Matiyò 13:47 - Mokpwe: Bakwery (New Testament)

⁴⁷ Yerzù à mà kpɛ mòhvɛhvɛ ŋmàna nanù ema, “Lìkànèyà la ŋmanyu lì hwèlì ndi nàa e mbunja ema hwatò hwa mòrzòmbò hwa kòma ò malìhwa rzìi e lɛ̀mbɛ i nyayi ja nyàmà ja arzɛ.

Matiyò 13:47 ပူးပေါင်းရင်းမြစ်များ

Matiyò 13:44

Yerzù a kpɛ̀ mòhvɛhvɛ ŋmàna nanù ema, “Lìkànèyà la ŋmanyu lì hwèlì ndi nàa lùùtà ema lì utami ò wàŋga. Ema mòtò à mà ahvùlùhwɛ, ò mɔ̀nyɛ̀ rzìi a timba hvɛ lì li wanda, ò mɔ̀nyɛ̀ŋgì mò eni a ɛndɛ lì àhwirzɛ̀ mamɛ ya arzɛ ema à mà hwɛnɛ rzi anda eŋge wàŋga.”

Matiyò 13:46

Nà òma à mà ɛnɛ lìŋyàyi lɔ̀kɔ la wòlìtò ema lì ma ikawa ò nyòŋga, à mà ɛndɛ rzi a àhwirzɛ̀ hwèèmà hwe eni hwe arzɛ ema à mà hwɛnɛ rzìi a anda lìŋgi lìŋyàyi.”

Matiyò 13:48

È mbunja e ma ònda, hwatò hwa mòrzòmbò hwa e rzìima ò mòkòkò, rzìi hwa lìya ò rze lì hvɔ̀rzɔ̀ iŋgi nyàmà. È jɔ ja gbamù ji ikahwa ò mòlòŋgà mò awu, rzìi e jɔ ja wòhwe i hvimbahwa.

Matiyò 4:19

Yerzù rzìi à hwa òhwèyà nanù ema, “È jèe è nò nɔ̀ŋge. Nà òma inyɔ è lɛ̀mbɛ inyàmà ja màlihwa naŋgɛ, nà è òkòlɛ nɛ inyɔ è tanɛyi lì rzèkeya mèèmà mè hwatò ò lì nò òŋgama.”

Makòrzì 1:17

Yerzù rzìi à hwa òhweyà nanù ema, “È jèe è nò nɔ̀ŋge. Nà òma inyɔ è lɛ̀mbɛ inyàmà jà màlihwa naŋgɛ, nà è òkòlɛ nɛ inyɔ è tanɛyi lì rzèkeya mèèmà mè hwatò ò lì nò òŋgama.”

Lukàrzɛ̀ 5:10

Hwaana hwa ama Rzɛ̀bɛ̀dì, ema hwa hwɛ̀lɛ̀hwɛ̀ Jèmìrzì nà Yòwanìrzɛ̀ ema wɔ̀ hvɛ hwà mà hwɛ lì lɛ̀mbɛ inyàmà wɔ̀ hvɛ hwa mà jeja. Ɔ̀ndi Yerzù a òhweyà Rzìmɔ̀nì Pètrò nànù ema, “Ò rzi òka wɔ̀ŋgɔ̀! Lìwòteya nàŋgɛ ò rzèkeya mèèmà me hwatò ò lì nò òŋgama.”

Yòwanìrzɛ̀ 15:2

A kɛ tɔ̀ ima ɛkɔkɔ e nò hwèlì ema e rza ŋya hwehvùma a e rzenjòwe hvɛ tɔ̀ ima ɛkɔkɔ ema e ŋyàa hwehvùma, ò lì gbeyà nanù ema e hwɛ gbamù ò lì ŋya hwehvùma.

Yòwanìrzɛ̀ 15:6

Mòtò a rza enje tɛ na imba, a rzenjòwahwa ndi nàa hwa rzenjòwa ɛkɔkɔ. Èŋge ɛkɔkɔ e hwɛ ndi ɛ̀kɔ̀kɔ̀ ema e rzɔ̀nji. Iŋgi tumba ja hwɛkɔkɔ irzaŋgahwa rzi i aŋgbahwa ò mùnya rzìi i rzèeyà.

Hwègbèèlì 20:30

O ò jà hvònda ema hwatò hwa ò uwɛ̀lɛ̀lɛ̀yi ò ìtììtènì ja anyu, ema hwa ò rzɛŋgɛnɛ hweyà hwe lì kɔ, aŋga nanù hwatò ema hwa lòkɛ̀ Yerzù hwa ò hwa òŋgama.

1 Kɔ̀rintìyà 11:19

O tɛ̀ɛ̀tɛ̀ɛ o hwɛnì lì hwɛ la akahwanɛ̀ɛ o ìtììtènì ja anyu aŋga nanù hwaŋga ema hwa hwèlì hwa nɔŋgelì hwa jɔ̀kɛ̀ hwa ama Lohwà, hwa ɛnɛhwɛ na e jɔ̀kɛ̀.

2 Kɔ̀rintìyà 11:26

Nà ma ɛndɛ hweyɔ̀ndɔ̀ rzayi-rzayi, o hweŋge hweyɔ̀ndɔ̀, nà mà arza lì inda o malìhwa. Nà ma uhwa lì wɔ̀lɛ̀nɛ̀ lòoŋgɛ la ami o màà mà hwayihwɛ, o màà mà hwatò wa ami hwa wònyà Yudà na o màà mà hwatò ema hwa rza enje wònyà Yudà. Nà ma uhwa lì wɔ̀lɛ̀nɛ̀ lòŋgɛ la ami o mambowà mà ndɛnɛ o mòrzànjɛ̀, o ŋmànja na o màà mà hwatò ema hwa ahwèŋgɛ nanù ema hwa hwèlì ndi wònya Krirztò ema hwa rza enje.

Gàletìyà 2:4

tɔ̀ nɛ loŋgo là hwatò hwa mòlàŋgà ema hwà mà hwɛ ò ìtììtènì ja hwàlòkèlì hwa ama Krirztò, hwa mà hwɛ lì ahwaŋgelɛ nanù ema wɔ̀ hvɛ hwa hwèlì ndi hwàlòkèlì hwa ama Krirztò hwà mà arza nanù ema è gbèyɛ̀nɛ̀. Hwàŋga hwatò hwà mà kpèeyà ndi ò ìtììtènì jà arzu ò jututa, aŋga nanù oma hwa mà ɛnɛ nà oma ì gbèeyà hweyà hwe arzɛ èhwanja i hwèlì ò lìkànèyà la ama Yerzù Krirztò. Wɔ̀ hwà mà arza ndi nanù ema i hwɛ ndi hwàkòmì ò lì oŋgama imbenda jà wònyà Yudà.

Hwèwulùwèlì 3:1

Oŋgo mòtò ema à mà àyɛ̀kɛ̀nɛ̀ è mòtò wà hwènàmà à mà nò òhweyà nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Rzàdìrzì nanù ema, “Mono ŋmɛ̀ndì mò uwɛ̀lɛ̀lɛ̀yi ndi nà imba ema nà tɛtì lìrzàmba là hwèlìŋgɛ̀ ema hwe uwɛlɛlɛyi o ma Lohwɛ̀, ndèŋgànɛ̀lɛ̀ hvɛ nà tɛ̀tì lìrzàmba là rzòmbe. Nà hwi èwòlò ema inyɔ è gbeyà. Hwàto hwa ohwa nanù ema è hwèlì lòŋgɛ ndi inyɔ è rza enje lòŋgɛ.