“Inyɛ̀ na e òhweyà, ò rza tànɛyi lì kpèeyà ò ndawò ya mòtò ema a imbami rzìi ò mò hvùmana erzaŋgò ya eni ema ò rza lòmɛ̀ lì mò kakà. Ò mà kùlɛ̀ tɛ lì mò kakà, lìŋgi lìrzàkò ɔ̀ndi ò mò wòwànà erzaŋgò ya eni ya arzɛ.
“O rzà ènje tɔ̀ mògbèèlì tɔ̀ mɔ̀kɔ ema à tànɛyi lì gbèeyà rzàŋgò ihwàkɛ ò ŋgèlì hvɔ̀kɔ. À hwɛnì lì kɔ̀ɔ mɔ̀kɔ, rzìi à lìŋgàna ɔ̀nɛ̀yi. À ò gbèeyà mɔ̀kɔ nà ŋmèemà mò eni mò arzɛ, rzìi à ndinda ɔ̀nɛyi. Ò rza tanɛ̀ lì hwɛ è mògbèèlì wà àma Lohwɛ̀, rzìi ò hwɛ hvɛ è mògbèèlì wà màlì.”
Ò jɔ̀kɛ̀ jɔ̀kɛ̀ hwaŋga hwatò hwa rzi hwɛ ò mòndèŋge mò arzu. Ɔndèŋgàtɛ̀ hwa mà jò akàkòwɛ̀. Wɔ̀ hwa mà hwɛ tɛ ò mòndèŋge mò arzu, oma hwa mà lìya nà irzɔ. Ndi lì akakowɛ là awu lì uŋmɛ̀lɛ̀ nanù ema ò jɔ̀kɛ̀ hwa rzi hwɛ ò mòndèŋge mò arzu.