Matiyò 13:11 - Mokpwe: Bakwery (New Testament)

¹¹ Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Matiyò 13:11 ပူးပေါင်းရင်းမြစ်များ

Matiyò 13:10

O mburza hvònda hwà-òkòwèlì hwa ama Yerzù hwa ma mò uŋmànɛlɛ rzìi hwa mò ijòwa ema, “Mamɛ ndeŋgatɛ ò wa ò òkòlɛ tɛ hwatò, ò gbeyàna ndi meyàna e?”

Matiyò 16:17

Yerzù rzìi a mò alàhwɛ̀ nanù ema, “Mònàmɛ̀ nà ò wa Rzìmɔ̀nì è ŋmanà wà ama Jona. Rzeketɛ è mòtò wa hwènàmà ndi à òhwèlì ene eyà, ndi Tatɛ̀ wa ami ema a hwèlì ò ŋmanyu yà lohwà mɔ̀ ndi à gbèyi ema òhwe nanù.

Matiyò 19:11

Yerzù rzìi a timbirzɛlɛlɛ ama, “Rzeketɛ tɔ̀ ima mòtò ndì a emeyà hwene hwèyòkòlelì, lì aka tɛ hwaŋga hwatò mɛnɛ ema Lohwɛ̀ à mà ŋgbe.

Matiyò 20:23

Yerzù rzi à hwa òhweyà nanù ema, “Ò jɔ̀kɛ̀ e ò àjùlɛ̀, ndi imba na rza òhvi e wònja ò lì hvɔ̀rzɔ̀ e mòtò ema a ò lìyà ò lìya lì ami la mòmɛ̀ tɔ̀ ò e lɔ la ŋmalì. Hwenè hwèlìyelì hwe hwɛnɛhwi ndi na hwaŋga hwatò ema Tatɛ̀ wa ami à mà hwe rzèkeya.”

Makòrzì 10:40

ndi nà rza òhvi è wònjà ò lì hvɔ̀rzɔ̀ njɛnɛ a hwɛnì lì lìyà ò lìya la ami la mòmɛ̀ tɔ̀ e lɔ la ŋmalì. Lohwɛ̀ ndi à ò ŋgbɛɛ hwèŋge hwèlìyelì, ò hwaŋga hwatò ema hwèŋge hwèki hwe rzèkahwɛlɛyi.”

Makòrzì 4:11

À mà hwa òhweyà nanù ema, “Lohwɛ̀ à è ŋgbèlì è wònjà ò lì hwiyà è wùndɛ̀ yà Lìkànèyà la ama Lohwɛ̀. Ndi ò hwanɛ̀yi hwatò Lohwɛ̀ à hwa gbèyi ò lì hwiyà hwenè hweyà ò meyànà mɛ̀nɛ̀.

Lukàrzɛ̀ 8:10

Yerzù à mà hwa alàhwɛ̀ nanù ema, “Lohwɛ̀ à è ŋgbèlì è wònjà yà lì hwiyà ìwùndɛ̀ jà Lìkànèyà là ama Lohwɛ̀. Ndi hwanɛ̀yi hwatò hwa arzɛ hwa hweyànà ndì Lìkànèyà là ama Lohwɛ̀ nàa meyànà aŋga nanù, tɔ̀ nɛ̀ hwa ɔ̀ŋgɔ, hwa rzà èmba, hwa hweyà, ndi hwa rzà rzɔ̀ŋgìtɛ̀nɛ̀.

Yòwanìrzɛ̀ 6:65

Yerzù rzìi a hwa òhweyà nanù ema, “Nànù ndeŋgatɛ nà mà òhwa nanù ema tɔ̀ mòtò a rza tànɛyi lì nò jèeya natɛ̀ɛ Tatɛ̀ wa ami a mò gbeyà ema a nò jèeya.”

Yòwanìrzɛ̀ 7:17

Ndi tɔ̀ ima mɔ̀ ema arza lì gbeyà lì emeyà lì ama Lohwɛ̀ a ò hwiya ŋga hwèyòkòlèlì hwe ami hwe uwɛ̀lɛ̀lɛ̀yi ndi òma Lohwɛ̀, ŋga ò è wònjà ya amì.

Hwègbèèlì 16:14

O ìtììtènì ja hwaŋga hwalanà ò ma hwɛ mɔ̀kɔ wa awu ema à mà hwɛ̀lɛ̀hwɛ̀ Lideya ema à mà uwɛ̀lɛ̀lɛ̀yi ò mbòwà ndɛnɛ ya Tìyatìrà. A ma hwɛ ndi mòlanà wa nyòŋga ema à mà hwɛ lì àhwirzɛ̀ hwerzanja hwe teyaa ema hwe ma òhva mòrzurzuhwelì mò karzami. Oŋgò mòlàna à mà hwɛ lì gbèeyà Lohwɛ̀. Rzàŋgò à ma mò lìhvòhwa ŋmèma mò eni ò lì òkànèyà mamɛ ema Pàwolò à mà hwɛ lì òhwa.

