Matiyò 13:23 - Mokpwe: Bakwery (New Testament)

²³ Ìhvɔ̀ŋgɔ̀ hvɛ ema jò undi ò mɔ̀nyɛ̀ mò gbamù i hwèlì ndi nàa hwatò ema hwa hwèyì ŋmɛ̀ndì mò ama Lohwɛ̀ rzìi hwa mò rzɔ̀ŋgìtɛ̀nɛ̀. Hwa gbeyà rzayi-rzayi ja hweyà hwe gbamù. Ò jɔ̀kɛ̀, wɔ̀ hwa gbèyi rzɔ ndì nàa hwèrzòŋgò ema hwe òhvi lòŋgò egbe, hwenɛyi hvɛ menì mòtòhwa na rzàyiyàwò ja hvɔ̀ŋgɔ̀.”

Matiyò 13:23 ပူးပေါင်းရင်းမြစ်များ

Matiyò 12:33

“Ehvùma e lɔ̀wu tɛ nanù òma gbèe ema wò ŋyàayi eŋge ehvùma wɔ̀ hvɛ wò lɔ̀wu. Ehvùma e rza lɔ̀wu tɛ nanù òma gbèe ema wò ŋyaayi eŋge ehvùma wɔ̀ hvɛ wò rza lɔ̀wu. Ehwanja ò hwehvùma ndi gbèe wò hwiyàhwà.

Matiyò 13:8

Lòŋgò la iŋgi hvɔ̀ŋgɔ̀ ì mà unda ndi ò mɔ̀nyɛ̀ mò gbamù. Iŋgi hvɔ̀ŋgɔ̀ ì ma òŋga gbamù ndèŋgànɛ̀lɛ̀ i ma ŋya hvɛ rzayi. Lòŋgò la hwèrzòŋgò hwe ma òhva egbe ya hvɔ̀ŋgɔ̀, lòŋgò hvɛ i ma òhva ndi mènìmòtòhwa lòŋgò hvɛ rzàyiyàwò.”

Matiyò 3:10

Naŋgɛ yòòndò è mà màà lì naŋga ò mèyaŋga mè màyi. O èŋgànɛ̀lɛ̀ tɔ̀ ima gbèe ema wò rza ŋyàayi hwehvùma hwe gbamù, wò hwɛnì lì kɛ̀ɛ̀hwɛ̀ lì hvimbahwa ò mùnya.

Matiyò 3:8

Inyɔ è ɛndɛ è gbèèye hwèyà ema hwe uŋmɛ̀lɛ̀ nanù ema è mà rzɔnjɛ̀lɛ̀ wòhwe wò anyu.

Makòrzì 10:15

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ Lìkànèyà là ama Lohwɛ̀ nàa ŋmanà mòrzàlì, à rza lì kpèeyà.”

Makòrzì 4:20

Hwanɛ̀yi hwatò hvɛ hwa hwèlì ndì nàa ìhvɔ̀ŋgɔ̀ ema ì undi ò mɔ̀nyɛ̀ mò gbamù, ema hwa hwèya eyà ya Lohwà, hwa imànɛ̀lɛ̀ nà è jɔ̀kɛ̀, rzìi e ŋya erzoŋgò ema e jàna rzayiyàwò ja hvɔ̀ŋgɔ̀, tɔ̀ mènì-mòtòhwa me hvɔ̀ŋgɔ̀, lòŋgò hvɛ ègbe ya hvɔ̀ŋgɔ̀.”

Lukàrzɛ̀ 13:9

Wò nyayi tɛ hwèhvùma mònɛ̀yi ŋmàa, òma gbamù. Wò rzà nyayi hvɛ tɛ, wò kɛɛ̀hwɛ̀.’”

Lukàrzɛ̀ 8:15

Iŋgi hvɔ̀ŋgɔ̀ ema ì ma unda ò mɔ̀nyɛ̀ mò gbamù, ì tɛmelì ndi hwaŋga hwatò ema hwa hweyà Eyà ya Lohwà, rzìi hwa e kòmbɛ ò mèèmà me awu. Ènè eyà e hwa gbeyà ema hwa ajùlɛ̀ natɛ̀ɛ hwa ŋya hwèhvùma hwe gbamù.

