Matiyò 16:20 - Mokpwe: Bakwery (New Testament)

²⁰ Yerzù rzìi a kànèyà Hwà-òkòwèlì hwa eni ama hwa rzi keka lì òhweyà tɔ̀ mòtò ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

Matiyò 16:20 ပူးပေါင်းရင်းမြစ်များ

Matiyò 1:16

Jèkɔ̀bù ndi à mà hwɛ è rzàŋgò yà ama Jòrzɛ̀hvù. Jòrzɛ̀hvù ndi à mà hwɛ mòjòmɛ̀ mò ama Màlìyɛ̀. Màlìyɛ̀ ndi à mà ŋya Yerzù. Yerzù a hwɛ̀lɛ̀hwɛ̀ Krìrztò.

Matiyò 16:16

Rzìmɔ̀nì Pètrò rzìi a mò alàhwɛ̀ nanù ema, “O wa ndi ò hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà ama Lohwà ema lì hwèlì lòŋgɛ.”

Matiyò 17:9

Nà òmà hwa mà hwɛ lì rzìhwa ò èŋge hvàko, Yerzù rzìi a hwa kànèyà nanù ema, “È rzi kèka lì òhweyà tɔ̀ mòtò mamɛ e ɛni natɛ̀ɛ nà è hvònda ema Lohwà à ò hvùmùlɛ̀ è Ŋmanà wà è Mòtò wà Hwènàmà.”

Matiyò 8:4

Yerzù rzìi à mò òhweyà nanù ema, “O rzìi keka lì òhweyà tɔ̀ mòtò tɔ̀ mɔ̀kɔ eyà ema è gbèyɛ̀nɛ̀. Ndi ò ɛ̀ndɛ wà awuŋmɛ̀lɛ̀ ò wà hwitì ò mà è Pìlìrzì à ò inje. Rzìi ò ŋgbe hvɛ jàhwèyà nàa è mbenda yà ama Mòrzè è òhwa ò lì uŋmɛ̀lɛ̀ nanù ema ò mà rzàŋga.”

Makòrzì 8:30

Yerzù rzìi a hwa kòkòwɛ̀lɛ̀ ama, hwa rzi keka lì òhweyà tɔ̀ mòtò njɛnɛ mɔ̀ à hwèlì.

Makòrzì 9:9

Nà òmà hwa mà hwɛ lì rzìhwa ò èŋge hvàko, Yerzù rzìi a hwa kànèyà nɔkè-nɔkè, nanù ema, “È rzi kèka lì òhweyà tɔ̀ mòtò mamɛ̀ ema è ɛni natɛ̀ɛ nà è hvònda ema è Ŋmanà wà è Mòtò wà Hwènàmà à ò hvùmùwɛ̀.”

Lukàrzɛ̀ 2:11

È hwiyè nanù ema yàwònò è Mòrzùŋgèlì wà ànyu, à ŋyààhwì ò mbòwà yà ama kiŋgɛ̀ Dàhwitì. Mɔ̀ ndi à Ɔ̀kirzɛ̀hwɛ̀yi nà Lohwɛ̀. Mɔ̀ ndì à hwèlì e Rzàŋgò.

Lukàrzɛ̀ 9:21

Yerzù rzìi a hwa kòkòwɛ̀lɛ̀ nà ŋginyà ema, hwa rzì keka lì wulùhweyà mòtò enè eyà.

Lukàrzɛ̀ 9:36

O mburzà hwèyòhwèlì hwe lìnì lìlò, rzìi hwa ɛnɛ ema Yerzù à lìyelì ndi àŋga ŋmìti. Hwàŋga hwà-òkòwèlì hwa eni, hwa mà ùta hwenè hweyà hwe àrzɛ ò mèèmà me awu, hwa rzì hwilɛ tɔ̀ mòtò, mamɛ ema hwà mà ɛnɛ.

Yòwanìrzɛ̀ 1:41

Eyà yà wòrzò Àndèlè à mà gbèye ema hwɛ ndi ò lì ɛ̀ndɛ lì arza ŋmanyàŋgò wà eni Rzimɔ̀nì. Nà òma à mà mò ɛnɛ rzìi à mò òhweyà nanù ema, “Ì mà ɛnɛ è Mɔ̀ ema à Ɔ̀kirzɛ̀hwɛ̀yi” (Èŋge ŋgàna è hwèlì ndi Krirztò).

Yòwanìrzɛ̀ 1:45

Hvìlìpì à mà ɛ̀ndɛ lì arza Nàtànìyɛ̀lì. Rzìi à mò òhweyà nanù ema, “Ì mà lùwa è mòtò ema Mòrzè à mà tile lì hvòmɛ̀nɛ̀ ò e kààtì yà mbenda. Hwà-òhwèlì hwa hwèlìŋgɛ̀ hwa kòhwà wɔhvɛ hwa mà tìla lì mò hvòmɛ̀nɛ̀. Lìinà là eni lì hwèlì ndi Yerzù mòtò wà Nàrzàrɛ̀tì è ŋmanà wà ama Jòrzɛ̀hvù.”

Yòwanìrzɛ̀ 11:27

Mata rzìi a mò alàhwɛ̀ nanù ema, “Ɛ̀ɛ na lòkɛ̀ i hvònda ja arzɛ nanù ema ò wa ndi ò hwèlì è Ŋmanà wà ama Lohwà a Ɔ̀kirzɛ̀hwɛ̀yi e mɔ̀ ema Lohwɛ̀ a òhwi nanù ema a hwɛni lì jà ò rze.”

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Hwègbèèlì 2:36

Petrò rzìi a hwatɛ hvɛ ò lì òhwa nanù ema, “O eŋgànɛlɛ rzɔ inyɔ hwa arzɛ hwatò hwa Irzàyɛ̀lì e hwɛni lì hwiye na e jɔ̀kɛ̀ nanù ema, ò nò Yerzù ema inyɔ e ma wòmeyà ò mbarza mɔ̀ ndi à hwèlì e mɔ̀ ema Lohwɛ̀ à mà gbeyɛ, e Rzàŋgò ndèŋgànɛ̀lɛ̀ mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.”

1 Yòwanìrzɛ̀ 2:22

Njɛnɛ mò à hwèlì è wà mòlàŋgà e? È mòtò wà mòlàŋgà à hwèlì ndi è mɔ̀ ema à ohwa nanù ema rzeketɛ Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi. Èŋge nyayi yà mòtò ndi è hwèlì è Mɔ̀kɔ̀yèlì wà ama Krirztò. A rzɔ̀rzɔ̀ Tatɛ̀ nà è Ŋmanà wà eni wà Mùnyanà.

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.