Matiyò 13:46 - Mokpwe: Bakwery (New Testament)

⁴⁶ Nà òma à mà ɛnɛ lìŋyàyi lɔ̀kɔ la wòlìtò ema lì ma ikawa ò nyòŋga, à mà ɛndɛ rzi a àhwirzɛ̀ hwèèmà hwe eni hwe arzɛ ema à mà hwɛnɛ rzìi a anda lìŋgi lìŋyàyi.”

Matiyò 13:46 ပူးပေါင်းရင်းမြစ်များ

Matiyò 13:44

Yerzù a kpɛ̀ mòhvɛhvɛ ŋmàna nanù ema, “Lìkànèyà la ŋmanyu lì hwèlì ndi nàa lùùtà ema lì utami ò wàŋga. Ema mòtò à mà ahvùlùhwɛ, ò mɔ̀nyɛ̀ rzìi a timba hvɛ lì li wanda, ò mɔ̀nyɛ̀ŋgì mò eni a ɛndɛ lì àhwirzɛ̀ mamɛ ya arzɛ ema à mà hwɛnɛ rzi anda eŋge wàŋga.”

Matiyò 13:45

“Lìkànèyà la ŋmanyu lì hwèlì ndi nàa e mòtò wa nyòŋga ema a arza mànyayi ma wòlìtò.

Matiyò 13:47

Yerzù à mà kpɛ mòhvɛhvɛ ŋmàna nanù ema, “Lìkànèyà la ŋmanyu lì hwèlì ndi nàa e mbunja ema hwatò hwa mòrzòmbò hwa kòma ò malìhwa rzìi e lɛ̀mbɛ i nyayi ja nyàmà ja arzɛ.

Hwègbèèlì 20:24

Ndi imba na rza wòwi lòŋgɛ la ami nàa tɔ̀ eyà. Aŋga nanù imba na kulɛ èwòlò ya ami, na èwòlò ema e Rzàŋgò Yerzù e ma nò ŋgbɛ. Èwòlò ya ami e hwèlì ndi ò lì òhwa Ŋmɛ̀ndì mò Gbamù lì hvòmɛ̀nɛ̀ e ndèli ema Lohwɛ̀ à mà uŋmɛ̀lɛ̀ hwatò hwa hwènàmà.

Gàletìyà 6:14

Ndi o imba na o ayèkirzɛ̀ ndi, lì ayèkirzɛ̀ la ami lì hwèlì ndi e kpelì ema e Rzàŋgo ya arzu Yerzù Krirztò e ŋwɛlɛlɛ o mbàrza o nyòla arzu. È kpelì ya eni e ma no gbeyà ema hweyà hwe ene rze hwe rza enje tɔ̀ eyà o mirzɔ̀ ma ami. Ndeŋgànɛ̀lɛ̀ na rza ohvi tɔ̀ eyà o lì gbeyàna ene rze.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.

Kòlòrzìyà 2:3

Krirztò mɔ̀ ndi à tànɛyi lì gbeyà ndèŋgànà inyɔ e rzɔ̀ŋgìtɛ̀nɛ̀ hweyà hwe ama Lohwɛ̀. Hweŋge hweyà hwe hwèlì wòlìto rzàyi-rzàyi.

Hwèwulùwèlì 18:12

Liŋgi lìrzàŋgo lì hwèlì ndi, e gòòlù, e rzìlìhwà, hwàanà màŋyàyi ma wòlìtò ema mà hvàànyà, na hwàanà màŋyàyi ema mà hwèlì wòlìtò. Hweŋge hwema hwe ma hwɛ hvɛ ndi hwerzanja ema hwe andahwa na wolì ema wo koki, yɔ̀kɔ ema e hwɛ̀lɛ̀hwɛ̀ lìniyɛni, ehvɛhvɛ ema e hwɛ̀lɛ̀hwɛ̀ rzilìki, ihvɛhvɛ ema i teya, e nyayi ema ikiŋgɛ i wɔ̀tɔ̀, ndèŋgànɛ̀lɛ̀ e hweyɔ ema hwe teeya rzayi-rzayi. Hweŋge hwèèmà hwe ma hwɛ hwèhwàmbo ema hwe uwɛ̀lɛ̀lɛ̀yi o gbee ema hwe ohvi hwèrzùnju hwe hvɛ̀ɛ̀hvɛ̀, na hwèèmà ema hwe wondɛhwɛyi ema hwe àhwirzɛ̀hwɛ̀ wolì ema wo koki. Hweŋge hwèèmà hwe ma hwɛ hvɛ ndi hwèèmà ema hwe wondɛhwɛyi na màrzoŋgà mà njɔ̀kù na hwɛ̀ɛkɛ̀, brɔ̀nrzi na màŋyàyi ema mà hvàànyà ema mà hwɛ̀lɛ̀hwɛ̀ mabɛ̀lì.

Hwèwulùwèlì 21:21

Lìyome la màwòhva na mahwakɛ ma mà hwɛ ndi lìyome la màŋyàyi ma wòlìto na mahwakɛ, tɔ̀ ima lìyohva la kɔ̀tɔ tɛ lì ma wekahwa ndi na lìŋyàyi lɔ̀kɔ la wòlìto. Mòombò ema mo ma akeyà o tenì ya eŋge mbowà ndɛɛndɛ mo ma hwɛ ndi gòòlù ema a rza hwɛnɛ mbindo o tenì ema e ma hwɛ lì hvànya.