Matiyò 16:24 - Mokpwe: Bakwery (New Testament)

²⁴ Yerzù rzìi a òhweyà Hwà-òkòwèlì hwa eni nanù ema, “Tɔ̀ ima mòtò ema arza lì nò nɔ̀ŋgɔ a hwɛnì lì ahvòŋgɛ, rzìi a hwanɛ̀ e mbarzà ya eni rzìi à nò òŋgama.

Matiyò 16:24 ပူးပေါင်းရင်းမြစ်များ

Matiyò 10:38

Tɔ̀ njɛnɛ hvɛ ema a rza wòwɛ e mbarzà ya eni ò lì nò nɔ̀ŋgɔ, à rza uki ò lì hwɛ è mòòkòwèlì wa ami.

Matiyò 27:32

Nà òma hwà mà wurze lì ɛ̀ndɛ rzìi hwa taneya mòtò mɔ̀kɔ ema à mà uhwɛlɛlɛ ò mbòwa ya Rzilenì ema à ma hwɛ̀lɛ̀hwɛ̀ Rzìmɔ̀nì. Hwà mà mò tìnɛlɛ ò lì hwanɛ̀ è mbarza ya ama Yerzù na lì mò nɔ̀ŋgɔ ò mburza.

Makòrzì 10:21

Yerzù rzìi a mò ɔ̀ŋgɔ nà ŋmèma mò ndiŋgɛ rzìi a òhwa nanù ema, “O lìyelì eyà yɔ̀kɔ ò lì gbeyà, ɛ̀ndɛ ò ahwìrzɛ hwèèmà hwe aŋgɔ̀ hwe arzɛ ema ò òhvi, ò wòwe wòŋgò wòlì ò ŋgbe mèlìrza me hwatò, ò gbèyi tɛ nanù, ò òhva mònàmɛ̀ ò ŋmanyu yà lohwà. Èŋge hvònda, ò je ò nò nɔ̀ŋge.”

Makòrzì 15:21

È hvònda hwa mà hwɛ lì ɛ̀ndɛ, hwa mà ùŋmanɛ̀lɛ mòtò mɔ̀kɔ à ma uhwɛlɛlɛ ò mbòwà ya Rzilìni, hwa mà mò hwɛlɛ ndi Rzìmɔ̀nì. Rzìmɔ̀nì à mà hwɛ ndi è rzàŋgò yà ama Àlɛ̀rzanda na Lùhvɔ̀rzì. Rzìmɔ̀nì à mà hwɛ lì aka ò lì kpèeyà ò mbòwà, rzìi hwa mò lɛ̀mbɛ, hwa mò kànèyà ò lì hwanɛ̀ è mbàrza yà ama Yerzù.

Makòrzì 8:34

Yerzù rzìi a hwɛlɛ èŋge ŋgìndì na hwà-òkòwèlì hwa eni, a hwa òhweyà nanù ema, “Tɔ̀ ima mɔ̀ ema a hwɛnì lì nò nɔ̀ŋgɔ a hwɛnì lì rzɔ̀rzɔ̀ hweyà hwe arzɛ rzìi a anjilɛ e mbarzà ya eni rzìi à nò nɔ̀ŋgɔ.

Lukàrzɛ̀ 14:27

Tɔ̀ njɛnɛ hvɛ ema a rza hwanɛ̀yi è mbarzà yà èni, ò lì nò oŋgàmà, à rza tanɛ̀, lì hwɛ è mòòkòwèlì wà amì.

Lukàrzɛ̀ 23:26

Hwaànèlì hwa njùma hwa mà tìmba Yerzù, ò èki ema hwa hvànɛ hwatò. Hwa mà taneya Rzìmɔ̀nì, mùnyanà wà è mbòwà yà Rzelìni. Hwa mà mò hvɔɔtɔ̀, rzìi hwa mò hwànirzɛ è mbarza yà ama Yerzù. À mà hwànɛ è mbarza, rzìi a òŋgama Yerzù ò mburzà.

Yòwanìrzɛ̀ 19:17

Yerzù ŋmitɛ-ŋmitɛ à mà hwanɛ̀ e mbarza rzìi a e ɛ̀ndɛnɛ èki ema e hwɛ̀lɛ̀hwɛ̀, nanù ema, “Èki ya ekeke ya mèyòhvò” eŋge èki e hwɛ̀lɛ̀hwɛ̀ ndi Gòlgotà ò mbɔrzi ya Hibrù.

Yòwanìrzɛ̀ 21:19

(Yerzù à mà òhwa ndì nanù ò lì uŋmɛ̀lɛ̀ e nyayi ya kpelì ema Pètrò a ò ŋwɛ, ò lì uŋmɛ̀lɛ̀ èluhwe ya ama Lohwɛ̀). Yerzù rzìi a mò òhweyà nanù ema, “Ò nò nɔŋge.”

Yòwanìrzɛ̀ 21:22

Yerzù rzìi à mò alàhwɛ̀ nanù ema, “Imba nà arza tɛ ema mɔ̀ à hwɛ lòŋgɛ natɛ̀ɛ nà jà, mamɛ èŋge è ò ɔ̀ŋgɔ e? Ò wà ò nò nɔŋge.”

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

1 Tɛ̀rzàlonìyà 3:3

Irzɔ̀ ja arza nanù ema a e ètìrzɛ̀ aŋga nanù, metàkà me anyu me rzi gbeyà e tìmbeyà o mburza. Inyɔ hwiti e hwi nanù ema mànù màkèkìrzɛ̀nɛ̀ ma hwèlì ndi lì emeyà la ama Lohwɛ̀ lì jo hvomɛ̀nɛ.

2 Tìmotì 3:12

Ndi o jɔ̀kɛ̀, tɔ̀ ima mòtò ema a arza o lì lìya lòŋgɛ la ehve-ehve, na oma mɔ̀ à hwèlì na Yerzù Krirztò a hwɛni lì tàkìrzɛ̀hwɛ o màà mà hwatò.

1 Pètrò 2:21

Lìni lìtake lì e lɔ̀ɔ̀nì inyɔ ema Lohwɛ̀ à mà hvɔ̀rzɛ̀, ehwànja tɔ̀ Krirztò mɔ̀ ŋmìti à mà e tàkeya. Ndeŋgànɛ̀lɛ̀ mɔ̀ à mà hwɛ à mà e ŋgba embànelì ya lì oŋgama imbɔwu ja eni ja màtàŋga.