Matiyò 14:31 - Mokpwe: Bakwery (New Testament)

³¹ Yerzù a òma lìya la eni lìwòkimɛnɛ rzìi a mò nyàŋgà, rzìi a mò òhweyà nanù ema, “Ìi ò wa mòtò ema òhvi lìlòkɛ̀ lì rzàlì! Mamɛ ndèŋgàtɛ̀ ŋmèemà mò aŋgɔ̀ mò tumeya nanù e?”

Matiyò 14:31 ပူးပေါင်းရင်းမြစ်များ

Matiyò 14:30

Ndi na òma à mà ɛnɛ e mbɛ̀hvɛ̀nì nɛ e aka, à mà òka wɔ̀ŋgɔ̀ rzìi a wòteya lì inda ò rze ya malìhwa rzìi a tɛ ò ŋmanyu nanù ema, “Ìi Rzàŋgò, ò nò rzuŋge.”

Matiyò 14:32

Wɔ̀ hwàahwàkɛ̀ hwà mà kpèeyà ò tenì ya wɔ̀lɔ̀ rzi e mbɛ̀hvɛ̀nì e ɔ̀ndɔ̀meyà.

Matiyò 16:8

Yerzù à ma hwiyà mamɛ ema hwà mà hwɛ lì òhwa, rzìi a hwa ijòwa nanù ema, “Mamɛ ndeŋgatɛ e à òhwànɛ̀lɛ̀ nanù ema i rza jàni hwèhvòòtò e? Mamɛ ndeŋgatɛ lìlòkɛ̀ la anyu lì tùù nanù e?

Matiyò 17:20

Yerzù rzìi a hwa alàhwɛ̀ nanù ema, “Inyɔ e rzi tànɛyi lì hvaya eŋge èlìŋgɛ̀ èhwanja lìlòkɛ̀ la anyu lì rza òlò. È hwɛni tɛ lìlòkɛ ema lì òlò ndi nàa ŋmanà hvɔ̀ŋgɔ̀ wa wòrzaŋgò, e tànɛyi e kànèyà mònò mòoli nanù ema, ‘Anjiya anu, ò ɛ̀ndɛ ɔnɛyi!’ Ndèŋgànà mò ɛndɛ. È tànɛyi lì gbeyà tɔ̀ mamɛ.”

Matiyò 6:30

Lohwɛ̀ à wɔ̀tìrzɛ̀ tɛ hwèwùle hwe lìkòmbà là wàŋgà ema hwe hwèlì anù yàwònò rzìi ŋmɛ̀lɛ̀ hwe àŋgbahwa ò mùnya. Mɔ̀ à rza tànɛyi lì è wɔ̀tìrzɛ̀ lì akà hwèwùle e? Mamɛ ndeŋgàtɛ màlòkɛ̀ mà anyù mà utu e?”

Matiyò 8:26

Yerzù rzìi a hwa alàhwɛ̀ nanù ema, “Mamɛ ndèŋgatɛ̀ è òka wɔ̀ŋgɔ̀ nanù e? Mamɛ ndeŋgatɛ lìlòkɛ̀ la anyu lì tùù nanù e?” Rzìi à tɛ̀mɛ̀ ò ŋmanyu, à lòmeyà è mbɛ̀hvɛ̀nì ema e ma hwɛ lì hvɛhvɛ na hwèmùnɛ̀. O wòtɛmɛ̀tɛmɛ̀ e mbɛ̀hvɛ̀nì e ma kɛ̀ɛ̀yà rzìi hwèmùnɛ̀ hvɛ hwe lɔ̀kɔ̀meyà.

Makòrzì 1:31

Yerzù rziì à ɛ̀ndɛ ò mà òŋgò mòlanà, à mò lɛ̀mbɛ̀ lìya. À mò òŋgòwànà ò lì tɛ̀mɛ̀. Liŋgi lìyètì lì mà wɔ̀wɔ̀ rzìi òŋgò mòlanà à hwa kàrzɛ̀.

