètrò 3:1

Molàndàko mɔ̀kɔ hvɛ mɛnɛ, inyɔ ijòjìyɛ̀, ya aŋgàmɛ̀nɛ̀yi o lì arzihwirzɛ inyɔ hwiti o rze ya mèjòmɛ̀ me anyu, aŋga nanù loŋgo la awu ema hwa rza lòkɛ̀yi eyà ya Lohwà, hwɛ̀ɛ̀mɛ̀ hwe anyu hwe gbamù hwe hwa gbeyà wɔ̀ hvɛ hwa timbeya Lohwɛ̀ na lì mo lòkɛ̀. Tɔ̀ e hwɛ nanù ema e rza hwa ohwèlì tɔ̀ eyà,