Matiyò 16:19 - Mokpwe: Bakwery (New Testament)

¹⁹ Nà ò ŋgbà hwèlìhvòwànì hwe lìkànèyà la ŋmanyu. Mamɛ ema e kakahwi ò rze, e kakahwi hvɛ ò ŋmanyu yà lohwà, mamɛ hvɛ ema e kanɛ̀lɛhwi ò rze, e kanɛ̀lɛhwɛ hvɛ ò ŋmanyu yà lohwà.”

Matiyò 16:19 ပူးပေါင်းရင်းမြစ်များ

Matiyò 18:18

“Nà e òhweyà ndi e jɔ̀kɛ̀ nanù ema, Mamɛ ema e kakahwi ò rze, e kakahwa hvɛ ò ŋmanyu yà lohwà mamɛ hvɛ ema e kanɛ̀lɛ̀hwɛ̀yi ò rze, è kanɛ̀lɛ̀hwɛ̀ hvɛ ò ŋmanyu yà lohwà.

Yòwanìrzɛ̀ 20:23

Tɔ̀ ima mòtò ema e làkìrzɛ̀yi wòhwe wò eni, wò làkìrzɛ̀hwɛ̀, e rza hwa làkìrzɛ̀ tɛ, hwa rza làkìrzɛ̀hwɛ̀.”

Hwègbèèlì 15:7

O mburzà lì chakumɛlɛ ema lì ma wawa, Pètrò rzìi a tɛ̀mɛ̀ ò ŋmanyu rzìi a hwa òhweyà nanù ema, “Ìi wònyànyàŋgò ami kòkò, e hwi nanù ema Lohwɛ̀ à mà nò hvɔ̀rzɔ̀ ò ìtììtènì ja anyu, ò lì òhweyà hwatò ema hwa rza enje wònyà Yudà Ŋmɛ̀ndì mò Gbamù aŋga nanù wɔ̀ hwa mò hweyà rzìi hwa mò lòkɛ̀.

2 Kɔ̀rintìyà 2:10

Tɔ̀ ima mòtò ema e làkìrzɛ̀, imba hvɛ nà mà mo làkìrzɛ̀. Eyà ema e gbèyi na làkìrzɛ̀ na e làkìrzɛ̀ ndi o nyòla anyu, Krirztò ndi à gbèyi ndèŋgànɛlɛ a hwi nanù ema nà mà e làkìrzɛ̀.

1 Tɛ̀rzàlonìyà 4:8

O eŋgànɛ̀lɛ rzɔ tɔ ima mòtò ema a rzɔ̀rzi hwene hwèyòkòlèlì, a rza rzɔ̀rzi ndi e mòtò wà hwènàmà ndi à rzɔ̀rzi ndi Lohwɛ̀ ema a e ŋgbelì èlìŋgɛ̀ yà wòtani.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 11:6

Hwanu wùnyànà hwa ohvi è wònjà ya lì tɛmirzɛ lìwòhwɛ là ŋmanyu nanù ema lì rza yɔ̀lìrzɛ mbuwà e hvonda ema wɔ̀ hwa ohweyà hwatò hweyà ema Lohwɛ̀ a ohwi nanù ema hwe o gbèyɛ̀nɛ. Hwa hwɛni hvɛ e màyìmbì ma lì gbeyà nanù ema meyorzo me timbe màyija. Hwa hwɛni hvɛ màyìmbì ma lì nyàkohwa e rze na tɔ̀ ima nyayi ya kàndɛ ŋgɛlɛ-ŋgɛlɛ na oma wɔ̀ hwa àrzeyà.

Hwèwulùwèlì 3:7

À mà nò òhweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Hvìladɛlhvìyà nanù ema, “Ŋmɛ̀ndì mono ema mò uwɛ̀lɛ̀lɛ̀yì nà è mɔ̀ ema à hwèlì wòtani nà jɔ̀kɛ̀. Mɔ̀ à hwɛni màyìmbì ò lì kànèyà nyayi hvɔ̀kɔ nà oma kìŋgɛ Dàhwitì à mà hwɛ lì kànèyà. Mɔ̀ à lìhvo tɛ lìyòhva tɔ̀ mòtò à rza tànɛ à lì umba, ndèŋgànɛlɛ à umbi tɛ lìyohva tɔ̀ mòtò à rza tànɛ à lì lìhvowa.

Hwèwulùwèlì 9:1

È aŋgèlì ema e ma ùkirzɛ̀ ita e ma tòŋga lìyɔ̀mi la eni. Rzìi na ɛnɛ rzombe ema e ma akakowɛ o lìwòhwɛ la ŋmanyu rzìi e unda o rze ya mɔ̀nyɛ̀. Ène rzombe e ma ŋgbààhwà ilìhvowàni ja ehvɔ̀ndi ema e rza ohvɛ lìrzùkù.