Matiyò 14:9 - Mokpwe: Bakwery (New Testament)

⁹ Hɛ̀rɔ̀dì à mà ònda na ndùtù ò ŋmèma, ndi èhwanja à mà hwɛ à mà ààtɛ̀ à mà a mò ŋgbà tɔ̀ mamɛ ema a arza ò wòrzò wò hwatò hwa arzɛ, à mà akɛlɛ lìlò ema hwa jàne mòòhvò mò ama Yòwanìrzɛ̀ è mòlùhwìrzèlì hwa mò ŋgbe òŋgò ŋmanà ŋgɔ̀ndɔ̀.

Matiyò 14:9 ပူးပေါင်းရင်းမြစ်များ

Matiyò 14:1

O eŋge hvònda mɛnɛ Hɛ̀rɔ̀dì ema mɔ̀ ndi à mà hwɛ e mòkànèlì hwa èkòmè ya Gàlìlì, à mà hwèya lì hvòmɛ̀nɛ̀ hweyà ema Yerzù à mà hwɛ lì gbeyà.

Matiyò 14:10

O èŋgànɛ̀lɛ̀ à mà òma hwatò ò hwèwòwà ema hwa rzenjòwe Yòwanìrzɛ̀ mòòhvò mò eni.

Matiyò 14:5

Hɛ̀rɔ̀dì à mà arza lì mò òŋwa ndi à mà òka wònyà Yudà wɔ̀ŋgɔ̀, èhwanja hwa ma lòkɛ̀ nanù ema Yòwanìrzɛ̀ a hwèlì ndi mòòhwèlì wa èlìŋgɛ̀.

Matiyò 14:8

È nyàŋgò ya ama òŋgò ŋmanà wa ŋgɔ̀ndɔ̀ rzi e mò kòna ò lì òhwa nanù ema, “O nò ŋgbe anu ò naŋgɛ mòòhvò mò ama Yòwanìrzɛ̀ è Mòlùhwìrzèlì, ò tandami!”

Makòrzì 6:14

È mòkànèlì Hɛ̀rɔ̀dì a mà hweyà hwenè hweyà ema Yerzù ama hwɛ lì gbeyà. Èhwanja hweyà hwe gbamù Yerzù à mà hwɛ lì gbeyà, hwe ma gbeyà a mà hwìyɛ̀nɛ̀ hwèkì hwe àrzɛ. Lòŋgò la hwatò hwa mà hwɛ ndi lì òhwa nanù ema, “Yòwanìrzɛ̀ è Mòlùhwìrzèlì ndi à mà hvùmùwɛ̀ ò kpelì, ɔ̀ndeŋgàtɛ̀ a òhvi ŋginyà ya lì gbeyà manù mànyàkà mà arzɛ.”

Makòrzì 6:20

Hɛ̀rɔ̀dì à mà òka Yòwanìrzɛ̀ wɔ̀ŋgɔ̀. A ma hwiya hvɛ nanù ema Yòwanìrzɛ̀ à mà hwɛ ndì mòtò wà gbamù, à mà ònda nà wòtani. O èŋgànɛ̀lɛ̀ Hɛ̀rɔ̀dì à mà hwɛ lì mò àŋgòhweyà aŋga nanù eyà ya wòhwe e rza mò gbèyɛ̀nɛ̀. À mà lìŋgàna lì mò òkànèyà, tɔ̀ nɛ tɔ̀ ima lìrzakò ema à mò òkanelì, èŋge eyà e ma mò tàkirzɛ ò ŋmèma rzayì-rzayì.

Makòrzì 6:26

Kiŋgɛ Hɛ̀rɔ̀dì a mà wukumeya ò ŋmèma mò eni, ndi nà òmà mɔ̀ à mà lòme lì àtɛ̀ɛ̀ yòmbò, ò ìtììtènì yà hwàyɛ̀nì hwa eni, a rzi tanɛ̀ lì mò rzɔ̀rzɔ̀nɔ̀ mamɛ à ma arze.

Lukàrzɛ̀ 13:32

Yerzù rzìi a hwa alàhwɛ̀ nanù ema, “È ɛ̀ndɛ è òhweyà èŋge èrzò nanù ema, ‘Yàwònò nà ŋmɛlɛ nà hvaya hwèlìŋgɛ̀ hwe wòhwe, na wɔ̀wìrzɛ̀ hvɛ hwatò, wòrzihwàkɛ ò ma na kulɛ̀ èwòlò ya ami.’