Lukàrzɛ̀ 8:8

Inɛ̀yi hvɔ̀ŋgɔ̀ jɔ hvɛ ì mà unda ò mɔ̀nyɛ̀ mò gbamù. Ì mà òŋgà gbamù, rzìi ì ŋya hvɛ jɔ̀ɔ. Lòŋgò la hwerzòŋgò hwe ma òhva ègbe ya hvɔ̀ŋgɔ̀.” Yerzù a mà kulɛ lì kpɛ̀ɛ mònò ŋmàna, rzìi a òhwa nanù ema, “Tɔ̀ ima mòtò ema à òhvi màtò, a hweyè.”

Yòwanìrzɛ̀ 15:16

Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Yòwanìrzɛ̀ 8:47

È mɔ̀ e ma a hwèlì na Lohwɛ̀, a hwèya mamɛ Lohwɛ̀ a òhwa. Litiŋga mamɛ ndeŋgatɛ inyɔ e rza hwèya, lì hwèlì ndi ema inyɔ e rza enje e hwàa ama Lohwɛ̀.”

Hwègbèèlì 16:14

O ìtììtènì ja hwaŋga hwalanà ò ma hwɛ mɔ̀kɔ wa awu ema à mà hwɛ̀lɛ̀hwɛ̀ Lideya ema à mà uwɛ̀lɛ̀lɛ̀yi ò mbòwà ndɛnɛ ya Tìyatìrà. A ma hwɛ ndi mòlanà wa nyòŋga ema à mà hwɛ lì àhwirzɛ̀ hwerzanja hwe teyaa ema hwe ma òhva mòrzurzuhwelì mò karzami. Oŋgò mòlàna à mà hwɛ lì gbèeyà Lohwɛ̀. Rzàŋgò à ma mò lìhvòhwa ŋmèma mò eni ò lì òkànèyà mamɛ ema Pàwolò à mà hwɛ lì òhwa.

Hwègbèèlì 17:11

Hwàtò hwa wònyà Yudà ema hwà mà hwɛ ò mbòwa ndɛnɛ ya Bèrìyà hwà mà hwɛnɛ nyɔ̀ŋgi ya lì òkànèyà eyà ya Lohwà lì aka hwatò hwa e mbòwa ndɛnɛ ya Tɛ̀rzàlònìkà. Wùnyà tɛ wɔ̀ hwà mà hwɛ lì làŋga e kààtì ya ama Lohwà ò lì rzɔ̀ŋgìtɛ̀nɛ̀ na lì ɛnɛ ŋga hweyà ema Pàwolò na Rzàyilarzi hwà mà hwɛ lì òhwa hwe ma hwɛ ndi e jɔ̀kɛ̀.

2 Kɔ̀rintìyà 9:10

Lohwɛ̀ ndi à ŋgbà hwatò mamɛ ema hwa ona, rzìi a ŋgba hvɛ hwatò mamɛ ema hwa laa. A o e ŋgbà mamɛ ya arzɛ ema e hwɛni lì ona, a o hwe gbeyà o lì oŋga ndèŋgànɛlɛ a o hwe gbeyà nanù ema hwe ŋyàa mbota rzayi-rzayi. A o gbèeyà ndi ene eyà nanù lì hvomɛ̀nɛ̀ mèèmà me anyu me gbamù.

Hvìlipìyà 1:11

Ène eyà e gbeyà nanù ema ɛ̀ɛ̀mɛ̀ ya anyu ya gbamù ema e uwɛlɛlɛyi o ma Yerzù Krirztò, e o awuŋmɛ̀lɛ̀ o hweyà hwe gbamù hwe arzɛ ema e gbeyà, aŋga nanù Lohwɛ̀ a o luwa èluhwe ya eni na jeka.

Hvìlipìyà 4:17

Nà rza e ohweyà ndi ene eyà nanù ehwànja na arza nanù ema e no òmeya màhwèyà, ndi na arza lì ɛnɛ nanù ema Lohwɛ̀ a e nàmìrzɛ̀ ŋgɛ̀lɛŋgɛlɛ.