Ròmànì 11:25

Ìi wònyànyàŋgò wa ami kòkò, na arza nanù ema e rzɔ̀ŋgìtɛ̀nɛ̀ eyà ema natɛ̀ɛ na nàŋgɛ tɔ̀ mòtò a rzi rzɔ̀ŋgìtɛ̀nɛ̀, aŋga nanù e rzi lùteyà nanù ema e òhvi lìhwiyè rzayi-rzayi. Nà arza nanù ema e rzɔ̀ŋgìtɛ̀nɛ̀ nanù ema, maniyà mà lòŋgò la hwatò hwa Irzàyɛ̀lì ma ò hwɛ natɛ̀ɛ na ò hwaŋga hwatò hwa arzɛ ema hwa rza enje wònyà Yudà ema hwa rza lòkɛ̀ hwa ò lòkɛ̀.

Ròmànì 16:25

Inyɛ̀ i ŋgbe Lohwɛ̀ èluhwe èhwanja a òhvi màyìmbì ma lì ètìrzɛ̀ lìlòkɛ̀ la anyu. Ndeŋgànɛ̀lɛ̀ nanù ndi nà mà e òhweyà e hvònda ema nà mà e òhweyà Ŋmɛ̀ndì mò Gbamù mò ama Yerzù Krirztò. Mòŋgò Ŋmɛ̀ndì mò hwèlì ndi e jɔ̀kɛ̀ ema Lohwɛ̀ à mà ute natɛ̀ɛ na e hvònda kòòhwa, ema a rzi uŋmɛ̀lɛ̀ hwatò.

1 Kɔ̀rintìyà 13:2

Tɔ̀ na hwɛnɛ hvɛ ndi jàhwèyà ja lì ohwa ŋmɛ̀ndì mo Lohwɛ̀ nɔke-nɔke, tɔ̀ na hwɛnɛ hvɛ ndi lìhwiyè la lì rzɔ̀ŋgìtɛ̀nɛ̀ la ìwùndɛ̀ ja arzɛ. Nà tànɛyi hvɛ tɛ lì hwɛnɛ̀ lì lòkɛ̀ ema lì no gbeyà ema na ohweyà e hvàko, ema e tikowe hwetɛmelì hweni. Rzi na rzi uŋmɛ̀lɛ̀ hwatò e ndìŋgɛ, nanù oma na rza enje tɔ̀ eyà.

1 Kɔ̀rintìyà 15:51

È okànèyà na e ohweyà hweyà ema hwatò hwa rza hwiyɛ. Irzɔ hwa arzɛ i rza o ŋwa, ndi Lohwɛ̀ a jo tikowa i rzɔ hwa arzɛ

1 Kɔ̀rintìyà 2:14

È mɔ̀ ema a rza ohvɛɛ Èlìŋgɛ̀ yà Wòtani a rza o lùwa hweyà ema hwe uwɛ̀lɛ̀lɛ̀yi o Èlìŋgɛ̀ ya ama Lohwɛ̀. Mɔ̀ a rza tànɛyi lì rzɔ̀ŋgìtɛ̀nɛ̀ hwèŋge hweyà, hwe hwèlì ndi hweyà hwe mɔ̀lɔ̀kɔ̀rzɔ̀ na mɔ̀. A rza tanɛ lì hwe rzɔŋgìtɛ̀nɛ èhwanja Èlìŋgɛ̀ yà Wòtani yɔ ndi e òŋgòwàna hwatò ò lì rzɔ̀ŋgìtɛ̀nɛ̀ hweyà hwe ama Lohwɛ̀.

1 Kɔ̀rintìyà 2:7

Lìhwiye ema i gbeyàna, lì hwèlì ndi lìhwiyè ema Lohwɛ̀ a jo ŋgbelì. Lìhwiye ema lì ma ùtàhwa natɛ̀ɛ na ò hwèwòtelì, o lìhwiyè la arzu ema Lohwɛ̀ à mà tɛ̀yirzɛ ndèŋgàna hwewòtelì hwe rze.

1 Kɔ̀rintìyà 4:1

È aŋgàmɛ̀nɛ̀yi lì jo lùtèyà nàa hwàgbèèlì hwa ama Krirztò, ema Mɔ̀ a ikayi o lì telɛlɛ hwatò e wùndɛ̀ ya ama Lohwɛ̀ ya jɔ̀kɛ̀ ema e utami.

1 Kɔ̀rintìyà 4:7

Njɛnɛ mɔ̀ à ò kàrzàmìrzɛ̀hwɛ̀ lì aka hwanɛ̀ hwatò e? Mamɛ ema ò wà ò òhvi ema Lohwɛ̀ à rza ò ŋgbèlɛ ndi lì ŋgba e? Rzeke Lohwɛ̀ Mɔ̀ ndi à è ŋgbelì hwema hwe arzɛ ema e hwɛnì e?

