Matiyò 17:20 - Mokpwe: Bakwery (New Testament)

²⁰ Yerzù rzìi a hwa alàhwɛ̀ nanù ema, “Inyɔ e rzi tànɛyi lì hvaya eŋge èlìŋgɛ̀ èhwanja lìlòkɛ̀ la anyu lì rza òlò. È hwɛni tɛ lìlòkɛ ema lì òlò ndi nàa ŋmanà hvɔ̀ŋgɔ̀ wa wòrzaŋgò, e tànɛyi e kànèyà mònò mòoli nanù ema, ‘Anjiya anu, ò ɛ̀ndɛ ɔnɛyi!’ Ndèŋgànà mò ɛndɛ. È tànɛyi lì gbeyà tɔ̀ mamɛ.”

Matiyò 17:20 ပူးပေါင်းရင်းမြစ်များ

Matiyò 13:31

Yerzù à mà kpɛ̀ɛ̀yà eŋge ŋgindi mòhvɛhvɛ ŋmàna nanù ema, “Likànèyà là ŋmanyu lì hwèlì ndi nàa ŋmanà hvɔ̀ŋgɔ̀, ema mòtò a wòwi rzi a òni ò mòònda mò eni.

Matiyò 14:29

Yerzù rzìi a mò òhweyà nanù ema, “Jà!” Rzìi Pètrò a rzihwa ò wɔ̀lɔ̀, a wòteya lì ɛ̀ndɛ̀nɛ̀ matàŋgà ò ŋmanyu ya malìhwa ò lì ɛ̀ndɛ lì ùŋmanɛlɛ Yerzù.

Matiyò 17:17

Yerzù rzìi a alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀ lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà ònò.”

Matiyò 17:19

O mburza hvònda Hwà-òkòwèlì hwa ama Yerzù hwà mà mò jèeyà rzìi hwa mò ijòwa ò wùndɛ̀ nanù ema, “Mamɛ ndeŋgatɛ irzɔ i rza tàneyà lì hvayà ene èlìŋgɛ̀ ya wòhwe e?”

Matiyò 17:9

Nà òmà hwa mà hwɛ lì rzìhwa ò èŋge hvàko, Yerzù rzìi a hwa kànèyà nanù ema, “È rzi kèka lì òhweyà tɔ̀ mòtò mamɛ e ɛni natɛ̀ɛ nà è hvònda ema Lohwà à ò hvùmùlɛ̀ è Ŋmanà wà è Mòtò wà Hwènàmà.”

Matiyò 21:21

Yerzù à mà hwa alàhwɛ̀ nanù ema, “Nà e òhweyà ndi e jɔ̀kɛ̀, e òhvi tɛ lì lòkɛ̀ rzi e rzi tame, inyɔ hvɛ e tànɛyi lì gbeyà mamɛ ema na gbeyànì wònò gbee. Rzeke hvɛ tɔ̀ ene mɛnɛ, e tànɛyi hvɛ lì òhweyà ene hvàko nanù ema, ‘Anjiya anu òma, ò ɛndɛ ò ahvimbɛ ò wà witi ò tenì ya ŋmànja’ e gbèyɛ̀nɛ nanù.

Matiyò 8:26

Yerzù rzìi a hwa alàhwɛ̀ nanù ema, “Mamɛ ndèŋgatɛ̀ è òka wɔ̀ŋgɔ̀ nanù e? Mamɛ ndeŋgatɛ lìlòkɛ̀ la anyu lì tùù nanù e?” Rzìi à tɛ̀mɛ̀ ò ŋmanyu, à lòmeyà è mbɛ̀hvɛ̀nì ema e ma hwɛ lì hvɛhvɛ na hwèmùnɛ̀. O wòtɛmɛ̀tɛmɛ̀ e mbɛ̀hvɛ̀nì e ma kɛ̀ɛ̀yà rzìi hwèmùnɛ̀ hvɛ hwe lɔ̀kɔ̀meyà.

Makòrzì 11:22

Yerzù rzìi a òhwa nanù ema, “È lòkɛ̀ Lohwɛ̀ nà mèèmà me anyu me arzɛ.

