Matiyò 15:26 - Mokpwe: Bakwery (New Testament)

²⁶ Yerzù rzìi a mò alàhwɛ̀ nanù ema, “O rza lɔ̀ɔ lì wòwà mòlelì mò hwàna rzìi ò mò aŋgbeyà iŋgba.”

Matiyò 15:26 ပူးပေါင်းရင်းမြစ်များ

Matiyò 15:25

Nà òma òŋgò ŋmanà mòlanà à mà hweye nanù, rzìi a kpèeyà Yerzù ò matàŋgà ma eni rzìi a mò rzòrzòmeya nanù ema, “Rzàŋgo ò nò òŋgòwane!”

Matiyò 15:27

Oŋgò mòlanà rzìi a mò alàhwɛ̀ nanù ema, “Mamɛ ò òhwi e hwèlì ndi e jɔ̀kɛ̀ ndi tɔ̀ iŋgba jò ɔhvɛ i làa ì mbumbu ja mèlelì ema ja unda ò tehwèlì ya ama e rzàŋgò ya awu.”

Matiyò 7:6

O rzi wòwà hwèèmà hwe ama Lohwɛ̀ rzi ò ji ŋgbà iŋgba, èhwanja jò ò àyiŋgòwɛ̀lɛ̀lɛ̀ lì ò urzuweyà. O rzi hvimbeya hvɛ iŋgòwa ŋmɛ̀ɛ̀ŋgu mò aŋgɔ̀, èhwanja i jì làalà nà matàŋga mà awu.”

Ròmànì 9:4

Hwàtò hwa ami hwa hwèlì ndi hwatò hwa Irzàyɛ̀lì. Lohwɛ̀ à mà òhwa nanù ema mɔ̀ à mà hwa wòwa nàa hwàanà hwa eni, rzi a hwa wuluweya hvɛ ŋmàye mò eni. Lohwɛ̀ à mà gbeyà hwèyòmbò hwe eni na wɔ̀, rzi a hwa ŋgba e mbenda. A ma hwa uŋmɛ̀lɛ̀ nɛ hwa hwɛni lì mò ŋgba èluhwe, ndèŋgànɛ̀lɛ̀ à mà hwa òhweyà nanù ema a gbeyà mamɛ ema à mà òhwe nanù ema a gbeyà.

Gàletìyà 2:15

Irzɔ ema o hwèŋyàyèlì i hwèlì ndi wònyà Yudà, i rza enje ndi nàa hwatò ema hwa rza enje wònyà Yudà ema irzɔ i hwi nanù ema hwa rza hwi e mbenda ya ama Lohwɛ̀.

Ɛ̀hvìrzìyà 2:12

È ɔ̀ŋgɛ̀lɛ hvɛ ema o eŋge hvonda inyɔ e rzìi hwiye Krirztò. Inyɔ e rzi ahvìyànɛ̀ mondeŋge na hwatò hwa Irzàyɛ̀lì ema wɔ̀ ndi Lohwɛ̀ à mà hvɔ̀rzì. È rzi hwɛnɛ tɔ̀ eyà o lì gbeyàna yòòmbò ema Lohwɛ̀ à mà ohwe nanù ema a gbeyà mamɛ a hwɛni lì gbeyà. Nà oma e ma hwɛ o rze e rzi hwɛnɛ tɔ̀ lìhvìtà, ndèŋgàna e rzi hwiye Lohwɛ̀.

Hvìlipìyà 3:2

È aŋgoweya hwaŋga hwatò hwa wòhwe ema hwa hwèlì ndi nàa iŋgbà, e hwa aŋgoweya ehwànja wɔ̀ hwa ohwa nanù ema mòtò a àŋgàmɛ̀nɛ̀yi lì endàhwa.

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.