Matiyò 12:34 - Mokpwe: Bakwery (New Testament)

³⁴ Inyɔ ini hvèyi! Nɛ inyɔ e tànɛyi lì òhwa eyà ya gbamù ema inyɔ hwiti è hwèlì wòhwe e? Èhwanja, hweyà ema hwe òndi mòtò ò ŋmèma mò eni hwe ɔ̀ndi à wurzirzɛ ò wàna yà èni.

Matiyò 12:34 ပူးပေါင်းရင်းမြစ်များ

Matiyò 12:35

Mòtò wà gbamù a gbeyà gbamù èhwanja e uhwɛ̀lɛ̀lɛ ndi ò ŋmèma mò eni ema gbàamù wò utahwi. Mòtò wa wòhwe a gbeyà wòhwe èhwanja e uwɛ̀lɛ̀lɛ̀yi ndi ò mèèmà mò eni ema wòhwe wò utahwi.

Matiyò 15:18

Ndi hweyà ema hwe wurza ò wàna ya mòtò hwe uwɛ̀lɛ̀lɛ̀yi ndi ò ŋmèma mò eni, hweŋge hweyà ndi hwe gbeyà mòtò a rza hwɛ wòrzàŋgi ò wòrzò wò ama Lohwɛ̀.

Matiyò 23:33

Inyɔ manù màahwa! Yòma lìtumba la hvèyi! Nɛ e ɔ̀ŋgɛ̀lɛ̀yi ema e tànɛyi lì hwaŋga e kɔ̀kìrzɛ̀ ya èhvɔ̀ndì ya mùnya ema mò rza mòkòna e?

Matiyò 3:7

Nà òma Yòwanìrzɛ̀ à mà ɛnɛ rzayì-rzayì ja Hvàlìrzàyì nà Rzàdùrzì hwa jà ema à hwa lùhwìrzɛ̀, rzìi à hwa òhwèyà nanù ema, “Inyɔ hvèyi! Njɛnɛ à è kòkòhwɛ̀lɛ̀yi nanù ema è hwaŋgè è kɔ̀kìrzɛ̀ yà ama Lohwɛ̀ ema è jà e?

Lukàrzɛ̀ 3:7

Yòwanìrzɛ̀ à mà ijòwa è ŋgìndì ema è ma jà ema a hwa lùhwìrzɛ̀ nanù ema, “Inyɔ hvèyi! Njɛnɛ à è kòkòwɛ̀lɛ̀ nanù ema e hwaŋgè è kɔ̀kìrzɛ̀ yà ama Lohwɛ̀ ema e jà e?

Lukàrzɛ̀ 6:45

È mòtò wà gbamù a gbeyà ndi hweyà hwe gbamù, èhwanja hwe uwɛ̀lɛ̀lɛ̀yi ndi ò tenì yà ŋmèma mò eni, ema gbàamù wò utahwi. Ndèŋgànɛ̀lɛ̀ hvɛ è mòtò wà wòhwe à gbeyà ndi hweyà hwe wòhwe, èhwanja hwe uhwɛlɛlɛ̀ ndi ò tenì ya ŋmèma mò eni ema wòhwe wò utahwi. È hwèlì ndi nanù èhwanja, hweyà ema hwe òndi mòtò ò ŋmèma mò eni, hwe ɔ̀ndi à wurzìrzɛ ò wàna yà èni.

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

Ɛ̀hvìrzìyà 4:29

È rzi ohwa mbɔrzi ja èèti o wàna ja anyu. È ohwe ndi hweyà ema hwe oŋgowàna hwatò ò lì oŋgà o lìlòkɛ̀ la awu. Aŋga nanù hwaŋga ema hwe e okànèyà na oma e ohwa hwà okoweya o johwi ja anyu.

Ɛ̀hvìrzìyà 5:4

È rzi keka hvɛ tɔ̀ lì tuhwa mendeŋga me ndɔ̀ki, tɔ̀ lì ohwa hvɛ èèti ya mbɔrzi, tɔ̀ lìkohwi ema lì àŋgayi. Ndi inyɔ e àŋgàmɛ̀nɛyi ndi lì ŋgbà Lohwɛ̀ jeka.

Jèmìrzì 3:2

Irzɔ hwa arzɛ i yɔ̀ki lì gbeyà màtona o jòòhwì. È mòtò ema a rza gbeyà tɔ̀ lìtona a hwèlì ndi mòtò ema a tɛmi ehve-ehve a tànɛyi hvɛ lì kànèyà e nyo ya eni ya arzɛ aŋga nanù a rza gbeyà lìtona.

1 Yòwanìrzɛ̀ 3:10

Nànù ndi irzɔ ì hwɛni lì hwiya njɛnɛ hwàànà hwa ama Lohwɛ̀ hwa hwèlì, nà njɛnɛ hwàànà hwa ama Mòkarzɛ̀ hvɛ hwa hwèlì, tɔ̀ njɛnɛ ema à rza gbèyɛ mamɛ ema è hvomɛ̀nɛ̀yi à rza enje è ŋmanà wà ama Lohwɛ̀. Ŋgànà hvɔ̀kɔ hvɛ nà tɔ̀ njɛnɛ ema à rza lìŋgànɛ̀ ŋmanyàŋgò tɔ̀ è ndomɛ̀ yà eni.