Matiyò 13:15 - Mokpwe: Bakwery (New Testament)

¹⁵ Nà òhwa ndi nanù èhwanja hwanù hwatò hwa rza tànɛyi lì òkòwa hvɛ tɔ̀ eyà. Wɔ̀ hwa umbi hvɛ matò nà mììrzɔ̀ mà awu. Hwa rza ò hweyà nà lì ɛnɛ hvɛ tɔ̀ eyà. È rzi hwɛ tɛ nanù, òma wɔ̀ hwa ɛnɛ nà lì embàneyà. Aŋga nanù òma wɔ̀ hwa hweyàna na matò ma awu ndèŋgànà òma mèèmà me awu meyɔhvɛ̀ me rzɔ̀ŋgìtɛ̀nɛ̀. Wɔ̀ hwa gbèyi tɛ nanù hwa nò timbeya òma nà mà hwa òŋgirzɛ.’

Matiyò 13:15 ပူးပေါင်းရင်းမြစ်များ

Makòrzì 4:12

À mà gbeyà ndi nanù ema, tɔ̀ hwa ɛnɛ̀ hwa rzà èmbàneyà, tɔ̀ hwa hweyà hwa rzà rzɔ̀ŋgìtɛ̀nɛ̀, èhwanja hwa rzɔ̀ŋgìtɛ̀nɛ̀yi tɛ hwa tìmba ò mà Lohwɛ̀ òma à mà hwa làkìrzɛ̀.”

Lukàrzɛ̀ 19:42

Rzìi à òhwa nanù ema, “È mà hwiya tɛ mamɛ ema è àrzàhwà ò lì lìyànà ɛ̀yɔ̀lɛ̀ ò yàwònò, òma ò lɔ̀wu. Ndi ò naŋgɛ hwèŋge hweyà hwe utamì ò mirzɔ̀ mà anyu.

Hwègbèèlì 28:27

Nà òhwa ndi nanù ehwànja hwanù hwatò mèèmà me awu me eti ò lùuŋga, wɔ̀ hwa umba màtò ma awu, ndèŋgànɛlɛ hwa umba mìirzɔ ma awu. È rzi hwɛ tɛ nanù ò ma mìirzɔ ma awu ma ɛnɛ, màtò ma awu ma hweyà, ndèŋgànɛlɛ mèèmà me awu me rza rzɔ̀ŋgìtɛ̀nɛ̀. Ndèŋgana hwa ò nò àyèŋgòwɛ̀lɛ̀lɛ̀, ndèŋganɛlɛ na hwa wɔ̀wìrzɛ̀.’”

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

Hwègbèèlì 7:57

Nà òma wòlìya wò mà hweye nanù, rzìi hwa umba matò mà awu nà màà mà awu, rzìi hwa wòteyà lì tɛ̀ɛ̀ ò ŋmanyu nà lìlò lì karzamì rzìi hwa arzɛ hwa urzùweyà Rzìtehvànɛ.

2 Tìmotì 4:4

Hwatò hwa o rzɔ̀rzɔ̀ o lì òkànèyà e jɔ̀kɛ̀ ya ama Lohwɛ̀, ndèŋgàna hwa o ŋgba ndi màatò ma awu o lì òkànèyà màyìtò ma mòlàŋgà.

Hibrù 5:11

Irzɔ i hwɛni rzayì-rzayì ò lì ohwa, ò lì hvomɛ̀nɛ̀ enè eyà. Ndi è nò ambani ò lì gbeyà nanù ema è hwe rzɔ̀ŋgìtɛ̀nɛ̀, èhwanja è rza hwàmìrzɛ̀ ò lì rzɔ̀ŋgìtɛ̀nɛ̀.

Hwèwulùwèlì 22:2

mo ma ɔ̀ndeya ndi o tenì ya moombo mo e mbowà ndɛnɛ. O ma hwɛ nyayi hvɔ̀kɔ ya gbee o tɔ̀ ima rzàawà ya mono morzo ema wo ma ŋyàa hwehvùma ema hwe gbeyà mòtò o lì hwɛ lòŋgɛ natɛ̀ɛ na o gbìndèyà. Màŋga màyi ma mà ŋyàa lìyome la nyayi na mahwakɛ ma hwehvùma, ndèŋgànɛ̀lɛ̀ ŋgbɛndɛ tɛ ma mà ŋyàa hwehvùma. Hwàto hwa e rze ya mɔ̀nyɛ̀ hwà mà hwɛ lì gbeyàna hweyàlì hwe manù màyi o lì luwa hwetune hwe awu.