Matiyò 11:27 - Mokpwe: Bakwery (New Testament)

²⁷ “Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 11:27 ပူးပေါင်းရင်းမြစ်များ

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Lukàrzɛ̀ 10:22

“Tatɛ̀ wà ami a nò ŋgbelì hweyà hwe arzɛ ò màa mà ami. Tɔ̀ mòtò à rza hwi njɛnɛ è ŋmanà à hweli lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi njɛnɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.”

Yòwanìrzɛ̀ 1:18

Tɔ̀ mòtò à rzi ɛni Lohwɛ̀ tɔ̀ wùnyà lì aka tɛ ehvòwà yà eni yà ŋmanà ema è hwèlì ò ŋmanyu yà Lohwà ò tòŋgòŋgò yà eni. Mɔ̀ ndi à jò wùlùhwèlì Tatà Lohwɛ̀.

Yòwanìrzɛ̀ 10:15

Nànù mɛnɛ ndi Tatɛ̀ wa ami a nò hwi, ndèŋgàna imba hvɛ na mò hwi. O èŋgànɛ̀lɛ̀ rzɔ na wòŋgìrzɛ̀nɛ̀yi ò lì ŋwèeyà mɛ̀lɛ̀ŋgù me ami.

Yòwanìrzɛ̀ 13:3

Yerzù à mà hwiya nanù ema Tatɛ̀ wa eni à mà màa lì mò ika hweyà hwe arzɛ ò màa me eni. A ma hwiya ama à mà uwɛ̀lɛ̀lɛ̀yi ndi ò ma Lohwɛ̀ ndèŋgàna à mà hwɛnɛ ndi lì tìmba òma Lohwɛ̀.

Yòwanìrzɛ̀ 17:6

“Nà gbèyi hwatò hwa ene rze ema ò nò ŋgbelì nanù ema hwa ò hwiye. Hwà mà hwɛ ndi e hwa aŋgɔ, ò ma nò ŋgbà e wɔ̀, ndèŋgàna hwa hwèlì ò lì gbeyà na òma ò ma hwa òhweyà ò lì gbeyà.

Yòwanìrzɛ̀ 3:35

Tatɛ̀ a lìŋgàni è Ŋmanà wà eni rzìi a ikayi hweyà hwe arzɛ ò màà mà eni.

Yòwanìrzɛ̀ 6:46

È rza enje nanù ema mòtò à mà ɛnɛ Tatɛ̀. È mɔ̀ ema a uwɛ̀lɛ̀lɛ̀yi ò ma Lohwɛ̀, mò ŋmìti ndi à mà ɛnɛ Tatɛ̀.

Yòwanìrzɛ̀ 7:29

Ndi nà mò hwi èhwànja nà uwɛ̀lɛ̀lɛ̀yi ndi ò mbe eni, mɔ̀ ndi à nò òmi.”

1 Pètrò 3:22

Krirztò ema mɔ̀ à mà ɛndɛ ò ŋmanyu yà lohwà ndèŋganɛlɛ à lìyàyi ò ehvàrzu yà lìya là momɛ̀ là ama Lohwɛ̀, à kànèyà i aŋgèlì jà arzɛ, hwàkànèlì hwa arzɛ nà iŋginyà ja arzɛ ja ŋmanyu.

1 Yòwanìrzɛ̀ 2:23

Hwàŋga hwa arzɛ ema hwa rzɔ̀rzi è Ŋmanà, hwa rzɔ̀rzi hvɛ Tatɛ̀. Hwàŋga hwa arzɛ ema hwa imànɛ̀lɛ̀yì è Ŋmanà wà ama Lohwɛ̀, hwa imànɛ̀lɛ̀yì hvɛ è Tatɛ̀.

2 Yòwanìrzɛ̀ 1:9

Tɔ̀ ima mòtò ema à rza oŋgàmɛ̀ hwèokòlelì hwe ama Krirztò, rzìi à oŋgama ndi hwehvɛhvɛ hwèokòlelì nanù oma à rza enje nà Lohwɛ̀. Ndi tɔ̀ ima mòtò ema à oŋgama hwèokòlelì hwe ama Krirztò nanù oma à hwèlì nà è Tatɛ̀ nà è Ŋmanà wà eni.