Matiyò 14:36 - Mokpwe: Bakwery (New Testament)

³⁶ Rzìi hwa mò rzòrzòmeya ema hwaŋga hwà-òkèlì hwa tɔ̀te lìrzukù la eni la mòŋgòmbè mò eni na màà mà awu mɛnɛ, hwaŋga hwa arzɛ ema hwà mà tɔ̀tɔ̀ lìrzukù là mòŋgò mòŋgòmbè mò eni na màà mà awu hwà mà wɔ̀wɔ̀.

Matiyò 14:36 ပူးပေါင်းရင်းမြစ်များ

Matiyò 14:35

Nà òma hwaŋga hwatò hwa eŋge mbòwà hwà mà embe Yerzù, rzìi hwa òmɛnɛ ŋmɛ̀ndì ema hwatò hwa jànè hwaŋga ema hwa ɔ̀kirzɛ̀ ò manɛyi màmbòwà ma arzɛ ma kòmbɛ̀nɛ̀. Rzìi hwa jàneyà Yerzù hwaŋga hwà-òkèlì.

Matiyò 23:5

Tɔ̀ mamɛ ya arzɛ ema hwa gbeyà, hwa e gbeyà ndi nanù ema hwatò hwa hwà ɛnɛ. Hwa gbeyà hwanà hwewòŋgò ema hwa tìla mòtìla mò Eyà ya Lohwà ò tenì rzi hwa hwe kaka ò mbɔ̀mbɔ̀ na ò mèyɔ̀yɔ̀ mè awu. Hwa gbeyà ŋmàamba mò èluhwe ema mà wàwà rzi hwà mà wɔ̀tɔ̀ ò ŋmanyu ya meŋgòmbe me awu.

Makòrzì 3:10

Èhwànja Yerzù à mà wɔ̀wìrzɛ̀ rzayì-rzayì ja hwatò, ò èŋgànɛ̀lɛ̀ hwatò ema hwà mà ɔ̀kirzɛ na ihvɛ-hvɛ nyàmbɛ, hwa mà hwɛ lì àyìinɛ̀lɛ̀ ò lì mò uka nanù ema a hwa hwàkɛ màà mà eni.

Makòrzì 6:56

Tɔ̀ ima èki ema à mà ɛ̀ndɛ ò màmbòwà marzàlì, na màndɛnɛ na ò ihvaya ema hwatò hwa lìya. Hwatò hwà mà jànà hwà-òkèlì tɔ̀ ima njuka ema hwatò hwà mà arzàŋganɛ ò lì gbeyà è nyòŋga. Nà òmà hwà mà hwa jane hwa rzòrzòmeya Yerzù nanù ema a hwɛmɛ hwà-òkèlì hwa tɔ̀te màà mà awu ò lìrzukù la lìwɔti la eni. Tɔ̀ ima mòòkelì ema à mà tɔ̀tɔ̀ lìrzukù la lìwɔti la ama Yerzù à mà wɔ̀wɔ̀.

Makòrzì 8:22

Yerzù nà hwà-òkòwèlì hwa eni hwa mà jà ò Bɛ̀trzàyìdà. Àŋga ndi lòŋgò la hwatò hwà mà jàne mòtò mɔ̀kɔ wa ndima rzìi hwa rzòrzòmeya Yerzù hwa ama a mò hwàkɛ lìya la eni.

Lukàrzɛ̀ 6:19

Hwatò hwa arzɛ hwa mà hwɛ lì kèka ò lì mò lɛ̀mbɛ, èhwanja è ŋginyà è mà hwɛ lì mò wurzà ò nyò ya eni ò lì wɔ̀wìrzɛ̀ hwatò.

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Yòwanìrzɛ̀ 7:23

È hwèlì tɛ ema mòtò à endàhwà ò wùnyà wò lì arziyòlɛ, aŋga nanù ò ma hwà mà unda e mbenda yà ama Mòrzè. Yaa mamɛ ndèŋgàtɛ̀ e nò tatana èhwanja na wɔ̀wìrzɛ̀ mòtò ò wùnyà wò lì arziyòlɛ e?

Hwègbèèlì 3:16

Onò mòtò ema e ɛnɛ nanù ema e hwi gbamù. È ŋginyà ema lìinà la ama Yerzù lì hwɛni na lì lòkɛ̀ ema mɔ̀ à hwɛni, na lì lòkɛ̀ hvɛ ema mɔ̀ à hwɛni na lìŋgi lìna lɔ ndi lì ŋgbelì ònò mòtò ema à mà hwɛ mbòkò e ŋginyà na lì mò wɔ̀wìrzɛ̀. Ndeŋgana inyɔ hwiti e ma ɛnɛ.