Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiyò 14:19 - Mokpwe: Bakwery (New Testament)

19 Nà òma hwà-òkòwèlì hwa eni hwa mà hwe jànè, rzìi Yerzù à òhweyà hwaŋga hwatò ama hwa lìya ò mòkòòkò rzìi à wòwà hwèŋge hwèhvòòtò hwe atanɛ̀ nà iŋgi nyàmà jà malìhwa jà ahwakɛ, à ɔ̀ŋgɔ ò ŋmanyu yà lohwà, à ŋgba Lohwɛ̀ jeka rzìi à kɛrzɛ hweŋge hwèhvòòtò nà màà mà eni. Nà òma à mà hwe kɛ̀rzɛ, à ŋgba hwà-òkòwèlì hwa eni ò lì hwe kahweyà eŋge ŋgindi.

အခန်းကိုကြည့်ပါ။ ကော်ပီ




Matiyò 14:19
24 ပူးပေါင်းရင်းမြစ်များ  

Yerzù rzìi à hwa òhweyà nanù ema, “È nò jàneyà hweŋge hwèhvòòtò na iŋgi nyàmà ja malìhwa.”


Yerzù rzìi à òhweyà hwà-òkòwèlì hwa eni ama, hwa lììlɛ̀ hwaŋga hwatò ŋgìndì, nà ŋgìndì ò hwèwùlè.


Yerzù rzìi à wòwà hwèŋge hwèhvòòtò hwe atanɛ̀ nà iŋgi nyàmà jà malìhwa jà ahwakɛ rzìi à ɔ̀ŋgɔ ò ŋmanyu yà lohwà, à ŋgba Lohwɛ̀ jeka, rzìi à kahwa hwèŋge hwèhvòòtò, à hwe ŋgba Hwà-òkòwèlì hwa eni ema hwa kàhweyà èŋge ŋgìndì. À mà wòwa hvɛ inyàmà ja ahwàkɛ ja malìhwà rzìi a kahweyà hwaŋga hwatò hwa arzɛ.


Yerzù rzìi à ɔŋgɔ̀ ò ŋmanyu yà lohwà rzìi a rzìyòwa hvɔ̀ɔ rzìi a òhweyà òŋgò mòtò nanù ema, “Èhvàtà,” ene ŋgàna e hwèlì ndì nanù ema, “Lihvòweya.”


Yerzù rzìi a wòwa lìwòndè la hwènyɔ̀ɔ̀nì, a ŋgbà Lohwɛ̀ jekà rzìi a òhwa nanù ema, “È wòwè e nyɔ mɔ̀kɔ nà ɔ̀nɛ̀yi.


Rzìi à wòwa èhvòòtò, a ŋgbà Lohwɛ̀ jekà, à è kàhwà. Rzìi à è ŋgba hwà-òkòwèlì hwa eni, a òhwa nanù ema, “È nyò ya amì ene ema, yè è ŋgbààhwì. È gbèyè nanù ò lì nò ɔ̀ŋgɛlɛ.”


Nà òmà hwa mà lìya ò lì làa, à mà wòwa èhvòòtò, rzìi à è nàmìrzɛ̀, à mà kanda èhvòòtò, rzìi a hwa ŋgbà e yɔ.


Hwatò è mà hwa mà hwɛ aŋga hwa mà hwɛ eyà yà hwèkòlì hweta. Ndi Yerzù à mà òhweyà Hwà-òkòwèlì hwa eni nanù ema, “È lììlɛ̀ hwanù hwatò hwa arzɛ ò ŋgìndì jà mènìmeta, mènìmeta.”


Yerzù rzìi à wòwà hwèŋge hwèhvòòtò hwe atànɛ nà iŋgi nyàmà jà malìhwa jà awàkɛ, à ɔ̀ŋgɔ ò ŋmanyu yà Lohwà, à eka Lohwɛ̀, à kàhwa hwehvòòtò nà ìnyàmà jà malìhwa. À tɛ̀tìrzɛ̀ Hwà-òkòwèlì hwa eni ema hwa hwe kahweyà è ŋgìndì.


O èŋgànɛ̀lɛ̀ hwaŋga hwatò hwà mà iŋgòlɛ lìŋgi lìŋyàyi ò lì ulɛhwɛ ò hwèkpèèlì hwe eŋge rzɔ̀ŋgɔ. Yerzù rzìi a ɔ̀ŋgɔ ò ŋmanyu yà lohwà rzìi a òhwa nanù ema, “Tatà na èki na òma ò nò alahwànɛ̀yi màkanɛ̀ mà ami.


Rzayì-rzayì ja mɔ̀lɔ̀ ma uhwɛlɛ ò mbòwa ya Tìbɛ̀rìyàrzì ma mà rzɛ̀wɛ̀hwɛ̀ lì kòmbɛ̀nɛ̀ èki ema e ŋgindi e ma lèeyà hwèhvòòtò ò mburza hvònda ema Rzàŋgò à mà ŋgbe Lohwɛ̀ jèka.


Nà òma Pàwolò à mà kulɛ lì òhwa nanù, rzi a wòwa èhvòòtò, a ŋgbàà Lohwɛ̀ jeka ò wòrzò wò wɔ̀ hwa arzɛ, à mà e kanda, rzi a wòteyà lì laa.


Hwàŋga hwatò ema hwa lùtèyà nanù ema eyu yɔ̀kɔ e hwɛni wòlìtò lì aka hwehvɛhvɛ hweyu, hwa gbeyà ndi nanù ò lì ŋgbà e Rzàŋgò èluhwe. Hwàŋga ema hwa laa tɔ̀ mamɛ wɔ̀ hvɛ hwa gbeyà ndi nanù ò lì ŋgba e Rzàŋgò èluhwe èhwanja hwa ŋgba Lohwɛ̀ jeka lì hvòmɛ̀nɛ̀ mòŋgò mòlelì. Hwàŋga hwatò ema hwa kiya ò lì laa lòŋgò la hwema, hwa gbeyà ndi nanù ò lì ŋgba e Rzàŋgò èluhwe ndèŋgàna hwa ŋgba Lohwɛ̀ jeka.


Lìwòndè ema i gbeyàna o lì nyɔ̀ɔnɔ lìrzako la lì làa la Rzàŋgo lì hwèlì ndi o lì ŋgbaà Lohwɛ̀ jèka o nyòla e kpelì ya ama Krirztò. Èhvòòtò hvɛ ema i kanda. Je lelì tɛ oma i rzɔ na Krirztò i hwèlì ndi mɔ̀kɔ o nyo ya eni.


Ène ŋgàna e hwèlì ndi nanù ema, tɔ̀ mamɛ ema o làa tɔ̀ o nyɔ̀, tɔ̀ mamɛ ema o gbeyà, o hwe gbeyàne nà èluhwe ya ama Lohwɛ̀.


È hvonda à mà kulɛ lì ŋgba Lohwà jeka, à mà e hwàà rzìi a ohwa nanù ema, “È nyo ya amì ene ema yè è ŋgbààhwì. È gbèyè nanù o lì nò ɔ̀ŋgɛlɛ.”


Tɔ̀ mamɛ ema è ohwa tɔ̀ è gbeyà, inyɔ yè è gbeyà ndi o lìnà là ama Rzàŋgo Yerzù. Inyɔ e ŋgbe Lohwɛ̀ Tatɛ̀ jèka ò lìinà là ama Yerzù.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