Matiyò 12:17 - Mokpwe: Bakwery (New Testament)

¹⁷ À mà gbeyà ndi nanù ò lì òndìrzɛ̀ e mbɔrzi ema Lohwà à mà òme e mòòhwèlì wà èlìŋgɛ̀ Àyìrzayà ò lì òhwa nanù ema,

Matiyò 12:17 ပူးပေါင်းရင်းမြစ်များ

Matiyò 12:16

Ndi à mà hwa kòkòhwɛ̀lɛ̀ à mà hwa rzi keka lì òhweyà tɔ̀ mòtò njɛnɛ mɔ̀ à hwèlì.

Matiyò 12:18

“Ɔ̀ŋgɔ tɛ, e mògbèèlì wa ami ònò ema na hvɔ̀rzì, na mò lìŋgàni, ndèŋgànɛ̀lɛ̀ a nò lìŋgìrzɛ. Nà ò òma èlìŋgɛ̀ ya ami e ò hwɛ na mɔ̀. A ò akɛlɛ hwèkàyìrzèlì hwe jɔ̀kɛ̀ ò ìtììtènì ya hwaŋga ema hwa rza enje wònyà Yudà.

Matiyò 13:35

A ma gbeyà ene ò lì òndìrzɛ̀ mamɛ e Mòòhwèlì wà èlìŋgɛ̀ à mà òhwe nanù ema, “Nà ò gbeyàna ndi meyàna ò lì òhwìrzɛ̀nɛ̀ hwatò na ò hwa wuluweya hweyà ema hwe utami lì wòteya hwèwèkelì hwe e rze.”

Matiyò 21:4

Ene eyà e ma gbèyɛ̀nɛ nanù, ò lì òndìrzɛ̀ e mbɔrzi ema Lohwɛ̀ à mà òme lì akeyà na e mòòhwèlì wà èlìŋgɛ̀ nanù ema,

Matiyò 8:17

Yerzù à mà gbeyà ndi hwene hweyà hwe arzɛ nanù, ò lì òndìrzɛ̀ ŋmɛ̀ndì ema Lohwɛ̀ à mà òme lì akeyà nà è mòòhwèlì wà èlìŋgɛ̀ Àyìrzayà nanù ema, “À mà jò wòwàna inyambɛ ja arzu ja arzɛ. À mà wòwà hvɛ mètàkà mè arzu mè arzɛ.”

Lukàrzɛ̀ 21:22

Meenya me hwekɔkirzelì me ene. O ene hvònda ndi hweyà hwe arzɛ ema hwe ma tìlahwa hwe ò gbèyɛ̀nɛ.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Yòwanìrzɛ̀ 10:35

È hwɛni lì hwiya nanù ema Eyà ya Lohwà e rza kpa. Lohwɛ̀ a kpɛ̀yi hwatò lìinà ema mɔ̀ à mà òmane Eyà ya Lohwà ama hwa hwèlì ndì mòohwà.

Yòwanìrzɛ̀ 12:38

Ène eyà è mà gbèyɛ̀nɛ ndi ò lì òndìrzɛ̀ hwèyòhwèlì hwe ama è mòòhwèlì wà èlìŋgɛ̀ Àyìrzayà ema hwe òhwa nanù ema, “Rzàŋgò njɛnɛ à lòkɛ̀yi ŋmɛ̀ndì ema irzɔ i mà òhwe e? Njɛnɛ à mà ɛnɛ è ŋginyà yà aŋgɔ rzìi à è embàneyà e?”

Yòwanìrzɛ̀ 19:28

O mburza nanù Yerzù à mà hwiya ema hweyà hwe arzɛ hwe ma kùwa. O lì òndìrzɛ̀ mamɛ e ma tìlahwa ò Kaàti ya Lohwà rzìi mɔ̀ à òhwa nanù ema, “Nà hwèya e nyìrzɛ̀.”

Hwègbèèlì 13:27

Hwàtò ema hwa mà hwɛ lì lìya ò Jèrurzalɛ̀mù nà hwàtìmbèlì hwa awu hwa rzìi hwiye nanù ema, Yerzù ndi à hwèlì è Mòrzùŋgèlì. Hwa rzi rzɔ̀ŋgìtɛ̀nɛ̀ hwetilelì hwe hwà-òhwèlì hwa hwèlìŋgɛ̀ ema wɔ̀ hwa mà hwɛ lì làŋga ò tɔ̀ ima Wùnya wò lì Arzìyòlɛ. Tɔ̀ nɛ wɔ̀ hwa mà gbèye hweyà ema hwà-òhwèlì hwa hwèlìŋgɛ̀ hwa mà òhwe hwe mà òndìrzɛ̀hwɛ, nà òma hwa mà òhwe nanù ema hwa òŋwa Yerzù.