Matiyò 11:23 - Mokpwe: Bakwery (New Testament)

²³ Inyɔ hvɛ hwatò hwa Kàpɛ̀nàwɔ̀mì, è ɔ̀ŋgɛ̀lɛ̀ nanù ema, e ma uka ò ŋmanyu ya Lohwɛ̀, ndi è hwɛnì lì rzìhwirzɛhwɛ ò tenì yà mùnya. È ma hwɛ tɛ ema hweyà hwe mànyakà ema Lohwà à mà gbèye ò mbòwa ya anyu hwe mà gbeyàhwa tɛ ndi ò mbòwa ya Rzòdòmi òma eŋge mbòwà e hwèlì natɛ̀ɛ na yàwònò.

Matiyò 11:23 ပူးပေါင်းရင်းမြစ်များ

Matiyò 10:15

Nà è òhweyà ndi e jɔ̀kɛ̀ nanù ema, ò Wùnyà wò Hwèkàyìrzèlèlì, Lohwɛ̀ à ò uŋmɛ̀lɛ̀ ììlì ò hwatò hwa màmbòwà ma Rzòdòmì na Gòmòrà lì aka mamɛ ema hwaŋga hwatò hwa eŋge mbòwa hwa ò lùwɛ.”

Matiyò 16:18

Pètrò na òhweyà nanù ema ò hwèlì ndi ɛ̀kɔ̀kɔ̀ ya lìŋyàyi. O ŋmanyu ya ene ɛkɔkɔ ya lìŋyàyi ndi na òŋga mìitelì me ami. Tɔ̀ è ŋginyà ya e kpelì e rza tànɛyi lì anana meŋge miitelì.

Matiyò 17:24

Ndi na òma Yerzù na Hwà-òkòwèlì hwa eni hwà mà ùke ò e mbòwa ya Kàpɛ̀nàwɔ̀mì, hwàrzàŋgèlì hwa è njàŋge yà è Ndawò yà Lohwà hwà mà jèeyà Pètrò rzi hwa mò ijòwa nanù ema, “È Mòòkòlèlì wà anyu mɔ̀ à rzàawà è njàŋge ò Ndawò yà Lohwà e?”

Matiyò 4:13

Yerzù à mà hwɛmɛ è mbòwà yà Nàrzarɛ̀tì, rzi à ɛ̀ndɛ lì lìya ò mbòwà yà Kàpɛ̀nàwɔ̀mì. Ene mbòwà è mà hwɛ ndi ò tòŋgòŋgò yà yùlu yà Galìlì ò erzòòkà ya Rzɛ̀bulɔ̀nì nà Nàhvìtàlì.

Matiyò 8:5

Lìrzakò ema Yerzù à mà kpèeyà ò mbòwà yà Kàpɛ̀nàwɔ̀mì, mɔ̀ɔ̀ŋgèlì mɔ̀kɔ wà hwàànà njùma wà Ròmànì ema à mà hwɛ lì kànèyà egbe yà hwàànà njùma, rzìi à mò jèeyà à mò rzòrzòmeyà nanù ema,

Lukàrzɛ̀ 10:15

Inyɔ hvɛ hwatò hwa Kàpɛ̀nàwɔ̀mì, è ɔ̀ŋgɛ̀lɛ̀ nanù ema, e ma uka ò ŋmanyu ya Lohwà, ndi è hwɛnì lì rzìhwirzɛhwɛ ò tenì yà mùnya.”

Lukàrzɛ̀ 14:11

O èŋgànɛ̀lɛ̀ e hwiye ema, tɔ̀ ima mòtò ema à akàrzɛ mɔ̀ ŋmìti Lohwɛ̀ à mò rzìhwìrzɛ̀. Òŋgò hvɛ ema à arzìhwìrzɛ̀ mɔ̀ ŋmìti, Lohwɛ̀ à mò kàrzɛ̀.”

Lukàrzɛ̀ 16:23

Èŋge èhwàŋgì ya mòtò e mà ɛ̀ndɛ ò èkòme ya kpelì, ema e mà tàke nà èwiki. À mà kàrzɛ wòrzò wò eni, rzìi a ɛnɛ Abràhamù ɔnɛ̀yi hvòò nà Làrzàrɔ̀rzì hvɛ a lìya ò tòŋgòŋgò yà èni.

