Matiyò 13:37 - Mokpwe: Bakwery (New Testament)

³⁷ Yerzù a hwa alàhwɛ̀ nanù ema, “È mɔ̀ ema à mà òna ihvɔ̀ŋgɔ̀ ja gbamù a hwèlì ndi è Ŋmanà wà è Mòtò wà Hwènàmà,

Matiyò 13:37 ပူးပေါင်းရင်းမြစ်များ

Matiyò 10:40

“Tɔ̀ ima mòtò ema à è kàrzɛ̀ nàa hwààyɛ̀nì òma imba ndi à kàrzɛ̀yi. Tɔ̀ ima mòtò hvɛ ema à nò kàrzɛ̀yi nanù òma à kàrzɛ̀yi ndi Tatɛ̀ wà ami ema à mà nò òma.

Matiyò 13:24

Yerzù à mà kpɛ̀ɛyà eŋge ŋgindi mòhvɛhvɛ ŋmàna nanù ema, “Likànèyà la ŋmanyu lì hwèlì ndi nàa mòtò ema à mà òna hvɔ̀ŋgɔ̀ ya gbamù ò mòònda.

Matiyò 13:27

Hwagbèèlì hwa eni hwa ma jà rzi hwa mò òhweyà ema, ‘Rzàŋgò, rzeke ò ma òna ndì mbòtà ya gbamù ò mòònda mò aŋgɔ̀ e? One rzɔ hwenè hwèwùlè hwe uhwɛlɛlɛ naŋgɛ e?’

Matiyò 13:4

Nà òmà à mà hwɛ lì mùŋgùlɛ̀ ìhvɔ̀ŋgɔ̀ ja eni, lòŋgò ì mà unda ò njìya, hwènɔ̀nì hwe mà ji rzòmà.

Matiyò 13:41

È Ŋmanà wà è Mòtò wà Hwènàmà a ò òma i aŋgèlì je eni, ò lì ulɛ hwatò ema hwa gbeyà hwahvɛhvɛ ò lì gbeyà wòhwe, na hwanɛ̀yi hwatò hwa arzɛ hvɛ ema hwa gbeyà wòhwe.

Matiyò 8:20

Yerzù rzìi à mò alàhwɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hwèyɔ̀hvɛ hwe òhvi màwùmbù, ndi è Ŋmàna wà è Mòtò wà Hwènàmà mɔ̀ à rza òhvi tɔ̀ èki ema à nàŋgɛlɛ mòòhvò mò eni.”

Lukàrzɛ̀ 10:16

Yerzù rzìi a òhweyà Hwà-òkòwèlì hwa eni nanù ema, “Tɔ̀ ì ma mòtò ema à è hweyàni, ò ma ìmba ndi à hweyànì. Tɔ̀ njɛnɛ hvɛ ema à è rzɔ̀rzì, ò ma ìmba ndi à rzɔ̀rzi. Tɔ̀ ima mɔ̀ hvɛ ema à nò rzɔ̀rzi, ò ma à rzɔ̀rzi ndi òŋgò ema à nò òmi.”

Yòwanìrzɛ̀ 13:20

Nà è òhweyà ndi è jɔ̀kɛ̀, tɔ̀ njɛnɛ ema à emelì tɔ̀ ima mɔ̀ è mà na òmi, òma imba ndi à emelì. Ndèŋgànɛ̀lɛ̀ hvɛ e mɔ̀ ema a nò emelì, òma a emelì ndi e mɔ̀ ema à mà nò òma.”

Yòwanìrzɛ̀ 20:21

Yerzù rzìi a òhwa hvɛ nanù ema, “Ɛ̀yɔ̀lɛ̀ e hwɛ na inyɔ, Tatɛ̀ a nò òmi, ò èŋgànɛ̀lɛ̀ imba hvɛ na e òmi.”

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Ròmànì 15:18

Nà rza tànɛlì ò lì òhwa tɔ̀ ehvɛhvɛ eyà hvɛ lì aka tɛ ò lì òhwa lì hvòmɛ̀nɛ̀ èwòlò ema Krirztò a gbèyi ema na atànɛ̀yi ò lì gbeyà, ema e hwèlì ndi ò lì gbeyà nanù ema hwatò ema hwa rza enje wònyà Yudà hwa gbeye ndi na òma Lohwɛ̀ a arza nanù ema hwa gbeye. Hweya ema nà mà òhwɛ̀ɛ, na hweyà ema nà mà gbeyɛ hwe hwèlì ndi hweyà ema wɔ̀ hwa hwɛni lì òhwa na hweyà ema wɔ̀ hwa àŋgàmɛ̀nɛ̀ lì gbeyà.

Hibrù 1:1

Ò màrzalɛ Lohwɛ̀ à mà òhwìrzɛ̀nɛ̀ ì mbamba jà arzu jà kòhwà nyayi nà nyayi jà ŋgelì nà rzayì-rzayì jà mà njiya lì akeyà nà hwà-òhwèlì hwa hwèlìŋgɛ̀.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.