Matiyò 12:10 - Mokpwe: Bakwery (New Testament)

¹⁰ O ma hwɛ mòtò mɔ̀kɔ aŋga ema à mà ɔ̀kirzɛ̀ mɔ̀ɔ̀ mò njɛmbu. O ma hwɛ hvɛ hwatò aŋga e ma hwa ma hwɛ lì arza ò lì rzɔ̀ɔ̀ Yerzù njɔ̀mì. Rzìi hwa mò ijòwa nanù ema, “È mbenda e arzu e ŋgbelì wònja ema mòtò a wɔ̀wìrzɛ̀hwɛ ò Wùnya wò lì Arzìyòlɛ̀ e?”

Matiyò 12:10 ပူးပေါင်းရင်းမြစ်များ

Matiyò 12:2

Nà òma Ihvàlìrzàyì i ma ɛnɛ mamɛ ema hwa ma gbèye rzìi hwa òhwàna Yerzù nanù ema, “Ɔ̀ŋgɔ tɛ, Hwà-òkòwèlì hwa aŋgɔ̀ hwa gbeyà mamɛ ema e mbenda e rza ŋgbelɛ wònja ò lì gbeyà ò wùnyà wò lì Àrzìyòlɛ̀!”

Matiyò 19:3

Lòŋgò là Ihvalìrzàyì hwa mò jèeyà ò lì mò rzɔ njɔ̀mì, rzìi hwa mò ijòwa nanù ema, “È mbenda è ŋgbelì wònja nanù ema mòtò à òŋwe lìhwa è rzi hwɛ njɔ̀mì e?”

Makòrzì 3:2

O ma hwɛ hwatò aŋga ema hwà mà hwɛ lì arza ò lì mò lùwa njɔ̀mì. O èŋgànɛ̀lɛ̀ hwa mà mò ìnja lòŋgòlòŋgò ò lì ɔŋgɔ̀ ŋgà à wɔ̀wìrzɛ̀ òŋgò mòtò ò Wùnyà wò lì Arzìyòlɛ̀.

Lukàrzɛ̀ 11:54

Hwa mà hwɛ lì mò rzɔ̀rzɛlɛ mène mìijòwelì nanù, ò lì mò lùwàna lùrze.

Lukàrzɛ̀ 13:14

È mòkànèlì wà èŋge ndawò ya màkanɛ̀ yà wònyà Yudà à mà tàta èhwanja Yerzù à mà wɔ̀wìrzɛ̀ òŋgò mòlanà ò Wùnya wò lì Arzìyòlɛ̀. Rzìi à òhweyà hwatò nanù ema, “O hwèlì mèenyà mòtòhwa me èwòlò. È arza tɛ lì wɔ̀wìrzɛ̀hwɛ e je ndi mèŋge menya, rzeketɛ ò Wùnya wò lì Arzìyòlɛ̀.”

Lukàrzɛ̀ 20:22

Ò jò òhweyà tɛ, e hwèlì gbamù nanù ema irzɔ ì taŋgeya Kàyìrzà e mòkànèlì hwa Ròmànì è njàŋge yà lìkànèyà e?”

Lukàrzɛ̀ 23:14

rzìi a hwa òhweyà nanù ema, “È nò jànelì ò nò mòtò rzìi e nò òhwèlì ema mɔ̀ ndì à jàni luhwànje ò mèyòhvò mè hwatò. Nàŋgɛ rzɔ̀, nà mà mò kàyìrzɛ ò wòrzò wò inyɔ hwa àrzɛ. Nà rza mò lùwànì tɔ̀ lìtìŋgà tɔ̀ lɔ̀kɔ, ò hweyà hwe àrzɛ ema è òhwì lì mò teŋgɛ̀nɛ̀.

Lukàrzɛ̀ 23:2

Aŋgà ndi hwa mà wòteya lì mò kùwa ewɛnyɛnyɛ, lì mò kìkòwa lì òhwà nanù ema, “Ò nò mòtò à hwèlì à hvùŋgùwà ekòmè ya arzu. À òhwà àma, ì rzì taŋga è njàŋge yà ama Kàyìrzà. À òhwà à mà Mɔ̀ ndì à Ɔ̀kirzɛ̀hwɛ̀yi, ama mɔ̀ ndì a hwèlì è kiŋgɛ̀.”

Yòwanìrzɛ̀ 5:10

Nà òma hwàkànèlì hwa wònyà Yudà hwa mà ɛnɛ òŋgò mòtò ema Yerzù à mà wɔ̀wìrzɛ̀ rzìi hwa mò ijòwa nanù ema, “Wùùnyà wò yàwònò wò hwèlì ndi Wùùnyà wò lì Arzìyòlɛ̀. È hwèlì ndi eyà è teŋgɛ̀nɛ̀ è mbenda ema ò hwanɛ̀ lìkɔ̀kɔ̀ lì aŋgɔ̀ nà lì ahwànà.”

Yòwanìrzɛ̀ 5:3

Ŋgindi ndɛnɛ ja hwà-òkèlì i ma hwɛ ò maŋga marzɛrzɛ ma atanɛ. I ndima, i mbòkò, na e wɔ̀ hwa e nyàmbɛ ya njɛmbu, hwà mà hwɛ aŋga.

Yòwanìrzɛ̀ 7:23

È hwèlì tɛ ema mòtò à endàhwà ò wùnyà wò lì arziyòlɛ, aŋga nanù ò ma hwà mà unda e mbenda yà ama Mòrzè. Yaa mamɛ ndèŋgàtɛ̀ e nò tatana èhwanja na wɔ̀wìrzɛ̀ mòtò ò wùnyà wò lì arziyòlɛ e?

Yòwanìrzɛ̀ 8:6

Wɔ̀ hwà mà gbeyàna ndi mene miijòwelì nàa ŋgundèli, ò lì lùwa njɔ̀mi ò lì mò hwɛlɛ. Ndi Yerzù mɔ̀ à mà ujama ò rze, rzìi a wòteya lì tìla na jɔ̀nɔ ja eni ò mɔ̀nyɛ̀ nàa a rzì hweye mamɛ hwà mà òhwe.

Yòwanìrzɛ̀ 9:16

Lòŋgò la Ihvàlìrzàyì rzìi hwa wòteya lì òhwa nanù ema, “È mòtò ema a gbèyi ene eyà a rza tànɛyi lì uwɛ̀lɛ̀lɛ̀yi òma Lohwà, èhwanja a rza ika e mbenda ya Wùnyà wò lì Arzìyòlɛ̀.” Rzìi hwanɛ̀yi hwa wòteya lì òhwa nanù ema, “Nɛ mòtò ema a hwèlì mòtò wa wòhwe a tànɛyi lì gbeyà ini nyayi ja mànyakà ma eyà e?” Hwà mà akahwanɛ̀ wɔ̀ na wɔ̀.