Matiyò 15:27 - Mokpwe: Bakwery (New Testament)

²⁷ Oŋgò mòlanà rzìi a mò alàhwɛ̀ nanù ema, “Mamɛ ò òhwi e hwèlì ndi e jɔ̀kɛ̀ ndi tɔ̀ iŋgba jò ɔhvɛ i làa ì mbumbu ja mèlelì ema ja unda ò tehwèlì ya ama e rzàŋgò ya awu.”

Matiyò 15:27 ပူးပေါင်းရင်းမြစ်များ

Matiyò 15:26

Yerzù rzìi a mò alàhwɛ̀ nanù ema, “O rza lɔ̀ɔ lì wòwà mòlelì mò hwàna rzìi ò mò aŋgbeyà iŋgba.”

Matiyò 15:28

Yerzù rzìi a mò alàhwɛ̀ nanù ema, “O hwèlì ndi mòlanà a òhvi lìlòkɛ̀ lì òlò! Mamɛ ò arza e ò gbèyɛnɛ.” Liwòkimɛnɛ e ŋmanà wa eni wa mòlanà à mà wɔ̀wɔ̀.

Matiyò 5:45

È gbèyi tɛ nanù, è ò hwɛ ndi hwàànà hwa ama Tatɛ̀ wà anyu ema à hwèlì ò ŋmanyu yà lohwà. Mɔ̀ à gbèya igbèyi ì hvanyeya nà è mbuwà ò lì yɔ̀yèyà hwatò hwa wòhwe nà hwatò hwa gbamù, nyàyi hvɔ̀kɔ.

Matiyò 8:8

Oŋgò mɔ̀ɔ̀ŋgèlì wà hwàànà njùma rzìi à alàhwɛ̀ Yerzù nanù ema, “Ìi Rzàŋgò nà rza uki tɔ̀ mòtò ema nà tànɛyi lì ò arzàŋgànɛ̀lɛ̀ nàa ŋmɛ̀nì ò ndawò yà ami, ndi òhwa mbɔrzi hvɔ̀kɔ òma è mògbèèlì wà amì à mà wɔ̀wɔ̀.

Makòrzì 7:28

Oŋgò mòlanà rzìi a mò alàhwɛ̀ nanù ema, “Nà e jɔ̀kɛ̀ Rzàŋgò tɔ̀ iŋgba hvɛ ì nòŋgama ò rze ya tehwèlì ì làa hvɛ ì mbumbu ja mèlelì hwàna hwa undirzɛ.”

Lukàrzɛ̀ 16:21

À mà àmbɛlɛlɛ iŋgi mbùmbu ja mèlelì ema ì ma hwɛ lì ùnda ò hwèlèèlì hwe ama èŋge èhwàŋgì ya mòtò. Ì ŋgba hvɛ ì mà hwɛ lì jà ò lì tɛ̀mbɛ ìhveya ja eni aŋga.

Lukàrzɛ̀ 18:13

“Ndi è mòrzàŋgèlì wà è njàŋge yà lìkànèyà à mà tɛ̀mɛ̀ hvòhvò. À rzi tanɛ̀ hvɛ tɔ̀ lì kàrzɛ mìirzɔ̀ ma eni ò lì ɔŋgɔ̀ lìwòhwɛ̀ la ŋmanyu. À mà ika màà mà eni ò màhwembe ma eni rzìi a kànɛ̀ nanù ema, ‘Ìi Lohwɛ̀ ò nò òkeya ììlì. Nà hwèlì ndi mòtò wà wòhwe.’”

Ròmànì 10:12

Ène e hwèlì rzɔ ò hwatò hwa arzɛ èhwanja ò rza enje hwekàhweli ema hwanu hwa hwèlì ndi wònyà Yudà, hwanu hvɛ hwa rza enje wònyà Yudà. Lohwɛ̀ a hwèlì ndi e Rzàŋgò ya hwatò hwa arzɛ, ndeŋgànɛ̀lɛ̀ hvɛ à nàmìrzɛ̀ rzayi-rzayi hwaŋga ema hwa mò hwɛlɛ.

Ròmànì 3:19

O nàŋgɛ nanù irzɔ i hwi nanù ema tɔ̀ ima eyà ema e tìlahwì ò tenì ya e kààtì ya mbenda, e ɔ̀ŋgɔ ndi hwaŋga hwatò hwa arzɛ ema hwa ŋgbàahwì eŋge mbenda. O èŋgànɛ̀lɛ̀ rzɔ tɔ̀ mòtò a rza tànɛyi a òhwa nanù ema a rzu ŋmàŋgò. Tɔ a hwɛ ndi wònyà Yudà tɔ̀ hwaŋga ema hwa rza enje wònyà Yudà, tɔ̀ ima mòtò a ò tɛ̀mɛ̀ ò wòrzò wò ama Lohwɛ̀.

Ròmànì 3:29

Ŋga e lùtèyà ndi nanù ema, Lohwɛ̀ a hwèlì ndi Lohwà la wònyà Yudà mɛnɛ e? Rzeke a hwèlì hvɛ ndi Lòohwà la hwatò ema hwa rza enje wònyà Yudà e? Ò jɔ̀kɛ̀ a hwèlì hvɛ ndi Lòohwà la awu.

Ròmànì 3:4

Ò jɔ̀kɛ̀ rzeketɛ nanù. Tɔ ima mòtò wa hwènàmà anu rze ya mɔ̀nyɛ̀ a tànɛyi lì òhwa hweyà ema hwe rza enje jɔ̀kɛ̀. Ndi Lohwɛ̀ mɔ̀ à hwèlì jɔ̀kɛ̀ ò ihvònda ja arzɛ. Nà òma e tìlahwì ò kààtì ya Lohwà nanù ema, “A òhwi tɛ eyà, hwatò hwa àŋgàmɛ̀nɛ̀yi lì hwiya nanù ema màmɛ ema a òhwa e hwèlì ndi e jɔ̀kɛ̀. Hwa ò kàyìrzɛ̀ tɛ, ò hwɛni lì kaya mòŋgò ŋmàŋgò ŋgàna ema e hvòmɛ̀nɛ̀.”

Ɛ̀hvìrzìyà 3:19

Nà kànɛ̀ hvɛ nanù ema tɔ̀ nɛ tɔ̀ mòtò tɔ̀ mɔ̀kɔ à rza tànɛyi lì hwiya kɔ̀yi-kɔ̀yi nɛ Krirztò ò jɔ̀kɛ̀ à è lìŋgàni inyɛ Lohwɛ̀ à è gbeye è rzɔ̀ŋgìtɛ̀nɛ̀. Nà kànɛ̀ nanù, aŋga nanù hwègbèèlì hwe anyu hwe hwɛ ndi nàa è hwe ama Lohwɛ̀.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.