Kòlòrzìyà 1:10

Èŋge eyà è gbeyà mòŋgɛ mà anyu, mà hwɛ ndi nà oma lòŋgɛ là hwatò hwa ama Lohwɛ̀ là àŋgàmɛ̀nɛ̀yi lì hwɛ. È ò gbeyà ndi hweyà ema hwe ò mò lìŋgirzɛ. Hweyà hwe gbamù nà gbamù mɛnɛ ndi inyɔ è ò gbeyɛ. Lì rzɔ̀ŋgìtɛ̀nɛ̀ là anyu là ama Lohwɛ̀ lì ò ahwàtɛ ndi nanù mɛnɛ.

Kòlòrzìyà 1:6

Mono ŋmɛ̀ndì mò gbamù ema mò jànà mònàmɛ̀ mò ama Lohwɛ̀, mò hwèlì mò ohwahwɛlɛ nà lì nyàla ò è rze ya arzɛ. Wùùnyà wò worzo ema è mà mò hwèye, inyɔ è mà rzɔ̀ŋgìtɛ̀nɛ̀ nanù ema Lohwɛ̀ à hwɛ̀nèlì hwatò hwa wòhwe ŋmèma mo gbamù.

1 Tɛ̀rzàlonìyà 4:1

Ìi wònyamòwè kòkò, jo òhwa hvɛ nanù ema, i ma e okolɛ nɛ e àŋgàmɛ̀nɛ̀yi lì lìya o lì òkìrzɛ̀ Lohwɛ̀ mɔ̀nyɛ̀ŋgi. Ndeŋgànɛ̀lɛ̀ o jɔ̀kɛ̀ nanù ndi hwèlìyelì hwe anyu hwe hwèlì o nàŋgɛ. O nàŋgɛ nanù, je e akowana, na lì e ohweyà o lìna la ama Rzàŋgo Yerzù nanù ema, e hwɛ ndi o lì lìyàna ene nyayi ya ɛ̀ɛ̀mɛ̀.

2 Tɛ̀rzàlonìyà 2:10

A gbeyàna nyayi na nyayi ja meyano me wòhwe o hwatò ema mòŋgɛ ma awu mo ò hvàŋgahwɛ̀. Mòŋgɛ ma awu ma o hvàŋgahwà ehwànja wɔ̀ hwa rzɔ̀rzì o lì lìŋgàna e jɔ̀kɛ̀ ema e o hwa kɔ̀tɛ.

Hibrù 4:2

Ŋmɛ̀ndì mò gbamù mò ama Lohwɛ̀ hvɛ ema mò jò òhwahwɛlɛyi, ì mà mò hweyà ŋgana hvɔ̀kɔ nà oma wɔ̀ hvɛ hwa mà mò hwèye. Ndi moŋgo ŋmɛ̀ndì mò gbamù ema hwa mà hwèye, mò rzi ohve tɔ̀ màanda nà wɔ̀, èhwanja wɔ̀ hwa rzi lòkɛ̀ mamɛ ema hwa mà hwèye.

Hibrù 6:7

Lohwɛ̀ a nàmìrzɛ̀ mɔ̀nyɛ̀ ema mo yɔ̀yèyà e mbuwà tɔ̀ ima lìrzako rzìi màlìhwà mà kpèeyà o mɔ̀nyɛ̀. Moŋgo mɔ̀nyɛ̀ mo gbeyà hwèèmà hwe oŋga gbamù. Hweŋge hwèèmà hwe oŋgowàna hwatò ema hwa hwe oni.

Hibrù 8:10

Lohwɛ̀ à ohwa hvɛ nanù ema, Imba è Rzàŋgo ndi nà ohwa. Ò nàŋgɛ nanù yòòmbò ene ema nà hwɛni lì ààtɛ̀ɛ̀ nà wònyà Irzàyɛ̀lì, ò è hvonda ema è ò jɛ̀ɛ̀ è hwèlì ndi nanù ema: nà ò hwa gbeyà ò lì hwiya imbenda jà ami, ndèŋgànɛ̀lɛ̀ hwa ò ohva ŋmèma mò lì ika iŋgi mbenda. Imba nà ò hwɛ Lòohwà là awu, ndèŋgànɛ̀lɛ̀ wɔ̀ hvɛ hwa ò hwɛ hwatò hwa ami.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.