Matiyò 15:16 - Mokpwe: Bakwery (New Testament)

¹⁶ Yerzù rzìi a hwa òhwàna nanù ema, “Nàtɛ̀ɛ na naŋgɛ inyɔ hvɛ e rza rzɔ̀ŋgìtɛ̀nɛ̀ e?

Matiyò 15:16 ပူးပေါင်းရင်းမြစ်များ

Matiyò 13:51

Yerzù rzìi a ijòwa hwà-òkòwèlì hwa eni nanù ema, “Inyɔ e ma rzɔ̀ŋgìtɛ̀nɛ̀ hwenè hwèyòkòwèlì hwe arzɛ e?” Wɔ̀ rzìi hwa mò alàhwɛ̀ hwa ama “Ɛ̀ɛ.”

Matiyò 15:10

Yerzù rzìi à hwɛlɛ e ŋgìndì ò lì mò jèeyà rzìi a hwa òhweyà nanù ema, “Inyɔ̀ hwa arzɛ e nò òkànèyà, e rzɔ̀ŋgìtɛ̀nɛ̀ hvɛ kɔ̀yi-kɔ̀yi!

Matiyò 15:15

Pètrò rzìi a òhwa nanù ema, “O jò òhweyà jànda ja mònò ŋmàna,”

Matiyò 15:17

È rza rzɔ̀ŋgìtɛ̀nɛ̀ e? Tɔ̀ ima yòma e ma e kpèelì ò wàna ya mòtò, e ɔ̀ndɔ̀ ò lùùŋga la eni, rzìi e wurza ò nyò ya eni.

Matiyò 16:11

È hvònda na me e òhweyà nanù ema e aŋgòhweya ehwindi na rza òhwe ndi lì hvòmɛ̀nɛ̀ hwehvòòtò. È aŋgòhweyà ehwindi ya Ihvalìrzàyì na Irzàdùrzì.”

Matiyò 16:9

È rza òhvi lì rzɔ̀ŋgìtɛ̀nɛ̀ hvɔ̀ni e? È rza tànɛyi lì ɔ̀ŋgɛ̀lɛ̀ e hvònda ema nà mà lìrzɛ hwekòlì hweta hwe hwatò na hwèhvòòtò hweta e? Ŋgata iti ja hwehvetɛlɛ ema e ma rzaŋge e?

Makòrzì 6:52

Hwà-òkòwèlì hwà mà tàmà èhwanja, wɔ̀ hwa rzi rzɔ̀ŋgìtɛ̀nɛ̀ jànda ja mànyakà mà eyà ema Yerzù a lìrzɛyi hwèkòlì hwèta hwe hwatò. Hwà-òkòwèlì hwa eni hwa rzi tanɛ̀yi lì ayèmbɛ.

Makòrzì 7:18

Yerzù rzìi a hwa òhweyà nanù ema, “Inyɔ hvɛ è rza rzɔ̀ŋgìtɛ̀nɛ̀ e? È rza ɛni nanù ema tɔ̀ ima yomà ema e kpèèlì mòtò rzìi e wurza, e rza mò gbeyà ema a hwɛ mbìndò ò wòrzò wò ama Lohwɛ̀ e?

Makòrzì 9:32

Ndi Hwà-òkòwèlì hwa eni hwa rzìi rzɔ̀ŋgìtɛ̀nɛ̀ mamɛ èma a mà òhwe rzìi hwa òka wɔ̀ɔŋgɔ̀ ò lì mò ijòwà.

Lukàrzɛ̀ 18:34

Hwàŋga hwà-òkòwèlì, hwa rzi rzɔ̀ŋgìtɛ̀nɛ̀ mamɛ ya arzɛ ema a mà òhwe. Mònò ŋmàna mò mà hwa aka lìhwiyè. Hwa rzi hwiyè mamɛ a mà hwɛ lì òhwà.

Lukàrzɛ̀ 24:45

Rzìi à hwa lìhvòhwa mɔ̀ŋgɛ̀lɛ̀ ma awu aŋga nanù hwa rzɔ̀ŋgìtɛ̀nɛ̀ e kààtì yà ama Lohwɛ̀.

Lukàrzɛ̀ 9:45

Ndi Hwà-òkòwèlì hwa eni, hwa rzi rzɔ̀ŋgìtɛ̀nɛ̀ mamɛ a mà òhwe. È mà hwɛ ndi nàa ŋmàna ema hwa rzi tanɛ̀yi lì rzɔ̀ŋgìtɛ̀nɛ̀. Hwà mà òka hvɛ wɔ̀ŋgɔ̀ ò lì mò ijòwà.

Hibrù 5:12

Nà ohwa ndi nanù ehwànja, ò nàŋgɛ inyɔ è mà àŋgàmɛ̀nɛ̀ ndi lì hwɛ hwatò ema hwa okòlɛ hwahvɛhvɛ hwatò. Ndi hwa àŋgàmɛ̀nɛ̀ o lì e okolɛ hvɛ, hweyà ema inyɔ̀ e ma màa lì hwiya lì hvomɛ̀nɛ̀ ŋmɛ̀ndì mo ama Lohwɛ̀. È hwèlì ndi nàa mɛɛŋgɛ me hwanà ema hwa arza ndi lì nyɔ̀ŋgìrzɛhwɛ, rzeketɛ mòlelì ema mo eti.