Matiyò 12:25 - Mokpwe: Bakwery (New Testament)

²⁵ Yerzù à mà hwiya mɔ̀ŋgɛ̀lɛ̀ ma awu, rzìi a hwa òhweyà nanù ema, “Tɔ̀ ima èkòmè ema e akahwanɛ ema e rzà òhwa eyà yɔ̀kɔ, e hwenì ndi lì hvaŋgeyà. Ndèŋgànà tɔ̀ ima mbòwà, tɔ̀ lìtumba ema lì akahwanɛ lɔ̀ lìti, ndèŋgànà hwatò hwa rza ahweyànɛlɛ lì rza tànɛyi lì tɛ̀mɛ̀.

Matiyò 12:25 ပူးပေါင်းရင်းမြစ်များ

Matiyò 9:4

Yerzù à mà hwiya mɔ̀ŋgɛ̀lɛ̀ ma awu rzìi à hwa òhweyà nanù ema, “Mamɛ ndeŋgatɛ è wòmba manù màlùtèyà ma wòhwe ò mèèmà me anyu e?

Makòrzì 2:8

O wòtɛmɛ̀tɛmɛ̀ Yerzù à mà hwiya ò ŋmèma mò eni ema nanù ndi hwanù hwatò hwa hwèlì lì lùteyà ò mèèmà me awu. Rzìi à hwa ijòwa nanù ema, “Mamɛ ndèŋgàtɛ̀ è lùteyà nanù e?

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

1 Kɔ̀rintìyà 2:11

Tɔ̀ mòtò à rzà tanɛ̀yi lì hwiyà mɔ̀ŋgɛ̀lɛ̀ ma mòtò. Èlìŋgɛ̀ ema e hwèlì o tenì ya mòtò, yɔ ndi e hwi màlùtèyà ma ama òŋgo mòtò. Nànù mɛnɛ ndi tɔ̀ mòtò tɔ̀ mɔ̀kɔ à rza tànɛ lì hwìyà mɔ̀ŋgɛ̀lɛ̀ ma ama Lohwɛ̀, lì aka tɛ èlìŋgɛ̀ ya eni mɛnɛ.

Gàletìyà 5:15

Ndi e rza ahweyànɛlɛ tɛ rzi e anana mɔ̀kɔ na ɔ̀nɛyi o a ɛnɛ oma e hwèlì ndi nyàmà ja wàŋga e aŋgowe. È rza aŋgo tɛ nanù oma e hwɛni lì àwòŋwànɛ̀yì mɔ̀kɔ na ɔ̀nɛyi.

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.

Hwèwulùwèlì 16:19

Aŋga ndi è mbowà ndɛ̀ɛ̀ndɛ̀ yà ŋginyà yà à kàndeya moŋgo mayawò. Ndeŋgànɛlɛ màmbowà mà ndɛ̀ɛ̀ndɛ̀ mà arzɛ mà hwèkòmè hwe arzɛ hwe è rze yà mɔ̀nyɛ̀ ma mà rzùùwa. Lohwɛ̀ à mà ɔ̀ŋgɛ̀lɛ̀ mbowà ndɛnɛ yà ŋginyà, Babìlɔ̀nì, rzìi mɔ̀ à gbeyà nanù ema hwatò ema hwa hwèlì ò eŋge mbowà ndɛnɛ hwa ò luwa kɔ̀kìrzɛ̀ yà lì nyɔ mììmbà mà eni mà hwètàtò hwe eni hwe ndɛnɛ.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.