Matiyò 14:6 - Mokpwe: Bakwery (New Testament)

⁶ O wùnyà wò lì ɔ̀ŋgɛ̀lɛ̀ wùùnya wò hwèŋyàyèlì hwe ama Hɛ̀rɔ̀dì wò ma ùke, Hɛ̀rɔ̀dìyàrzì e ŋmanà wa eni wa mòlanà à mà rza ŋgɔ̀mɔ̀ ò wòrzò wò hwatò hwa arzɛ ema hwa ma yòhwɛ̀hwɛ̀. Hɛ̀rɔ̀dì à mà òka mɔ̀nyɛ̀ŋgì rzayì-rzayì.

Matiyò 14:6 ပူးပေါင်းရင်းမြစ်များ

Matiyò 14:3

Hɛ̀rɔ̀dì à ma òhwa ndi nanù èhwanja mɔ̀ à mà òma hwatò ema hwa lɛ̀mbɛ̀ Yòwanìrzɛ̀, hwa ma mò kake e ŋgɔ̀kɔ̀hwi rzìi a mò aŋgɛ ò hwèwòwà. A ma gbeyà ndi nanù lì hvòmɛ̀nɛ̀ e jòjìyɛ̀ ya eni Hɛ̀ròdìyàrzì, ema à mà lòma lì hwɛ e jòjìyɛ̀ ya ama ŋmanyàŋgò wa enì Hvìlìpì.

Matiyò 14:7

Ene eyà ema mà mò gbeyà à mà kàkɛ̀nɛ̀ òŋgò ŋmanà ŋgɔ̀ndɔ̀ nanù ema, “Nà àtɛ̀ɛ̀ ema na ò ŋgbà tɔ̀ mamɛ ema ò arza.”

Matiyò 22:24

Rzìi wɔ̀ hwa òhwa nanù ema, “Ìi Mòòkòlèlì, e mbenda ya ama Mòrzè e òhwà nanù ema, ‘Mòtò a hwàyi tɛ mòlanà rzìi òŋgò mòtò a ŋwa e rzi hwɛ nanù ema mɔ̀ na òŋgò mòlanà hwa ŋyàyɛnɛ̀ tɔ̀ ŋmanà, òŋgò mòtò ŋmanyàŋgò wa enì hwa lùuŋga lɔ̀kɔ a hwɛni lì hwaa mòŋgò mòkurze aŋga nanù lìinà la ama ŋmanyàŋgò wa eni lì rza wɔ̀ɔ̀.’

Makòrzì 6:14

È mòkànèlì Hɛ̀rɔ̀dì a mà hweyà hwenè hweyà ema Yerzù ama hwɛ lì gbeyà. Èhwanja hweyà hwe gbamù Yerzù à mà hwɛ lì gbeyà, hwe ma gbeyà a mà hwìyɛ̀nɛ̀ hwèkì hwe àrzɛ. Lòŋgò la hwatò hwa mà hwɛ ndi lì òhwa nanù ema, “Yòwanìrzɛ̀ è Mòlùhwìrzèlì ndi à mà hvùmùwɛ̀ ò kpelì, ɔ̀ndeŋgàtɛ̀ a òhvi ŋginyà ya lì gbeyà manù mànyàkà mà arzɛ.”

Makòrzì 6:17

Hɛ̀rɔ̀dì à ma òhwa nanù èhwanja, a mà hwɛ à mà ŋgba lìlò nanù ema hwa ŋgbaŋgɛ̀ Yòwanìrzɛ̀ e Mùlùhwìrzèlì. Hwa mà mò lɛ̀mbɛ, hwa mò kaka rzìi hwa mò ika ò hwèwòwà. À mà gbeyà ndi nanù èhwanja à mà hwàà Hɛ̀ròdìyàrzì è jòjìyɛ̀ ya ama ŋmanyàŋgò wà èni Hvìlìpì.

Makòrzì 6:19

Ènè eyà e mà gbeyà Hɛ̀ròdìyàrzì à mà òmbɛlɛlɛ Yòwanìrzɛ̀ hwètàtò ò ŋmèma mò eni. O èŋgànɛ̀lɛ̀ à mà keka lì mò òŋwà, ndi Hɛ̀rɔ̀dì ama gbeyà ema a rzi tanɛ lì mò òŋwa.

Makòrzì 8:15

Yerzù rzìi a hwa kòkòwɛ̀lɛ̀ nanù ema, “È àŋgòhweyà ehwìndi yà Ihvalìrzàyì nà è yà ama Hɛ̀rɔ̀dì.”

