Matiyò 16:28 - Mokpwe: Bakwery (New Testament)

²⁸ Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

Matiyò 16:28 ပူးပေါင်းရင်းမြစ်များ

Matiyò 10:23

È ɛni tɛ ema hwa e tàkirzɛ tɛ ò mbòwa hvɔ̀kɔ, e hwaŋge, e ɛ̀ndɛ èhvɛhvɛ mbòwà. Nà e òhweyà ndi e jɔ̀kɛ̀ ema e rza ò kulɛ lì tàneya i mbòwà ja arzɛ ja èkòmè ya Irzàyɛ̀lì ndèŋgànà è Ŋmanà wà è mòtò wà Hwènàmà à è ja.

Matiyò 16:13

Yerzù à mà anjiya aŋga rzìi a ɛ̀ndɛ ò erzòòkà e kòmbɛ̀nɛ̀ e mbòwà ya Kàyìrzèrìyà Hvìlìpì. Nà òma à mà uke aŋga à mà ijòwa Hwà-òkòwèlì hwa eni nanù ema, “Njɛnɛ hwatò hwa òhwa ema è Ŋmanà wà è Mòtò wà Hwènàmà a hwèlì e?”

Matiyò 24:3

Nà òma Yerzù à mà lìya ò mòòlì mò Njàhwɛ̀, hwà-òkòwèlì hwa eni hwa mò ùŋmànɛ̀lɛ̀ ò èki ema wɔ̀ na wɔ̀ ndi hwà mà hwɛ aŋga. Rzii hwa mò ijòwa nanù ema, “O jò òhweyà e hvònda ema hwene hweyà hwe arzɛ hwe ò gbèyɛ̀nɛ, ima hvònda enè eyà e ò gbèyɛ̀nɛ e. Ndèŋgànà mamɛ e ò hwɛ̀ èmɛ̀nɛ̀nì ò lì uŋmɛ̀lɛ̀ hwejèelì hwe aŋgɔ̀ na lìrzukù la ene rze e?”

Matiyò 24:34

Nà e òhweyà è jɔ̀kɛ̀ ema, ène nyɔ̀ŋgɔ̀nì e rza ò ŋwa natɛ̀ɛ hwenè hweyà hwe arzɛ hwe ò gbèyɛnɛ.

Matiyò 24:42

O èŋgànɛ̀lɛ rzɔ inyɔ hvɛ e hwɛnì lì wòwa hvònda, èhwanja è rza hwi wùùnya ema Rzàŋgò ya anyu à ò jɛ̀ɛ̀ hvɛ.

Matiyò 26:64

Yerzù rzìi à mò tìmbìrzɛ̀lɛ̀lɛ̀ nanù ema, “Nà òma ò òhwi. Nà è jɔ̀kɛ̀ imba nà è òhweyà inyɔ hwa arzɛ ema, lì wòteyà naŋgɛ è ɛnɛ̀ è Ŋmanà wà è Mòtò wà Hwènàmà à lìya ò lìyà là mòmɛ̀ là ama Lohwɛ̀ lì karzami. È ɛnɛ̀ nɛ à ò lììya ò ŋmanyu yà mbàkì a rzìhwà ò rze yà mɔ̀nyɛ̀.”

Matiyò 8:20

Yerzù rzìi à mò alàhwɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hwèyɔ̀hvɛ hwe òhvi màwùmbù, ndi è Ŋmàna wà è Mòtò wà Hwènàmà mɔ̀ à rza òhvi tɔ̀ èki ema à nàŋgɛlɛ mòòhvò mò eni.”

Makòrzì 13:26

O èŋge hvònda hwatò hwa ò ɛ̀nɛ̀ è Ŋmanà wà è Mòtò wà Hwènàmà a jà ò lìmbàkì nà ŋginyà ndɛnɛ̀ nà èluhwe.

Makòrzì 8:38

È mɔ̀ ema à nò òkana imba nà Eyà yà Lohwà irzɔ̀ni, ò ene nyɔ̀ŋgɔ̀nì yà yàwònò ema è òŋgamà Lohwɛ̀ nà mèèmà mè hwàkɛ ema è hwèlì hvɛ ndi è nyɔ̀ŋgɔ̀nì yà wòhwe, è Ŋmanà wà è Mòtò wà Hwènàmà mɔ̀ hvɛ à mò òkana irzɔ̀ni è hvònda ema à jà nà i aŋgèlì jè eni jà wòtani nà èluhwe yà ama Tatɛ̀ wà eni.”

Makòrzì 9:1

Yerzù à mà hwa òhweyà nanù ema, “Nà è òhweyà è jɔ̀kɛ̀, lòŋgò la anyu è rza ò ɛnɛ è kpelì ema è rza ɛnɛ Lìkànèyà là ama Lohwɛ̀ nà òmà lì jà nà ŋginyà.”

Lukàrzɛ̀ 18:8

Nà è òhweyà nanù ema, Lohwɛ̀ à òŋgòwànà hwatò wa eni kàrzì-kàrzì. Ndi è lòkɛ̀ nanù ema è Ŋmanà wà è Mòtò wà Hwènàmà à jelì tɛ, à ùŋmànɛ̀lɛ̀ lìlòkɛ̀ ò rze e?”

Lukàrzɛ̀ 2:26

Èlìŋgɛ̀ yà Wòtani e mà mò uŋmɛ̀lɛ̀ ema a rza ŋwa, natɛ̀ɛ a ɛnɛ̀ e mɔ̀ ema Lohwɛ̀ à Ɔ̀kirzɛ̀yì.

