Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiyò 13:44 - Mokpwe: Bakwery (New Testament)

44 Yerzù a kpɛ̀ mòhvɛhvɛ ŋmàna nanù ema, “Lìkànèyà la ŋmanyu lì hwèlì ndi nàa lùùtà ema lì utami ò wàŋga. Ema mòtò à mà ahvùlùhwɛ, ò mɔ̀nyɛ̀ rzìi a timba hvɛ lì li wanda, ò mɔ̀nyɛ̀ŋgì mò eni a ɛndɛ lì àhwirzɛ̀ mamɛ ya arzɛ ema à mà hwɛnɛ rzi anda eŋge wàŋga.”

အခန်းကိုကြည့်ပါ။ ကော်ပီ




Matiyò 13:44
29 ပူးပေါင်းရင်းမြစ်များ  

Yerzù à mà kpɛ̀ɛyà eŋge ŋgindi mòhvɛhvɛ ŋmàna nanù ema, “Likànèyà la ŋmanyu lì hwèlì ndi nàa mòtò ema à mà òna hvɔ̀ŋgɔ̀ ya gbamù ò mòònda.


Nà òma à mà ɛnɛ lìŋyàyi lɔ̀kɔ la wòlìtò ema lì ma ikawa ò nyòŋga, à mà ɛndɛ rzi a àhwirzɛ̀ hwèèmà hwe eni hwe arzɛ ema à mà hwɛnɛ rzìi a anda lìŋgi lìŋyàyi.”


Yerzù à mà kpɛ mòhvɛhvɛ ŋmàna nanù ema, “Lìkànèyà la ŋmanyu lì hwèlì ndi nàa e mbunja ema hwatò hwa mòrzòmbò hwa kòma ò malìhwa rzìi e lɛ̀mbɛ i nyayi ja nyàmà ja arzɛ.


Yerzù rzìi a mò alàhwɛ̀ hvɛ nanù ema, “O arza tɛ lì hwɛ ema ò rza òhvɛ njɔ̀mì, ɛ̀ndɛ ò àhwirzɛ̀ lìrzàŋgò la aŋgɔ̀ la arzɛ ò ŋgbe mèlìrza me hwatò wòŋgò wòlì. O gbe tɛ nanù, ò luwa mònàmɛ̀ ò ŋmanyu yà lohwà. Eŋge hvònda ndi ò nò nɔ̀ŋgɔ.”


Pètrò rzìi a ijòwa Yerzù nanù ema, “Ɔ̀ŋgɔ tɛ, irzɔ i hwɛmi hwe arzɛ ò lì ò nɔ̀ŋgɔ! Mamɛ rzɔ e ò hwɛ mɔrzɛŋgi mò arzu e?”


Tɔ̀ ima mòtò hvɛ ema à mà hwɛmɛ mandawò me enì, wònyànyàŋgò tɔ̀ indòmɛ ja eni, e rzaŋgò tɔ̀ e nyàŋgò, hwàànà na erzaŋgò ya eni ya arzɛ ò nyòla ami a hwe lùwa egbe ya ŋgelì, a lùwa hvɛ lòŋgɛ la gbìndèyà.


Ŋmèemà mò mòtò mò hwèlì ndi èki ema lùùtà lì eni lì hwèlì.


Nànù ndi e hwɛnì lì hwɛ nà tɔ̀ njɛnɛ hvɛ ema à rza àrzà lì ulɛ hwèèmà hwe arzɛ ò mèèmà mò eni. Èŋge tumba mòtò e rza kànɛyi lì hwɛ è mòòkòwèlì wà amì.


Yerzù rzìi à hwa alàhwɛ̀ nanù ema, “Imba ndi nà hwèlì èhvòòtò ema è ŋgba lòŋgɛ là gbìndèyà.” Tɔ̀ njɛnɛ ema à nò jɛ̀lɛ̀lɛ̀yi à rza ò hwèya njàwò hvɛ. Tɔ̀ njɛnɛ ema à nò lòkɛ̀yì à rza òhva nyìrzɛ̀ hvɛ.


Hweya hwe ya arzɛ ema hwe ma tìlahwa ò kààtì ya Lohwà ò e hvònda kòòhwa, hwe ma tìlahwa ndi ò lì jò òkòlɛ̀. Èŋge ŋgàna e ma hwɛ ndi nanù ema jò òhve lìhvìtà ema e uwɛ̀lɛ̀lɛ̀yi ò eyà ya ama Lohwɛ̀ ema lì jò gbeyà ò lì àjùlɛ̀ na lì jò kɔ̀mɛ̀lɛ̀.


Krirztò mɔ̀ ndi à tànɛyi lì gbeyà ndèŋgànà inyɔ e rzɔ̀ŋgìtɛ̀nɛ̀ hweyà hwe ama Lohwɛ̀. Hweŋge hweyà hwe hwèlì wòlìto rzàyi-rzàyi.


Inyɛ̀ ŋmɛ̀ndì mò ama Krirztò mò lìya gbamù ò tenì yà mèèmà mè anyu ò ihvonda jà arzɛ. Inyɛ̀ inyɔ è gbeyàne moŋgo ŋmɛ̀ndì nà lìhwiyè lì anyu là arzɛ ò lì okòlɛ nà lì kòkòwɛ̀lɛ̀ mɔ̀kɔ nà ɔ̀nɛyi ò ihvonda ja arzɛ. Inyɔ è à èmbeyà Lohwɛ̀ mɛ̀rzɔ̀kɔ̀ ema mè hwèlì ò tenì yà è kààtì yà mɛ̀rzɔ̀kɔ̀ mè Lohwà. È èmbeyà Lohwɛ̀ mɛ̀rzɔ̀kɔ̀ ema mà eka Lohwɛ̀ nà Krirztò nà mè hvɛhvɛ mɛ̀rzɔ̀kɔ̀ ema mè è jɛ̀lɛ̀lɛ̀yì ò mèèmà mè anyu ò lì eka Lohwɛ̀. Inyɔ è mò èmbeyà ò lì mo eka nà mèèmà mè anyu mè arzɛ.


Inyɔ e ma hwɛnɛ mèèmà me ììlì o hwatò ema hwà mà hwɛ o hwèwòwà. Tɔ̀ nɛ hwà mà e lumbane erzàŋgo ya anyu, e ma hwɛni mɔ̀nyɛ̀ŋgì nanù mɛnɛ èhwanja inyɔ e ma hwiya nanù ema e hwɛni erzàŋgo ema e akayi eŋge erzàŋgo ema e o hwɛ̀ɛ natɛ̀ɛ na o gbìndèyà.


Nà e kòkòwɛ̀lɛ̀ o lì no àndana e gòòlù ema e ma akɛlɛhwɛ o tenì ya mùnya, aŋga nanù e timba hwèwàŋgì. Nà e kòkòwɛ̀lɛ̀ o lì no àndana lìhwatu la mbɔ̀mi ema e wɔ̀tɔ̀, aŋga nanù irzɔ̀ni ema morzombo mo anyu mo jànà mo rza o ɛnɛhwɛ. Ndeŋgànɛ̀lɛ̀ e no àndane lìyɔ̀ki ema e tuka o mìrzɔ ma anyu aŋga nanù e ɛnɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