Ɛ̀hvìrzìyà 1:18

Nà kanɛ̀ nanù ema, Lohwɛ̀ à è lìhvowe mèèmà mè anyu aŋga nanù è hwiya hweyà hwe gbamù ema è mà ika mèèmà mè anyu ò tenì èhwanja à mà è hvɔ̀rzɔ̀. Nà kanɛ̀ hvɛ nanù ema è hwɛni lì rzɔ̀ŋgìtɛ̀nɛ̀ màhwèyà mà ndɛnɛ ema mɔ̀ à hwɛni lì ŋgba hwatò hwa eni.

Ɛ̀hvìrzìyà 1:9

Lohwɛ̀ à mà gbèeya hweyà hwe arzɛ na oma mɔ̀ à mà arze nanù ema a hwe gbèye. A jo gbèyi o lì hwiya hweyà ema natɛ̀ɛ na naŋgɛ, tɔ̀ mòtò a rza rzɔ̀ŋgìtɛ̀nɛ̀. Hwene hweyà hwe hwèlì ndi hweyà ema mɔ̀ à mà gbeye lì akeyà na Krirztò.

Ɛ̀hvìrzìyà 5:32

Ène eyà e hwèlì ndi eyà ndɛnɛ ema tɔ̀ mòtò a rza tànɛyi lì rzɔ̀ŋgìtɛ̀nɛ̀. Ndi na lòkɛ̀ nanù ema hwene hweyà hwa hwe ohwa ndi lì hvomɛ̀nɛ̀ Krirztò nà la arzàŋganɛ la hwatò hwa Lohwà.

Ɛ̀hvìrzìyà 6:19

È no kànɛ̀lɛlɛ imba hvɛ, ema tɔ̀ ima hvonda ema na ohwa Èya ya ama Krirztò, Lohwɛ̀ a no ŋgba e mbɔrzi ema e hvomɛ̀nɛ̀yi. Aŋga nanù, na o tànɛyi lì ohweyà hwatò Ŋmɛ̀ndì mò Gbamù ema hwa rza rzɔ̀ŋgìtɛ̀nɛ̀ e rzìi hwɛ lì oka tɔ̀ wɔ̀ŋgɔ̀.

Kòlòrzìyà 2:2

Nà gbeyà ndi nanù o lì hwa ètìrzɛ̀ mèèmà me awu. Aŋga nanù e ndìŋgɛ ema e hwèlì o ìtììtènì ja anyu e o gbèeyà o lì hwɛ mòtò mɔ̀kɔ. Imba na arza nanù ema o wa na wɔ e ika mèèmà me anyu me arzɛ nàa hwatò ema hwa rzɔ̀ŋgìtɛ̀nɛ̀ eyà ya ama Lohwɛ̀ ema hwatò hwa rzi rzɔ̀ŋgìtɛ̀nɛ̀. Èŋge eyà ya Lohwà e hwèlì ndi Krirztò mɔ̀ ŋmìti.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

1 Tìmotì 3:9

Hwa àŋgàmɛ̀nɛ̀yi lì oŋgama e jɔ̀kɛ̀ ema Lohwɛ̀ a gbèeyà ema hwatò hwa hwiye màlùtèyà na ɛ̀ɛ̀mɛ̀ ema a arza nanù ema hwa hwɛnɛ. Hwa hwɛni lì gbeyà nanù na ŋmèma ema mo hwi mamɛ ema e lɔ̀wu.

Jèmìrzì 1:5

Ndi tɔ̀ ima mɔ̀ wa anyu ema a rza hwɛnɛ lìhwiyè, a kànɛ Lohwɛ̀, a mo ŋgbàà e lɔ̀. Lohwɛ̀ ndi à gbeyàna ŋmèma mo eni mo awɔ̀kɛ o lì ŋgba tɔ̀ ima mòtò lìhwiyè. Mɔ̀ Lohwɛ̀ a rza timbana tɔ̀ mòtò mburzà ndèŋgànɛ̀lɛ̀ a mo ŋgba e lɔ.

1 Yòwanìrzɛ̀ 2:20

Ndì ò inyɔ, è Mɔ̀ ema à Ɔ̀kirzɛ̀hwɛ̀ à mà è ŋgba Èlìŋgɛ̀ yà Wòtani. Ò eŋgànɛ̀lɛ̀ rzɔ inyɔ hwa arzɛ è hwi è jɔ̀kɛ̀.

1 Yòwanìrzɛ̀ 2:27

Ndi ò inyɔ, Krirztò à mà è ondìrzɛ̀ nà Èlìŋgɛ̀ yà Wòtani ndèŋgànɛ̀lɛ̀ yɔ̀ è hwèlì ò tenì yà anyu. Ò eŋgànɛ̀lɛ̀ rzɔ, inyɔ è rza arza mòtò ò lì è okòlɛ̀ ehwànja Èlìŋgɛ̀ è mà e okòlɛ̀ hweyà hwe arzɛ, ndèŋgànɛ̀lɛ̀ hweyà ema à è okòlɛ hwe hwèlì ndi è jɔ̀kɛ̀ rzeketɛ mòlàŋga. Ò eŋgànɛ̀lɛ̀ rzɔ, nanù mɛnɛ nà Krirztò nà oma Èlìŋgɛ̀ yà Wòtani è mà è okòlɛ̀.