Lukàrzɛ̀ 9:27

Nà è òhweyà ndi è jɔ̀kɛ̀ nanù ema lòŋgò la anyu è hwèlì anù, è rza ŋwa natɛ̀ɛ è ɛnɛ̀ Lìkànèyà là ama Lohwɛ̀.”

Yòwanìrzɛ̀ 21:22

Yerzù rzìi à mò alàhwɛ̀ nanù ema, “Imba nà arza tɛ ema mɔ̀ à hwɛ lòŋgɛ natɛ̀ɛ nà jà, mamɛ èŋge è ò ɔ̀ŋgɔ e? Ò wà ò nò nɔŋge.”

Yòwanìrzɛ̀ 8:51

Nà e òhweyà e jɔ̀kɛ̀ ema tɔ̀ ima mòtò ema a ika i mbenda ja ami, mɔ̀ à rza ɛnɛ e kpelì.”

Yòwanìrzɛ̀ 8:52

Hwatò hwa Yudà hwà mà hwèya nanù rzi hwa tɛ na merzeya mèndɛnɛ me hwetàtò nanù ema “Nàŋgɛ nanù, irzɔ i hwi ema ò hwèlì èlìŋgɛ̀ ya wòhwe ema yò ò tàkirzɛ! Abràhamù à mà ŋwa, hwanɛ̀yi hwà-òhwèlì hwa hwèlìŋgɛ̀ wɔ̀ hvɛ hwà mà ŋwa. Ndi ò wa ònò ò òhwa òma, tɔ̀ ima mòtò ema a ikayi e mbɔrzi ya aŋgɔ, e kpelì e rza tànɛyi lì mò keka.

Hwègbèèlì 1:11

Hwàŋga wunyanà hwa ahwakɛ rzìi hwa ijòwa hwà-òkòwèlì nanù ema, “Ìi hwatò hwa Galìlì, mamɛ è tɛ̀mèlì anù è ɔŋgɔ̀ ò ŋmanyu e? Onò Yerzù ema Lohwɛ̀ à mà gbeyɛ nanù ema à è akakòwɛ, ndèŋgànà à mà ɛndɛ ò ŋmanyu yà Lohwà, à ò tìmba hvɛ nyayi hvɔ̀kɔ nà òma inyɔ è ɛni à agba ò ŋmanyu.”

1 Kɔ̀rintìyà 15:23

Ndi tɔ̀ ima mòtò a hvùmùlɛ̀hwɛ ndi o e ya eni hvonda. Krirztò ema a hwèlì e wa worzò o lì hvùmùwà, e hvonda ema a o jɛ̀ɛ̀ hvɛ hwaŋga hwatò ema hwa hwèlì e hwa eni, wɔhvɛ hwa hvùmùwà.

1 Tɛ̀rzàlonìyà 1:10

Hwa ohwa hvɛ nà oma inyɔ è ambɛ̀lɛ̀lɛ̀ hwèjèelì hwe è Ŋmanà wà ama Lohwɛ̀ ema à uwɛ̀lɛ̀lɛ̀yi ò ŋmanyu yà lohwà. Oŋgo Ŋmanà wà ama Lohwɛ̀ Yerzù, ema à jò rzùŋgi ò è kɔ̀kìrzɛ̀ yà ama Lohwɛ̀ ema è jà, mɔ̀ ndi Lohwɛ̀ à mà hvùmùlɛ̀.

Hibrù 2:9

Ndi irzɔ ja ɛnɛ nɛ Yerzù a hwèlì. O ŋmanà hvoka hvonda Lohwɛ̀ à mà mo gbeyà ema a rza ukɛ tɔ̀ i aŋgèlì. O nàŋgɛ, Lohwɛ̀ à mà mo ŋgba ŋmàye na èluhwe nàa kìŋgɛ ehwànja o lìtake ema mɔ̀ à lu na e kpelì ema a ŋwelì. Lohwɛ̀ mɔ̀ à mà jo uŋmɛ̀lɛ̀ e ndèli ya eni o e kpelì ya ama Yerzù a ŋwɛlɛlɛyì hwatò hwa arzɛ.

Jèmìrzì 5:7

Ìi wònyànyàŋgo hwa ami kòkò, e àjùlɛ̀ natɛ̀ɛ na o hwèjèelì hwe ama e Rzàŋgo. È embàneyà e mo gbeyà mbota. Mɔ̀ a ambɛ̀lɛ̀ natɛ̀ɛ na e hvonda ema a rzàŋga e mbota ya gbamù. Mɔ̀ a kaka ŋmèma natɛ̀ɛ na e hvonda ema e mbuwà ya worzo e yɔ̀ɔ̀, na e hvonda ema e rzukana o lì yɔ̀ɔ̀.

2 Pètrò 1:16

Rzeketɛ màyìtò ema hwatò hwà mà wòndɛ̀yi ndi i ma hwɛ lì e ohweyà, e hvonda ema i ma hwɛ lì ohwa nanù ema e Rzàŋgo ya arzu Yerzù Krirztò e jà hvɛ na ŋginyà. Irzɔ hwitɛ-hwitɛ je ɛnɛ ŋmàye mo eni na mìirzɔ ma arzu.

1 Yòwanìrzɛ̀ 2:28

Ò eŋgànɛ̀lɛ̀ rzɔ inyɔ ema è hwèlì nàa hwàanà hwa ami, è lììya ndi ò lì ahvìyànɛ̀ nà Krirztò, aŋga nanù ò wùnyà ema mɔ̀ à ò jɛ̀ɛ̀ è hwɛnɛ kumba è rza ò òhva tɔ̀ irzɔ̀ni ò lì mò uŋmànɛlɛ.