Matiyò 12:45 - Mokpwe: Bakwery (New Testament)

⁴⁵ Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ. O èŋgànɛ̀lɛ̀, nanù ndi e ò gbèyɛ̀nɛ na ene nyɔ̀ŋgɔ̀nì ya yàwònò.”

Matiyò 12:45 ပူးပေါင်းရင်းမြစ်များ

Matiyò 12:24

Ndi e hvònda ema Ihvàlìrzàyì i ma hwèye nanù ema, hwa ma òhwa nanù ema, “Rzekɛ à gbeyànà ndi è wònjà yà èlìŋgɛ̀ ya ama Bɛ̀lrzɛ̀bùlì ema a hwèlì e mòkànèlì hwa hwèlìŋgɛ̀ hwe wòhwe ò lì ulɛ hwèlìŋgɛ̀ hwe wòhwe ò inyò ja hwatò e?”

Matiyò 12:44

e àwòhwànɛ̀lɛ̀ yɔ yiti nanù ema, ‘Nà tìmbà hvɛ ò èŋge ndawò mɛnɛ ema nà mà hwɛ,’ e tìmbi tɛ, e ùŋmànɛ̀lɛ̀ èŋge ndawò è hwèlì ŋgundu, e rzàŋgi, nà lì rzeyàhwɛlɛ.

Matiyò 17:21

O rza enje tɔ̀ eyà ema e tànɛyi lì hvaya ini nyayi ja hwèlìŋgɛ lì aka tɛ màkanɛ̀ na mòkìyà njàwò.

Matiyò 23:15

Mòjèmà na inyɔ Hwà-òkòlèlì hwa mbenda na inyɔ Hvàlìrzàyì, e hwèlì ndi hwatò hwa mèhvìlì! È lìŋgòwa ò èkòmè yɔ̀kɔ tɛ na enɛyi aŋga nanù e lùwa mòtò mɔ̀kɔ ema a tànɛyi lì e lata. Ndi mɔ̀ à e lati tɛ, inyɔ e mò hvaŋga nyayi ema mɔ̀ à hwɛni lì luwa kɔ̀kìrzɛ̀ ya ŋgelì ihwàkɛ ya mùùnya ema mò rza lìma lì aka tɔ̀ inyɔ.

Matiyò 23:24

Inyɔ hwatò hwa ndima, ndi e timba hwahvɛhvɛ hwatò. È òŋgama hweyà rzayi-rzayi ema hwe rza òhvɛ wòlìtò. Inyɔ e ulɛ e ŋmana mbindò ò malìhwà mà anyu ma lì nyɔ ndi e lìya ŋmiŋgò mò ndɛnɛ ema mò hwèlì ò tenì.

Makòrzì 16:9

Nà òmà Yerzù a mà hvùmùwè ò èŋge elele ya wùnyà wò wòrzò wò wiki, à mà lòma ndi lì awuŋmɛ̀lɛ̀ Màlìyɛ̀ Màdalenà. Ònò mòlanà mɔ̀ ndì Yerzù a mà hvaye hwèlìŋgɛ̀ lìrzàmbà hwe wòhwe ò nyò ya eni. Hwàŋga hwalanà rzìi hwa ɛ̀ndɛ lì òhweyà Pètrò nà hwatò ema hwà mà hwɛ nà mɔ̀ hweyà hwe arzɛ ema hwa mà, òhwahwɛlɛ, hwa mà utulɛ è mbɔrzi.

Makòrzì 5:9

Yerzù rzìi a mò ìjòwa nanù ema, “O hwɛ̀lɛ̀hwɛ̀ ndi njɛnɛ̀ e?” Oŋgò mòtò rzìi a mò alàhwɛ̀ nanù ema,

Lukàrzɛ̀ 11:26

Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ.”

Ɛ̀hvìrzìyà 6:12

È njuma ema jà ana è rza enje ndi yà hwatò hwa hwènàmà. Ndi irzɔ jà ànànà ndi lì teŋgɛ̀nɛ̀ iŋginyà ja wòhwe, hwàtìmbèlì hwa awu ema hwa kànèyà e rze ya jìtìtì na iŋginyà ja wòhwe ema i hwèlì o lìwòhwɛ̀ la ŋmanyu.

Hibrù 10:39

Ndi irzɔ ì rza enje ndi nàa hwaŋga ema hwa timbeya ò mburzà rzi hwa wɔ̀lɛ̀nɛ̀. Ndi ì hwèlì ndi hwaŋga ema hwa lòkɛ̀yì Lohwɛ̀ rzi hwa oŋgìrzɛ̀hwɛ.