Matiyò 13:39 - Mokpwe: Bakwery (New Testament)

³⁹ È mɔ̀kɔ̀yèlì ema à mà òna iŋgi hvɔ̀ŋgɔ̀ ja wòhwe a hwèlì ndi Mòkarzɛ̀. Li rzàŋga hvɛ lì hwèlì ndi lìrzukù la hvònda ndèŋgànà hwàrzàŋgèlì hwa hwèlì ndi i aŋgèlì ja ama Lohwɛ̀.

Matiyò 13:39 ပူးပေါင်းရင်းမြစ်များ

Matiyò 12:32

Tɔ̀ ima mɔ̀ ema a òhwi ìrzìlàkò lì nò teŋgɛ̀nɛ̀ imba è Ŋmanà wà è Mòtò wà Hwènàmà Lohwɛ̀ a ò mò làkìrzɛ̀ ndi e mɔ̀ ema a òhwi ìrzìlàkò lì teŋgɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀ ò ene nyɔ̀ŋgɔ̀ni ya naŋgɛ na e yɔ hvɛ ema e ò jɛ̀ɛ̀.

Matiyò 13:22

Ìhvɔ̀ŋgɔ̀ hvɛ ema ì undi ò tenì ya wàŋga ya hwènyɛ̀ŋgɛnyɛ̀ŋgɛ̀, ì hwèlì ndi nàa hwatò ema hwa hweyi ŋmɛ̀ndì mò ama Lohwɛ̀, ndi mètàkà me lòŋgɛ na jɔ̀ɔ̀njì ja mònàmɛ̀ mò ene rze hwe lìŋga mèèmà me awu. Ema me ma hwa gbeyɛ ema naŋgɛ rzɔ hwa rza tànɛyi lì ŋya hwèhvùma hwe gbamù.

Matiyò 13:25

Ndi na òma hwatò hwa arzɛ hwa ma hwɛ lì naŋga, e mɔ̀kɔ̀yèlì wa eni à mà ɛndɛ rzìi a òna hwèwùlè ò tenì ya eŋge mbòtà ya mbàrzi, rzìi a ɛ̀ndɛ e ye eni.

Matiyò 13:28

Rzìi à hwa alàhwɛ̀ nanù ema, ‘È mɔ̀kɔ̀yèlì wa ami ndi à òni hwèwùlè.’ Hwaŋga hwagbèèlì hwa eni rzìi hwa mò ijòwa ema, ‘O arza ema je ɛ̀ndɛ i hwe wuŋguhwe hweŋge hwèwùlè e?’

Matiyò 13:40

Nà òma hwèwùlè hwe rzàŋgahwa lì rzɛlɛhwɛ ò mùnya nanù hvɛ mɛnɛ ndi hwatò hwa ama mòkarzɛ̀ hwa ò rzàŋgahwɛ na lì aŋgbahwa ò mùnya ò lìrzukù la hvònda.

Matiyò 13:49

Nànù ndi e ò hwɛ̀ɛ ò lìrzukù la hvònda. Lohwɛ̀ a ò òma i aŋgèlì ja eni ò lì ɛ̀ndɛ lì kakòhwa hwaŋga hwatò hwa wòhwe ò ìtììtènì ja hwatò hwa gbamù.

Matiyò 24:3

Nà òma Yerzù à mà lìya ò mòòlì mò Njàhwɛ̀, hwà-òkòwèlì hwa eni hwa mò ùŋmànɛ̀lɛ̀ ò èki ema wɔ̀ na wɔ̀ ndi hwà mà hwɛ aŋga. Rzii hwa mò ijòwa nanù ema, “O jò òhweyà e hvònda ema hwene hweyà hwe arzɛ hwe ò gbèyɛ̀nɛ, ima hvònda enè eyà e ò gbèyɛ̀nɛ e. Ndèŋgànà mamɛ e ò hwɛ̀ èmɛ̀nɛ̀nì ò lì uŋmɛ̀lɛ̀ hwejèelì hwe aŋgɔ̀ na lìrzukù la ene rze e?”

Matiyò 25:31

“Ndi e hvònda ema è Ŋmanà wà è Mòtò wà Hwènàmà a ò jɛ̀ɛ̀ nàa Kiŋgɛ, na i aŋgèlì ja arzɛ ja ama Lohwà a ò lìya ndi ò kònda ya eni ya lìkànèyà là èluhwe ò lì kàyìrzɛ̀ hwatò.

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

1 Kɔ̀rintìyà 10:11

Hwenè hweyà hwe arzɛ hwe mà hwa gbèyɛ̀nɛ ndi nàa èmɛ̀nɛ̀nì o hwahvɛhvɛ hwatò. Hwenè hweyà hwe àrzɛ hwe tìlahwì ndi nàa mayowà mà ŋginyà o lì jò kòkòwɛ̀lɛ̀. Irzɔ i hwèlì ndi o hvonda ema lìrzukù la ene rze lì ma kombɛ̀nɛ̀ o lì jà.

