Matiyò 13:36 - Mokpwe: Bakwery (New Testament)

³⁶ Yerzù rzìi a hwɛmɛ eŋge ŋgìndì rzìi a kpèeyà ò tenì ya ndawò. Hwà-òkòwèlì hwa eni hwa mò jèeyà rzìi hwa mò òhweyà nanù ema, “O jò telɛlɛ jànda ja mònò ŋmàna mò hwèwùlè ò mbòtà.”

Matiyò 13:36 ပူးပေါင်းရင်းမြစ်များ

Matiyò 13:1

O wòŋgò wùnyà mɛ̀nɛ̀, Yerzù à mà anjiya ò ndawò, a ɛ̀ndɛ ò rzààwà ya yùlu ya Gàlìlì rzi a lìya ò lì òkòlɛ̀.

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Matiyò 13:18

Yerzù à mà ɛndɛ ò wòrzò ò lì òkòlɛ hwà-òkòwèlì hwa eni nanù ema, “O naŋgɛ rzɔ e òkànèyà mamɛ ema mòŋgò ŋmàna mò e mòònèlì wà è mbòtà mò òhwa.

Matiyò 13:25

Ndi na òma hwatò hwa arzɛ hwa ma hwɛ lì naŋga, e mɔ̀kɔ̀yèlì wa eni à mà ɛndɛ rzìi a òna hwèwùlè ò tenì ya eŋge mbòtà ya mbàrzi, rzìi a ɛ̀ndɛ e ye eni.

Matiyò 14:22

Yerzù rzìi à òhweyà hwà-òkòwèlì hwa eni ema hwa kpèeyà ò wɔ̀lɔ̀ hwa ɛ̀ndɛ ò wòrzò ò ɛnɛyi èhvarzù yà yùlu, rzìi à òhweyà eŋge ŋgindi ò lì timba ò màndawò mà awu.

Matiyò 15:39

Yerzù rzìi a akpanɛ hwaŋga hwatò ema hwa timbe ò màndawò ma awu. Nà òma à mà hwa òhweyà nanù, a kpèeyà ò wɔ̀lɔ̀ rzìi a ɛ̀ndɛ ò erzòòkà ya Magadani.

Matiyò 9:28

Nà òma Yerzù à mà kpèeyà ò tenì ya ndawò iŋgi ndima ja hwatò ja ahwakɛ ima mò jèeyà. Yerzù rzìi a hwa ijòwa nanù ema, “È lòkɛ̀yi ema na tànɛyi lì e gbèeyà mamɛ e arza ema na gbeyà e?” Hwa ma mò alàhwɛ̀ nanù ema, “Ɛ̀ɛ, Rzàŋgò i lòkɛ̀yi.”

Makòrzì 4:34

A rzi hwa òhweyà tɔ̀ Èya e rzìi hwɛ lì hwa kpɛ̀ɛyà ŋmàna. Ndi tɔ̀ ima hvònda ema a mà hwɛ mɔ̀ ŋmìti nà Hwà-òkòwèlì hwa eni mɛnɛ à mà hwa òhweyà jànda ja mene meyàna.

Makòrzì 6:45

Lìwòkìmɛnɛ Yerzù à òhweyà hwà-òkòwèlì hwa eni ò lì kpèeyà ò wɔ̀lɔ̀, rzìi à hwa hvùŋgànìrzɛ̀ lì ɛ̀ndɛ ò wòrzò, ò mbòwà yà Bɛ̀trzàyìdà, ò ɛnɛyi èhvarzù yà yùlu yà malìhwa. Nà òmà hwà-òkòwèlì hwà mà hwɛ lì ɛ̀ndɛ, Yerzù rzìi à òhweyà è ŋgìndì ò lì tìmba ò màndawò ma awu.

Makòrzì 7:17

Yerzù à mà hwɛ̀mɛ èŋge ŋgìndì rzìi a ɛ̀ndɛ ò ndawò, rzìi Hwà-òkòwèlì hwa eni hwa ja lì mò ùŋma ema a hwa tɛlɛlɛ mònò ŋmàna.

Makòrzì 8:9

Ò ma tɛ̀mɛ̀ eyà ya hwèkòlì hweni hwe hwatò hwa mà hwɛ aŋga. Yerzù à mà hwa òhweyà ama hwa ɛ̀ndɛ.