Matiyò 15:31 - Mokpwe: Bakwery (New Testament)

³¹ Hwàŋga hwatò hwà mà jeja rzayi na òma hwà mà ɛnɛ nɛ imbùke jò òhwa, imbòkò i wɔ̀wìrzɛ̀wɛ̀yi, hwaŋga ema hwà mà kperzòhwa hwà ma ɛ̀ndɛ gbamù, na òma indima hvɛ i ma ɛ̀nɛ, rzìi hwa eka Lòohwà la hwatò hwa Irzàyɛ̀lì.

Matiyò 15:31 ပူးပေါင်းရင်းမြစ်များ

Matiyò 15:30

Ŋgindi ndɛnɛ e mà mò jèeyà, hwà mà mò jàneyà hwatò hwa kperzòhwa, e wɔ̀ hwa ndima, imbòkò, imbùke na hwahvɛhvɛ hwatò ema hwà mà òhva ihvɛ-hvɛ nyàmbɛ. Hwà mà naŋgɛlɛ hwaŋga hwatò ò meende me ama Yerzù, rzìi a hwa wɔ̀wìrzɛ̀ hwa arzɛ.

Matiyò 18:8

È hwèlì tɛ ema lìya là aŋgɔ̀ tɔ̀ lìtaŋgà lì aŋgɔ̀ lì ò undìrzɛ̀ tɛ ò wòhwe ò lì kɛ ò lì hvimbe ɔ̀nɛyi. Ò lɔ̀wu nanù ema ò òhve lòŋgɛ nà lì hwɛ èhvàrzù yà nyò, lì aka ò lì hwɛnɛ màà màhwàkɛ̀ nà mèèndè mèhwàkɛ̀ rzìi hwa ò hvimba ò tenì yà mùnya ema mò rza lìma.

Matiyò 21:14

Hwàŋga hwatò ema hwà mà ɔ̀kirzɛ̀ e nyàmbɛ ya ndima na mbòkò hwà mà mò jèeyà ò tenì ya e Ndawò yà Lohwà ya màkanɛ̀, ndèŋgànɛ̀lɛ̀ à mà hwa wɔ̀wìrzɛ̀.

Matiyò 8:10

Nà òma Yerzù à mà hweye hwenè hwèyòhwèlì, à mà tàmà rzayi-rzayi, rzìi à òhweyà hwaŋga ema hwa mà mò nɔ̀ŋgɔ nanù ema, “Nà è òhweyà ndi è jɔ̀kɛ̀, nà rzì ɛnì tɔ̀ mòtò tɔ̀ mɔ̀kɔ ò èkòmè ya arzɛ yà Irzàyɛ̀lì ema à òhvi ene tumba ya lìlòkɛ̀ ema ònò ŋmɛ̀nì à òhvi.

Matiyò 9:32

Hwaŋga hwatò hwahwàkɛ ema Yerzù à mà wɔ̀wìrzɛ̀hwɛ̀ rzìi hwa anjiya aŋga òma. Nà òma hwa mà anjiye, hwatò hwa ma jàneyà Yerzù mòtò mɔ̀kɔ ema à mà hwɛ mbuke èhwanja èlìŋgɛ̀ ya wòhwe e ma mò hwɛ ò tenì.

Matiyò 9:33

Nà òma Yerzù à mà wurzirzɛ eŋge èlìŋgɛ̀ ya wòhwe, ò ma òŋgò mòtò ema à mà hwɛ mbùke rzìi òŋgò mòtò a wòteya lì òhwa. È ŋgìndì ema e ma hwɛ aŋga e ma tàmà rzìi hwa wòteya lì òhwa nanù ema, “Ene nyayi ya eyà e rzìi gbèyɛ̀nɛ ò èkòmè ya arzɛ ya Irzàyɛ̀lì.”

Matiyò 9:8

Nà òma è ŋgìndì è mà ɛnɛ nanù, hwa mà tùmeyà nà mòkambiya. Rzìi hwa wòteya lì eka Lohwɛ̀, èhwanja mɔ̀ à ŋgbelì hwatò ène tumba wònjà.

