Matiyò 14:29 - Mokpwe: Bakwery (New Testament)

²⁹ Yerzù rzìi a mò òhweyà nanù ema, “Jà!” Rzìi Pètrò a rzihwa ò wɔ̀lɔ̀, a wòteya lì ɛ̀ndɛ̀nɛ̀ matàŋgà ò ŋmanyu ya malìhwa ò lì ɛ̀ndɛ lì ùŋmanɛlɛ Yerzù.

Matiyò 14:29 ပူးပေါင်းရင်းမြစ်များ

Matiyò 14:28

Rzìi Pètrò a mò òhweyà ama, “Ìi Rzàŋgò! È hwèlì tɛ e jɔ̀kɛ̀ nanù ema ò wa ò nò kànèyà ema na ɛndɛ ò ŋmanyu malìhwa na jèe na ò ùŋmanɛlɛ.”

Matiyò 14:30

Ndi na òma à mà ɛnɛ e mbɛ̀hvɛ̀nì nɛ e aka, à mà òka wɔ̀ŋgɔ̀ rzìi a wòteya lì inda ò rze ya malìhwa rzìi a tɛ ò ŋmanyu nanù ema, “Ìi Rzàŋgò, ò nò rzuŋge.”

Matiyò 17:20

Yerzù rzìi a hwa alàhwɛ̀ nanù ema, “Inyɔ e rzi tànɛyi lì hvaya eŋge èlìŋgɛ̀ èhwanja lìlòkɛ̀ la anyu lì rza òlò. È hwɛni tɛ lìlòkɛ ema lì òlò ndi nàa ŋmanà hvɔ̀ŋgɔ̀ wa wòrzaŋgò, e tànɛyi e kànèyà mònò mòoli nanù ema, ‘Anjiya anu, ò ɛ̀ndɛ ɔnɛyi!’ Ndèŋgànà mò ɛndɛ. È tànɛyi lì gbeyà tɔ̀ mamɛ.”

Matiyò 21:21

Yerzù à mà hwa alàhwɛ̀ nanù ema, “Nà e òhweyà ndi e jɔ̀kɛ̀, e òhvi tɛ lì lòkɛ̀ rzi e rzi tame, inyɔ hvɛ e tànɛyi lì gbeyà mamɛ ema na gbeyànì wònò gbee. Rzeke hvɛ tɔ̀ ene mɛnɛ, e tànɛyi hvɛ lì òhweyà ene hvàko nanù ema, ‘Anjiya anu òma, ò ɛndɛ ò ahvimbɛ ò wà witi ò tenì ya ŋmànja’ e gbèyɛ̀nɛ nanù.

Makòrzì 9:23

Yerzù rzìi a mò timbìrzɛ̀lɛ̀lɛ̀ nanù ema, “O ma nà tànɛyi tɛ lì gbeyà eyà e? Mòtò a òhvi tɛ lìlòkɛ̀, tɔ̀ ima eyà e tànɛyi lì gbèyɛ̀nɛ.”

Lukàrzɛ̀ 17:6

È Rzàŋgò à mà hwa alàhwɛ̀ nanù ema, “È òhvì tɛ lìlòkɛ̀ lì tu nàa ŋmanà hvɔ̀ŋgɔ̀ wà wòrzaŋgò, è kànèyà wònò wùuŋgu nanù ema, ‘Wuŋguhweyà anù, ò tɛ̀mɛ̀ ò ŋmanjà.’ Wòŋgò gbèe wò è hweyànà.”

Hwègbèèlì 3:16

Onò mòtò ema e ɛnɛ nanù ema e hwi gbamù. È ŋginyà ema lìinà la ama Yerzù lì hwɛni na lì lòkɛ̀ ema mɔ̀ à hwɛni, na lì lòkɛ̀ hvɛ ema mɔ̀ à hwɛni na lìŋgi lìna lɔ ndi lì ŋgbelì ònò mòtò ema à mà hwɛ mbòkò e ŋginyà na lì mò wɔ̀wìrzɛ̀. Ndeŋgana inyɔ hwiti e ma ɛnɛ.

Ròmànì 4:19

Abràhamù à mà hwɛ eyà ya egbe yɔ̀kɔ ya meya e hvònda ema Lohwɛ̀ à mà mò òhweyà nanù. A mà hwiya nanù ema mɔ̀ à mà una ndèŋgànɛlɛ hvɛ à mà hwiya nanù ema e jòjìyɛ̀ ya eni e hwèlì ndi yòmbà, ndi tɔ̀ nanù lìlòkɛ̀ la eni lì rzìi ɔ̀tɔ̀.

Hvìlipìyà 4:13

Nà tànɛyi lì gbeyà hweyà hwe arzɛ ema hwe no jɛlɛlɛyi o lì akeyà na e ŋginyà ema Krirztò a no ŋgbelì.