Matiyò 13:25 - Mokpwe: Bakwery (New Testament)

²⁵ Ndi na òma hwatò hwa arzɛ hwa ma hwɛ lì naŋga, e mɔ̀kɔ̀yèlì wa eni à mà ɛndɛ rzìi a òna hwèwùlè ò tenì ya eŋge mbòtà ya mbàrzi, rzìi a ɛ̀ndɛ e ye eni.

Matiyò 13:25 ပူးပေါင်းရင်းမြစ်များ

Matiyò 13:24

Yerzù à mà kpɛ̀ɛyà eŋge ŋgindi mòhvɛhvɛ ŋmàna nanù ema, “Likànèyà la ŋmanyu lì hwèlì ndi nàa mòtò ema à mà òna hvɔ̀ŋgɔ̀ ya gbamù ò mòònda.

Matiyò 13:26

Nà òma iŋgi mbàrzi i ma wòteyà ò lì òŋga, aŋga ndi hwatò hwa a ɛnɛ hwèwùlè hvɛ hwe òŋga ò tenì.

Matiyò 13:27

Hwagbèèlì hwa eni hwa ma jà rzi hwa mò òhweyà ema, ‘Rzàŋgò, rzeke ò ma òna ndì mbòtà ya gbamù ò mòònda mò aŋgɔ̀ e? One rzɔ hwenè hwèwùlè hwe uhwɛlɛlɛ naŋgɛ e?’

Matiyò 13:29

Rzìi à hwa alàhwɛ̀ ama, ‘Jàyɛ̀. Èhwanja na òma e wuŋguwa hweŋge hwèwùlè, e tànɛyi e wuŋguhwàna hvɛ iŋgi mbàrzi.

Matiyò 13:30

È hwɛmɛ hwèwùlè na imbàrzi hwe òŋgɛnɛ natɛ̀ɛ e hvònda ya lì rzaŋga la e mbòtà. O eŋge hvònda na ò òhweyà hwàrzàŋgèlì hwa e mbòtà ò lì lòme lì wuŋguwa hwèwùlè, hwa hwe kake hwa hwe rzɛlɛ. O mburza hwene hwègbèèlì rzi hwa rzàŋga imbàrzi ò lì e ika ò tùu ya ami ya lùùtà.’”

Matiyò 13:39

È mɔ̀kɔ̀yèlì ema à mà òna iŋgi hvɔ̀ŋgɔ̀ ja wòhwe a hwèlì ndi Mòkarzɛ̀. Li rzàŋga hvɛ lì hwèlì ndi lìrzukù la hvònda ndèŋgànà hwàrzàŋgèlì hwa hwèlì ndi i aŋgèlì ja ama Lohwɛ̀.

Matiyò 25:5

È mòhwayèlì à mà tɔ̀ɔ̀lɛ̀ hwèjèelì, ò èŋgànɛ̀lɛ̀ rzɔ hwaŋga hwàna hwa ŋgɔ̀ndɔ̀ hwa mà wòteyà lì rzìirza nà lì naŋga ijɔ.

Gàletìyà 2:4

tɔ̀ nɛ loŋgo là hwatò hwa mòlàŋgà ema hwà mà hwɛ ò ìtììtènì ja hwàlòkèlì hwa ama Krirztò, hwa mà hwɛ lì ahwaŋgelɛ nanù ema wɔ̀ hvɛ hwa hwèlì ndi hwàlòkèlì hwa ama Krirztò hwà mà arza nanù ema è gbèyɛ̀nɛ̀. Hwàŋga hwatò hwà mà kpèeyà ndi ò ìtììtènì jà arzu ò jututa, aŋga nanù oma hwa mà ɛnɛ nà oma ì gbèeyà hweyà hwe arzɛ èhwanja i hwèlì ò lìkànèyà la ama Yerzù Krirztò. Wɔ̀ hwà mà arza ndi nanù ema i hwɛ ndi hwàkòmì ò lì oŋgama imbenda jà wònyà Yudà.

Hibrù 12:15

È aŋgòwa, nanù ema tɔ̀ mòtò tɔ̀ mɔ̀kɔ a rza o hvònda lì lùwa ììlì ja ama Lohwɛ̀. È aŋgòwa tɔ̀ mɔ̀kɔ hwa anyu a rzi hwɛ nàa mbota ya wòhwe ema e oŋgi tɛ e jànà ndùtù rzìi e hvaŋga ihvɛhvɛ mbota.

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.

2 Pètrò 2:1

Ò è hvonda yà kòhwàà ò mà wurza hwà-òhwèlì hwa hwèlìŋgɛ̀ hwa mòlaŋgà ò ìtììtènì jà hwatò. Ŋgànà hvɔ̀kɔ hvɛ nanù mɛnɛ ɔndi hwà-òkòlèlì hwa mòlaŋgà hwa ò wurzɛ ò ìtììtènì jà anyu. Wɔ̀ hwa ò gbeyàna meyàno ò lì okòlɛ̀ hwèyòkòlèlì hwe mòlaŋgà, hweŋge hwèyòkòlèlì hwe ò hvàŋga hwatò ema hwa hwe lòkɛ̀. Hwàŋga hwà-òkòlèlì hwa mòlàŋga hwa ò rzɔ̀rzɔ̀ è Rzàŋgo ema mɔ̀ ndi à hwa ulɛ̀yi ò tenì yà wòhwe. Ène eyà è ò gbeyà hwa ò ahvàŋgelɛ wɔ̀ hwiti kàrzi-kàrzi.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 13:14

Ò nyòla yà hweyà hwe mànyaka ema à mà ŋgbààhwe è wònjà ò lì gbeyà, eŋge èembe yà worzo, yɔ̀ à mà lùkɛ̀lɛ̀ hwatò hwa è rze yà mɔ̀nyɛ̀. Ndeŋgànɛ̀lɛ̀ mɔ̀ à ma hwɛ ndi lì gbeyà nanù ò worzo wò eŋge èembe ema è mà ohva èhwènà ndɛnɛ. À mà òhweyà hwatò nanù ema hwa wondɛ èrzìrzà ema wɔ̀ hwa ò kanɛ̀, ema è àyɛ̀kɛ̀nɛ̀ eŋge èembe ema è mà ohva èhwènà yà rzɔ̀lɔ̀ ndi tɔ̀ nanù è e hwèlì lòŋgɛ.

Hwèwulùwèlì 2:20

Mamɛ ema imba nà ohwa ò lì è teŋgɛ̀nɛ̀ è hwèlì ndi nanù ema, inyɔ e àjùlɛ̀nɛ̀ òŋgo molanà ema à hwɛ̀lɛ̀hwɛ̀ Jèrzɛ̀bɛ̀lì à àhwɛ̀lɛ̀hwɛ̀ mɔ̀ ŋmìti nanù ema à hwèlì ndi mòòhwèlì wà èlìŋgɛ̀ wà molanà wà ama Lohwɛ̀. Mɔ̀ à okòlɛ nà lì ɔnjɔ hwàgbèèlì wà ami ema wɔ̀ hwa gbeyà hweyà hwe mòrzònje, nà ò lì làa mòlelì ema hwa ŋgbàà mahvɛhvɛ mohwà nàa jàhwèyà.