2 Kɔ̀rintìyà 11:3

Ndi tɔ̀ nanù, na oka wɔ̀ŋgɔ̀ nanù ema, na oma Mòkarzɛ̀ à mà lukɛlɛ Èhva, nanù mɛnɛ hvɛ ndi hwa e o lukɛlɛ aŋga nanù e rza ika mèèmà me anyu me arzɛ oma Yerzù Krirztò, ndèŋgànɛlɛ e rza o mo gbèeyà na mèèmà me anyu me arzɛ.

2 Kɔ̀rintìyà 2:17

O èŋgànɛ̀lɛ̀ rzɔ, i rza enje ndi nàa rzayi-rzayi ja hwanɛyi hwatò ema hwa ohwa eyà ya Lohwɛ̀ o lì yalɛ wolì. O irzɔ i rza gbeyà nanù èhwanja Lohwɛ̀ à mà jo òma o lì ohwa ŋmɛ̀ndì mò gbamù ndèŋgànɛlɛ i ma ohwa na ŋmèma mɔ̀kɔ na oma irzɔ i hwèlì mɔ̀kɔ na Krirztò. Irzɔ i hwi hvɛ nanù ema Lohwɛ̀ ndi à jo òmi o lì gbeyà ene èwòlò.

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

Hibrù 1:2

Ndì ò mene mèènyà me lìrzùkù rzɔ, Lohwɛ̀ à jò òhwìrzɛ̀nɛ̀ ndi lì akeyà nà è Ŋmanà wà eni. Lì akeyà nà mɔ̀ ndi Lohwɛ̀ à mà wèke è ŋmanyu yà lohwà nà rze yà mɔ̀nyɛ̀. Ndeŋgànɛ̀lɛ̀ mɔ̀ ndi Lohwɛ̀ à hvɔ̀rzì nanù ema a hwɛni ewèkèlì ya arzɛ ema Lohwɛ̀ à mà wèkɛ.

Hibrù 9:26

Èma hwɛ tɛ nanù, o ma Krirztò à mà àŋgàmɛ̀nɛ̀yi lì taka hvɛ o rzayi-rzayi ja ŋgelì lì wòteya ewèkelì ya e rze ya mɔ̀nyɛ̀. Ndi e rzi hwɛ nanù, Krirztò mɔ̀ à mà jà ndi o ŋgelì hvɔ̀kɔ o iŋgèlì ja arzɛ nàŋgɛ ema e rze ya mɔ̀nyɛ̀ e a kombɛnɛ lìrzukù. Mɔ̀ à mà aŋgbɛ e nyo ya eni nàa jàhwèyà o lì ulɛ wòhwe wo tɔ̀ ima mòtò.

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.

Judɛ 1:14

Ènɔ̀kù è mɔ̀ ema à mà ùkirzɛ̀ è nyɔ̀ŋgɔ̀nì lìrzamba ò mòtende mò ama Adàmu, à mà hwɛ à mà ohwa nà è kòòwà lì hvomɛ̀nɛ̀ mamɛ ema è ò gbèèyɛnɛ hwanù hwatò. À mà ohwa nanù ema, “È okànèyà tɛ! È Rzàŋgo è hwèlì è jà nà hwèkòlì nà hwèkòlì hwe aŋgèlì jà eni jà wòtani.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 13:14

Ò nyòla yà hweyà hwe mànyaka ema à mà ŋgbààhwe è wònjà ò lì gbeyà, eŋge èembe yà worzo, yɔ̀ à mà lùkɛ̀lɛ̀ hwatò hwa è rze yà mɔ̀nyɛ̀. Ndeŋgànɛ̀lɛ̀ mɔ̀ à ma hwɛ ndi lì gbeyà nanù ò worzo wò eŋge èembe ema è mà ohva èhwènà ndɛnɛ. À mà òhweyà hwatò nanù ema hwa wondɛ èrzìrzà ema wɔ̀ hwa ò kanɛ̀, ema è àyɛ̀kɛ̀nɛ̀ eŋge èembe ema è mà ohva èhwènà yà rzɔ̀lɔ̀ ndi tɔ̀ nanù è e hwèlì lòŋgɛ.

Hwèwulùwèlì 19:20

Rzìi hwa lɛmbɛ eŋge nyàmà yà wòhwe nà hwà-òhwèlì hwa hwèlìŋgɛ̀ hwa mòlàŋgà. Oŋgo mòòhwèlì wà èlìŋgɛ̀ wà mòlàŋga à mà hwɛ ò worzo wò eni, à mà hwɛ lì uŋmɛ̀lɛ̀ embànelì ò lì lùkɛ̀lɛ̀lɛ̀ hwatò ema hwa mà luwɛ eembànelì yà eŋge nyàmà yà wòhwe ndèŋgànɛ̀lɛ̀ hwa mà hwɛ lì kanɛ̀ eŋge elìŋgɛ̀. È hvonda ema hwà mà hwɛ lòŋgɛ hwà mà hwa hvimba wɔ̀ hwahwàkɛ o tenì ya ehvɔ̀ndi ya mùnya, ndèŋgànɛ̀lɛ̀ hwà mà rzeeya na mùùnya ema mo ma hwɛ lì tumbana rzayi-rzayi.