Lukàrzɛ̀ 13:31

O lìŋgi lìrzàkò lòŋgò la Ihvàlìrzàyì hwa mà jèeyà Yerzù, rzi hwa mò òhweyà nanù ema, “Anjiya anù, ò ɛ̀ndɛ̀ ehvɛhvɛ èki èhwanja kìŋgɛ̀ Hɛ̀rɔ̀dì à arza lì ò òŋwà.”

Lukàrzɛ̀ 23:11

Hɛ̀rɔ̀dì nà hwaànèlì hwa eni hwa njùma hwa mà kìkòwa Yerzù. Hwa mà mò umbɛlɛlɛ mènìtò, rzìi hwa mò wɔ̀tìrzɛ mòŋgòmbè mò gbamù, rzìi hwa mò tìmbìrzɛlɛlɛ Pìlatò.

Lukàrzɛ̀ 23:7

Nà òmà ekòmè yà Galìlì è mà hwɛ ndi ò lìkànèyà là ama Hɛ̀rɔ̀dì, Pìlatò à mà mò òmeya Yerzù. Liŋgi lìrzàkò Hɛ̀rɔ̀dì mɔ̀ hvɛ à mà hwɛ ò Jèrurzalɛ̀mù.

Lukàrzɛ̀ 3:1

È hvònda ema è mòkànèlì Tìbɛ̀rìyàrzì a mà hwɛ è Kàyìrzà yà Ròmànì, ò hvòkà yà lìyòmɛ̀ la meya nà meta me lìkànèyà la eni, Eyà ya Lohwà e mà jèeya Yòwanìrzɛ̀, è ŋmanà wà ma Rzàkàriyà è hvònda ema a mà hwɛ ò mòrzanjɛ̀. Èŋge hvònda ndi Pòntìyùrzì Pìlatò a mà hwɛ è mòkànèlì hwà Jùdeyà. Hɛ̀rɔ̀dì mɔ̀ hvɛ ndi à ma hwɛ è mòkànèlì wà èkòmè ya Galìlì, ndèŋgà ŋmanyàŋgò Hvìlìpì hvɛ è mòkànèlì hwà èkòmè ya Ìturèyà nà èkòmè ya Tràkònitìrzì. Lìrzànìyàrzì hvɛ è mòkànèlì wa èkòmè ya Àbilɛ̀nì. Èŋge hvònda mɛnɛ ndi Anàrzì nà Kàyìhvàrzì hwa mà hwɛ Ipìlìrzì ì Karzamì.

Lukàrzɛ̀ 3:19

Yòwanìrzɛ̀ à mà kànja hvɛ Hɛ̀rɔ̀dì è mòkànèlì, èhwanja à mà gbeyà wòhwe ò lì hwàà Hɛ̀ròdìyàrzì è mòlanà wà ama ŋmanyàŋgò, nà hwehvɛhvɛ hweyà hwe wòhwe ema a mà gbèye.

Lukàrzɛ̀ 8:3

Yòwanà è jòjìyɛ̀ yà ama Kurzà ema à ma hwɛ è mòkànèlì wà hwàgbèèlì hwà mà Hɛ̀rɔ̀dì, Rzùrzanà, nà hwahvɛhvɛ hwalanà rzayì-rzayì. Hwanù hwalanà hwa mà gbeyàna ì hvèyò ja awu ò lì òŋgòwàna Yerzù, na hwà-òkòwèlì hwa eni.

Hwègbèèlì 12:1

O ene hvònda ɔ̀ndi kiŋgɛ̀ Hɛ̀rɔ̀dì à mà wòteya lì tàkìrzɛ̀ lòŋgò la hwatò hwa ŋmèmba.

Hwègbèèlì 4:27

È ma gbèyɛ̀nɛ nanù. Hɛ̀rɔ̀dì na Pòntìyùrzì Pìlatò hwà mà taneya ò ene mbòwà nàa hwatò ema hwa rza enje wònyà Yudà na hwàtimbelì hwa wònyà Irzàyɛ̀lì. Wɔ̀ hwà mà gbeyà ndi nanù, ò lì gbeyà hwètɛ̀yìrzèlèlì lì teŋgɛ̀nɛ̀ Yerzù, e mògbèèlì wa aŋgɔ̀ ema a hwèlì Wòtani, ndèŋgànà mɔ̀ ema ò wa ò ma Ɔ̀kirzɛ̀yi.