Makòrzì 11:23

Nà è òhweyà è jɔ̀kɛ̀ nanù ema, tɔ̀ ima mɔ̀ ema a òhwanì enè hvàko nanù ema, ‘Tɛmɛ ò ɛ̀ndɛ ò ahvimbɛ ò ŋmanjà,’ rzìi a rza òhve hwètamirzelì ò ŋmèma mò eni ndì à lòkɛ̀ nanù ema mamɛ ema à òhwi è gbèyɛ̀nɛ̀, è mò gbèyɛ̀nɛ̀.

Makòrzì 4:31

Lì gbèyi ndi nàa ìhvɔ̀ŋgɔ̀ ja wòŋgò gbèe ema mòtò a wò, rzi a hvàhva ò mòònda. Ini hvɔ̀ŋgɔ̀ ì tu rzayì-rzayì. O ji mɛ̀nɛ̀nì tɛ nà ihvɛ-hvɛ hvɔ̀ŋgɔ̀ ja ene rze.

Makòrzì 9:23

Yerzù rzìi a mò timbìrzɛ̀lɛ̀lɛ̀ nanù ema, “O ma nà tànɛyi tɛ lì gbeyà eyà e? Mòtò a òhvi tɛ lìlòkɛ̀, tɔ̀ ima eyà e tànɛyi lì gbèyɛ̀nɛ.”

Lukàrzɛ̀ 1:37

È hwèlì ndi nanù, èhwanja tɔ̀ eyà e rzà àmbì nà Lohwɛ̀.”

Lukàrzɛ̀ 17:6

È Rzàŋgò à mà hwa alàhwɛ̀ nanù ema, “È òhvì tɛ lìlòkɛ̀ lì tu nàa ŋmanà hvɔ̀ŋgɔ̀ wà wòrzaŋgò, è kànèyà wònò wùuŋgu nanù ema, ‘Wuŋguhweyà anù, ò tɛ̀mɛ̀ ò ŋmanjà.’ Wòŋgò gbèe wò è hweyànà.”

Lukàrzɛ̀ 18:27

Yerzù à mà hwa timbirzɛlɛlɛ nanù ema, “Mamɛ ema e ambani è mòtò wà hwènàmà, e rzà àmbanì Lohwɛ̀ ò lì e gbeyà.”

Yòwanìrzɛ̀ 11:40

Yerzù rzi a mò timbirzɛlɛlɛ nanù ema, “Nà rzi ò òhweyà ema ò lòkɛ̀yì tɛ ò ɛnɛ èluhwe yà ama Lohwɛ̀ e?”

1 Kɔ̀rintìyà 12:9

Molemilemi mo Èlìŋgɛ̀ yà Wòtani e gbeyà mòtò mɔ̀kɔ o lì ohva lì lòkɛ̀, lì ndɛnɛ ema Lohwà a gbeyà tɔ̀ ima eyà ema a ohwi ema a gbeyà o rzi a ŋgbaà hvɛ ohvɛhvɛ làhweyà ya lì wɔ̀wìrzɛ̀.

1 Kɔ̀rintìyà 13:2

Tɔ̀ na hwɛnɛ hvɛ ndi jàhwèyà ja lì ohwa ŋmɛ̀ndì mo Lohwɛ̀ nɔke-nɔke, tɔ̀ na hwɛnɛ hvɛ ndi lìhwiyè la lì rzɔ̀ŋgìtɛ̀nɛ̀ la ìwùndɛ̀ ja arzɛ. Nà tànɛyi hvɛ tɛ lì hwɛnɛ̀ lì lòkɛ̀ ema lì no gbeyà ema na ohweyà e hvàko, ema e tikowe hwetɛmelì hweni. Rzi na rzi uŋmɛ̀lɛ̀ hwatò e ndìŋgɛ, nanù oma na rza enje tɔ̀ eyà.

Hibrù 3:19

Ò eŋgànɛ̀lɛ̀ rzɔ, irzɔ jè ɛni nanù ema hwa rzi tànɛ lì kpèeyà ò eŋge èki yà lì arzìyolɛ, èhwanja hwa rzi lòkɛ̀ Lohwɛ̀.