Matiyò 16:13 - Mokpwe: Bakwery (New Testament)

¹³ Yerzù à mà anjiya aŋga rzìi a ɛ̀ndɛ ò erzòòkà e kòmbɛ̀nɛ̀ e mbòwà ya Kàyìrzèrìyà Hvìlìpì. Nà òma à mà uke aŋga à mà ijòwa Hwà-òkòwèlì hwa eni nanù ema, “Njɛnɛ hwatò hwa òhwa ema è Ŋmanà wà è Mòtò wà Hwènàmà a hwèlì e?”

Matiyò 16:13 ပူးပေါင်းရင်းမြစ်များ

Matiyò 12:32

Tɔ̀ ima mɔ̀ ema a òhwi ìrzìlàkò lì nò teŋgɛ̀nɛ̀ imba è Ŋmanà wà è Mòtò wà Hwènàmà Lohwɛ̀ a ò mò làkìrzɛ̀ ndi e mɔ̀ ema a òhwi ìrzìlàkò lì teŋgɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀ ò ene nyɔ̀ŋgɔ̀ni ya naŋgɛ na e yɔ hvɛ ema e ò jɛ̀ɛ̀.

Matiyò 12:40

Jona à mà hwɛ ò lùuŋga la nyàmà màlìhwa ndɛnɛ menya meyawò. Ŋgàna hvɔ̀kɔ, mɛnɛ ndi è Ŋmanà wà è Mòtò wà Hwènàmà mɔ̀ hvɛ a ò hwɛ ò rze ya mɔ̀nyɛ̀ menya meyawò.

Matiyò 12:8

È hwɛni lì hwiya nanù ema, è Ŋmanà wà è Mòtò wà Hwènàmà à hwɛni wònja tɔ̀ ò ŋmanyu ya Wùnya wò lì Arzìyòlɛ̀.”

Matiyò 13:37

Yerzù a hwa alàhwɛ̀ nanù ema, “È mɔ̀ ema à mà òna ihvɔ̀ŋgɔ̀ ja gbamù a hwèlì ndi è Ŋmanà wà è Mòtò wà Hwènàmà,

Matiyò 13:41

È Ŋmanà wà è Mòtò wà Hwènàmà a ò òma i aŋgèlì je eni, ò lì ulɛ hwatò ema hwa gbeyà hwahvɛhvɛ ò lì gbeyà wòhwe, na hwanɛ̀yi hwatò hwa arzɛ hvɛ ema hwa gbeyà wòhwe.

Matiyò 15:21

O mburza hvònda, Yerzù à mà anjiya ò èŋge èki rzìi a ɛ̀ndɛ ò hweŋge hwèrzòòkà ema hwe kòmbɛ̀nɛ̀ imbowà ndɛnɛ ja Tàyi na Rzidònì

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 16:28

Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

Matiyò 25:31

“Ndi e hvònda ema è Ŋmanà wà è Mòtò wà Hwènàmà a ò jɛ̀ɛ̀ nàa Kiŋgɛ, na i aŋgèlì ja arzɛ ja ama Lohwà a ò lìya ndi ò kònda ya eni ya lìkànèyà là èluhwe ò lì kàyìrzɛ̀ hwatò.

Matiyò 8:20

Yerzù rzìi à mò alàhwɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hwèyɔ̀hvɛ hwe òhvi màwùmbù, ndi è Ŋmàna wà è Mòtò wà Hwènàmà mɔ̀ à rza òhvi tɔ̀ èki ema à nàŋgɛlɛ mòòhvò mò eni.”

Matiyò 9:6

Nà e uŋmɛ̀lɛ̀ nanù ema è Ŋmanà wà è Mòtò wà Hwènàmà a hweni wònjà ya lì làkìrzɛ̀ wòhwe ò rze.” Yerzù rzìi a òhweyà òŋgò mòtò hwa e nyàmbɛ yà njɛmbu nanù ema, “Nà ò òhwèlì nanù ema, tɛ̀mɛ̀ ò wòwè lìkɔ̀kɔ̀ lì àŋgɔ, ò ɛ̀ndɛ̀ ò mààndà ma aŋgɔ.”

Makòrzì 10:45

Èhwanja tɔ̀ è Ŋmanà wà è Mòtò wà Hwènàmà a rzi je ndi ema hwa mò gbèeyà. A jelì ndi ò lì hwɛ è mògbèèlì wa hwatò hwa arzɛ. Nà ò lì ŋgba lòŋgɛ la eni ò lì kɔ̀tɔ̀ rzayì-rzayì ja hwatò.”

Makòrzì 8:38

È mɔ̀ ema à nò òkana imba nà Eyà yà Lohwà irzɔ̀ni, ò ene nyɔ̀ŋgɔ̀nì yà yàwònò ema è òŋgamà Lohwɛ̀ nà mèèmà mè hwàkɛ ema è hwèlì hvɛ ndi è nyɔ̀ŋgɔ̀nì yà wòhwe, è Ŋmanà wà è Mòtò wà Hwènàmà mɔ̀ hvɛ à mò òkana irzɔ̀ni è hvònda ema à jà nà i aŋgèlì jè eni jà wòtani nà èluhwe yà ama Tatɛ̀ wà eni.”

Yòwanìrzɛ̀ 1:51

Yerzù rzìi à òhwa hvɛ nanù ema, “Nà è òhweyà ndi è jɔ̀kɛ̀ è ɛnɛ è ŋmanyu yà lohwà è lìhvòweyà rzìi i aŋgèlì jà ama Lohwɛ̀ jà agba jò ɔ̀ndɔ̀ ò ŋmanyu yà ama è Ŋmanà wà è Mòtò wà Hwènàmà.”

Yòwanìrzɛ̀ 12:34

È ŋgìndì rzìi e mò alàhwɛ̀ nanù ema, “È mbenda ya arzu e jò òhwèlì nanù ema, ‘È Mɔ̀ ema a Ɔ̀kirzɛ̀hwɛ̀yi à hwɛ natɛ̀ɛ nà ò mòlìkɛ̀.’ Nɛ rzɔ ò wa ò tànɛyi lì òhwa nanù ema, ‘È Ŋmanà wa e Mòtò wa Hwènàmà a àŋgàmɛ̀nɛ̀ lì karzɛhwɛ ò ŋmanyu e?’ Njɛnɛ rzɔ a hwèlì ònò ‘Ŋmanà wà è Mòtò wà Hwènàmà e?’”

Yòwanìrzɛ̀ 3:14

Nà òma Mòrzè à mà wòmeyà gbàahwà ò lìwòndì rzìi a lì tɛ̀mìrzɛ̀ ò mòrzanjɛ̀, nanù mɛnɛ hvɛ ndi è Ŋmanà wà è Mòtò wà Hwènàmà a ò tɛ̀mìrzɛ̀hwɛ̀.

Yòwanìrzɛ̀ 5:27

A ŋgbelì è Ŋmanà è ŋginyà ò lì kàyìrzɛ̀ èhwànja e Ŋmanà ndi à hwèlì e mɔ̀ ema hwa hwɛlɛ è Ŋmanà wà è Mòtò wà Hwènàmà.

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 7:56

À mà hwa òhweyà nanù ema, “È ɔŋgɔ̀ tɛ, nà ɛni è ŋmanyu yà lohwà è lìhvòwelì. Ndeŋgànɛ̀lɛ̀ hvɛ è Ŋmanà wà è Mòtò wà Hwènàmà, à tɛ̀mì ò ehvarzù yà lìya là mòmɛ̀ là ama Lohwɛ̀.”