Makòrzì 2:12

À mà tɛ̀mɛ̀ rzìi à wòwà lìkɔ̀kɔ̀ lì eni à anjiya ò èŋge ndawò ò hwɛ̀ɛ̀nèlì hwe hwaŋga hwatò hwa arzɛ. Ène eyà è mà tàmìrzɛ̀ hwatò hwa arzɛ rzìi hwa eka Lohwɛ̀ hwa òhwa nanù ema, “Ì rzi ɛni ène nyàyi yà eyà!”

Makòrzì 7:37

Tɔ̀ ima mɔ̀ ema a mà hwèya hwenè hweyà a mà hwe tameya rzayì-rzayì, rzìi hwa òhwà nanù ema, “A gbèyi hweyà hwe arzɛ gbamù. A gbeyà hvɛ hwetòòtò hwe hweyà, ìmbùke hvɛ jò òhwa.”

Makòrzì 9:43

O èŋgànɛ̀lɛ̀ lìya là aŋgɔ̀ lì ò gbèyi tɛ nanù ema ò gbeyè wòhwe ò lì kɛ ò lì hvimbe. È hwèlì gbamù nà òhwa lì lùwa lòŋgɛ là gbìndèyà nà èhvàrzù yà aŋgɔ̀ yà nyò lì aka lì òhva màà màhwàkɛ rzìi ò undirzɛhwɛ ò ehvɔ̀ndi yà mùnya ema e rza lìma.

Lukàrzɛ̀ 14:13

Ndi ò òŋgòlɛ tɛ ndèma, ò yòhwɛ ndi mèlìrza me hwatò, ìmbòkò, e hwa njɛmbu na ìndima ja hwatò.

Lukàrzɛ̀ 14:21

Òŋgò mògbèèlì à mà tìmba lì òhweyà è rzàŋgò yà èni yà èwòlò hwenè hweyà hwe àrzɛ. È rzàŋgò yà èni yà èwòlò, e ma tata rzayì-rzayì, rzìi a òma òŋgò mògbèèlì wa eni, a mò òhweyà nanù ema, ‘Ɛ̀ndɛ ɔ̀nɛ̀yi mèyòmbò karzi-karzi, nà ò màhvani ma arzɛ ma mbòwà, ò tìmbànè mèlìrzà me hwatò, nà ìmbòkò, nà ìndima, nà e hwaa njɛmbu.’

Lukàrzɛ̀ 18:43

Lìwòkìmɛ̀nɛ̀, òŋgò mòtò rzìi a wòteyà lì ɛnɛ̀. Rzìi à òŋgama Yerzù. A ŋgbà hvɛ Lohwɛ̀ jèka. Nà òmà è ŋgìndì yà àrzɛ e mà ɛnɛ nanù, è mà ŋgbà Lohwɛ̀ jeka.

Lukàrzɛ̀ 7:16

Wɔ̀ hwa arzɛ hwa mà lɛ̀mbeya mòkambiya rzìi hwa eka Lohwɛ̀ nanù ema, “Mòòhwèlì wà èlìŋgɛ̀ à jò wurzelì ò ìtììtènì jà arzu,” rzìi hwa òhwa hvɛ nanù ema, “Lohwɛ̀ à ma jà ò lì rzùŋgà hwatò hwa eni.”

Yòwanìrzɛ̀ 9:24

È ŋgèlì e ùkirzɛ̀ ihwàkɛ rzìi hwaŋga hwatò hwa wònyà Yudà hwa hwɛlɛ hvɛ òŋgò mòtò ema à mà ŋyàahwàna e ndima, rzìi hwa mò òhweyà nanù ema, “O lìna la ama Lohwɛ̀ òhwa e jɔ̀kɛ̀ ya aŋgɔ̀. I hwi nanù ema ònò mòtò ema a ò wɔ̀wìrzɛ̀ a hwèlì ndi mòtò wa wòhwe.”