Matiyò 15:11 - Mokpwe: Bakwery (New Testament)

¹¹ Rzeketɛ e yɔ ema e kpèeyà ò tenì ya e wàna ya mòtò ndi e mò gbeyà a hwɛ ŋmiŋgò ò ma Lohwɛ̀, ndi mamɛ ema e wurza mòtò ò wàna ya eni yɔ̀ ndi e mò gbeyà ema a rza hwɛ wòrzàŋgì, ò wòrzò wò ama Lohwɛ̀.”

Matiyò 15:11 ပူးပေါင်းရင်းမြစ်များ

Matiyò 15:10

Yerzù rzìi à hwɛlɛ e ŋgìndì ò lì mò jèeyà rzìi a hwa òhweyà nanù ema, “Inyɔ̀ hwa arzɛ e nò òkànèyà, e rzɔ̀ŋgìtɛ̀nɛ̀ hvɛ kɔ̀yi-kɔ̀yi!

Matiyò 15:12

Hwà-òkòwèlì hwa eni rzìi hwa mò ijòwà nanù ema, “O hwi nanù ema hwèyòhwèlì hwe aŋgɔ̀ hwe tàtìrzɛ̀ Ihvàlìrzàyì mèèmà me awu e?”

Makòrzì 7:15

Ò rza ènje tɔ̀ yomà ema e wùrza ò èwòkà rzìi e kpèeyà mòtò, rzìi e mò gbeyà a hwɛ ŋmiŋgò, ò wòrzò wò ama Lohwɛ̀. Ndi eyà ema e wurza mòtò ò tenì, yɔ̀ ndi e mò gbeyà ema a rza hwɛ wòrzàŋgì, ò wòrzò wò ama Lohwɛ̀.”

Ròmànì 14:14

Nà òma na hwèlì mɔ̀kɔ na e Rzàŋgò Yerzù, hwe nò òkòlɛ̀ ò lì hwiya kɔ̀yi-kɔ̀yi nanù ema ò rza enje tɔ̀ mòlelì ema ò mɔ̀ ŋmìti mò rza rzaŋgɛ ò wòrzò wò ama Lohwɛ̀. Ndi ò hwèlì tɛ mòtò ema a lutelì nanù ema ò hwèlì mòlelì ema mò rza rzaŋgɛ ò wòrzò wò ama Lohwɛ̀, a rzi mò laa.

Ròmànì 14:17

Rzeketɛ lì laa la mòlelì na lì nyɔ la mimba ndi lì hwèlì wòlìtò ò lìkànèyà la ama Lohwɛ̀. Ndi hweyà ema hwe hwèlì wòlìtò hwe hwèlì ndi ò lì hwɛnɛ hwɛ̀ɛ̀mɛ̀ ema hwe enyòhwɛ̀nɛ̀ ò wòrzò wò ama Lohwɛ̀, ò lì hwɛ ò ɛ̀yɔ̀lɛ̀, nà ò mɔ̀nyɛ̀ŋgì ema Èlìŋgɛ̀ yà Wòtani e ŋgba.

Ròmànì 14:20

Ène eyà ya mòlelì e rzi gbeyà ema ò hvàŋge èwòlò ema Lohwɛ̀ à mà gbeyɛ. Melelì me arzɛ me rzaŋgi ò wòrzò wa ama Lohwɛ̀. Ndi e hwèlì ndi lùurzè lì laa tɔ̀ ima mòlelì ema mò gbeyà ò hvɛhvɛ mòtò a unde ò wòhwe.

1 Tìmotì 4:3

Hwanu hwà-òkòlèlì hwa mòlàŋga wɔ̀ hwa okolɛ hwatò nanù ema hwa rzi keka lì hwaa. Ndeŋgànɛ̀lɛ̀ hvɛ ema hwatò hwa rzi laa tumba ja melelì. Lohwɛ̀ à mà weka ndi meŋge melelì nanù ema hwatò hwa me lee. Ndi hwaŋga ema hwa hwi ŋmɛ̀ndì mò gbamù, hwa mo lòkɛ̀yi na lì eka Lohwɛ̀ o meŋge melelì.

Tàyìtùrzì 1:15

O hwatò ema hwa rzàŋgi, hwèèmà hwe arzɛ hwe rzàŋgi, ndi o hwaŋga hwatò ema hwa rza rzàŋgɛ, ndeŋgànɛlɛ hwa rza lòkɛ̀, tɔ̀ eyà o màlùtèyà mà awu nà ò mèèmà me awu e rza rzàŋgi.

Hibrù 13:9

È rzi kèka lì lùkɛlɛhwɛ na hwèyokòlelì ema hwe ayeŋgòwɛ̀. O lɔ̀wu nanù ema è ndèli ya ama Lohwɛ̀ è ètìrzɛ, rzeketɛ imbenda lì hvomɛ̀nɛ̀ mòlelì. Iŋgi mbenda e rza ohvi tɔ̀ mɔ̀rzɛ̀ŋgì na hwaŋga ema hwa ja ika.

2 Pètrò 2:18

Wɔ̀ hwa gbeyà jòòhwì jà kumba na èèti. Wɔ̀ hwa gbeyàna hweyàrzèlì hwe è nyàma nyo yà è mòtò wà hwènàmà ò lì lùkɛ̀lɛ̀ hwatò. Hwàto ema wɔ̀ hwa ɔ̀njɔ̀ɔ̀, hwa hwèlì ndi hwatò ema hwa mà wòteyà lì ulɛ̀ màtàŋga mà awu ò hwèlìyelì hwe hwatò hwa wòhwe.