Makòrzì 1:41

Yerzù à mà òkeya òŋgò mòtò ììlì rzìi à enyòwa lìya là eni, à lì hwàkɛ òŋgò mòtò ò nyò yà eni, à òhwa nanù ema, “Nà lìŋgàni, rzàŋga!”

Makòrzì 11:23

Nà è òhweyà è jɔ̀kɛ̀ nanù ema, tɔ̀ ima mɔ̀ ema a òhwanì enè hvàko nanù ema, ‘Tɛmɛ ò ɛ̀ndɛ ò ahvimbɛ ò ŋmanjà,’ rzìi a rza òhve hwètamirzelì ò ŋmèma mò eni ndì à lòkɛ̀ nanù ema mamɛ ema à òhwi è gbèyɛ̀nɛ̀, è mò gbèyɛ̀nɛ̀.

Makòrzì 16:7

Ndi e ɛ̀ndɛ̀, e òhweyà hwà-òkòwèlì hwa eni na Pètrò nanù ema, Yerzù à mà hvùmùwà, ‘À hwèlì à ɛ̀ndɛ ò wòrzò wò anyu ò lì kpèeyà ò mbòwà ya Galìlì, aŋga ndi e mò ɛnɛ̀, nà òmà mɔ̀ à mà è òhweyà.’”

Makòrzì 4:40

A ijòwa Hwà-òkòwèlì hwe eni nanù ema, “Mamɛ ndèŋgàtɛ̀ è òka wɔ̀ŋgɔ̀ e? O èŋgànɛ̀lɛ̀ natɛ̀ɛ na nàŋgɛ e rza òhvi tɔ̀ lìlòkɛ̀ e?”

Makòrzì 5:41

À mà lɛ̀mbɛ lìya la ama òŋgò ŋmanà ŋgɔ̀ndɔ̀ rzìi a mò òhweyà nanù ema, “Talìta Kùmi.” (Ène ŋgàna e hweli ndì nanù ema, “Ŋmanà ŋgɔ̀ndɔ̀, na òhwèlì ema ò tɛ̀mɛ̀nɛ̀ ò ŋmanyu.”)

Lukàrzɛ̀ 24:34

Rzìi hwa hwà òhweyà nanù ema, “Nà è jɔ̀kɛ̀ Rzàŋgò a hvùmù, a wùrzèlì Rzìmɔ̀nì Pètrò!”

Hwègbèèlì 4:30

O uŋmɛ̀lɛ̀ e ŋginyà ya aŋgɔ̀ ò lì wɔ̀wìrzɛ̀ hwatò. Ndeŋgana ò jò gbeye irzɔ ò lì tanɛ lì gbeyà hwembànèlì na hweyà hwe mànyakà lì akeyà na lìinà la ama Yerzù, e mògbèèlì wa aŋgɔ̀ wa Wòtani.”

1 Tìmotì 2:8

Tɔ̀ ima èki ema hwatò hwa Krirztò hwa arzàŋganɛ, imba na arza nanù ema wunyanà ema hwà mà aŋgbɛ wɔ̀ hwiti o lì gbèeyà Lohwɛ̀ hwa karzɛ màà mà awu o ŋmanyu o lì kànɛ̀. Hwàŋga hwatò hwa rza hwɛni lì hwɛnɛ hwetato ò ŋmèma tɔ̀ lì hwɛ hwatò ema hwa tɔ̀wɔ.

1 Pètrò 1:5

Lohwɛ̀ à gbeyàna è ŋginyà yà eni ò lì è kɔmɛ̀lɛ̀ lìlòkɛ̀ là anyu, natɛ̀ɛ è lùwa lì rzuŋgàhwa. Lìŋgi lì rzuŋgàhwa lì ò ɛnɛhwɛ o wùnyà wo lìrzukù.