Lukàrzɛ̀ 4:23

Yerzù à mà hwa òhweyà nanù ema, “O Jɔ̀kɛ̀ è ò nò kpɛ̀ɛya mònò ŋmàna, ‘Ŋgàŋgà ò à wɔ̀wìrzɛ̀ ò wà hwìti.’ Ndèŋgàna e ò no òhweyà hvɛ ema, hweyà ema e hweyi ema nà mà gbeyà ò mbòwà yà Kàpɛ̀nàwɔ̀mì ema nà mà hwɛ, na hwe gbeye anù mbòwà ya ami.”

Hwègbèèlì 2:27

Nà àrzìyòlɛ̀ ò lìhvìta èhwanja à rza ò kìnyɛ̀lɛ̀ èlìŋgɛ̀ yà ami ò èkòmè ya kpelì, ndèŋgànɛ̀lɛ̀ ò rza ò emeyà nanù ema èèmbè yà ama è mògbèèlì wà aŋgɔ̀ ema à ò gbèeyà nà ŋmèma mɔ̀kɔ ò lì rzɔ̀mbeyà ò tenì ya rzɔ̀ŋgɔ̀.

Hwègbèèlì 2:31

Dàhwitì à mà ɛnɛ̀ hvòò mamɛ Lohwɛ̀ à mà hwɛ̀nɛ̀ lì gbeyà ò wòrzò rzìi à òhwa hweyà lì hvòmɛ̀nɛ̀ hwèhvùmùwèlì hwe ama è Mɔ̀ ema à Ɔ̀kirzɛ̀hwɛ̀yi. A mà òhwa nanù ema, ‘Lohwɛ̀ a rzi emeyà nanù ema mɔ̀ à ò kìnyɛ̀lɛ̀ ò èkòmè ya kpelì, ndèŋgànɛ̀lɛ̀ èèmbè ya eni e rzi rzɔ̀mbeyà ò tenì ya rzɔ̀ŋgɔ̀.’

Judɛ 1:7

È ɔ̀ŋgɛ̀lɛ̀ hvɛ màmbowà mà Rzodomi nà Gòmòrà nà màŋga màmbowà emà ma mà hwa kombɛ̀nɛ̀. Hwàto ema hwa mà hwɛ ò tenì yà màŋga màmbowà, hwa mà aŋgbɛ wɔ̀ hwiti ò lì gbeyà hweyà hwe mòrzònje, ndèŋgànɛlɛ wɔ̀ hwa mà hwɛ ndi ò lì oŋgàma hweyàrzèlì hwe e nyàma nyo ema e mòtò wa hwènàma a rza àŋgàmɛ̀nɛ̀yi lì gbeyà. Hwà mà luwa ɛkɔ̀kìrzɛ̀ ya mùnya ema mo rza lìma. Ène kɔ̀kìrzɛ̀ e hwèlì ndi o lì okolɛ hwahvɛhvɛ hwatò nanù ema ene eyà e tànɛyi e hwa gbèyɛ̀nɛ.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Hwèwulùwèlì 11:8

Ŋmìimbà mè awu mè o nàŋga o moombo ema mo akeyà e mbowà ndɛɛndɛ ema hwà mà wòmeya e Rzàŋgo ya awu o mbàrza. Èŋge mbowà ndɛɛndɛ e ma hwɛ̀lɛ̀hwɛ̀ ndi na ŋmàna nanù ema, Rzodomi na Ìjiptò.

Hwèwulùwèlì 20:13

Hwàto ema hwa mà ŋwèeyà ò tenì yà ŋmànja, hwa mà ɛndɛ ò mà Lohwɛ̀ aŋga nanù à hwa kàyìrzɛ̀. Ndeŋgànɛlɛ hwanɛyi hwatò ema hwa mà ŋwɛ̀ɛ̀ ema hwa hwèlì ò èkomè yà hwatò ema hwa mà ŋwɛ̀ɛ̀, wɔ̀ hvɛ hwa ò tɛ̀mɛ̀ ò worzo wò ama Lohwɛ̀ aŋga nanù mɔ̀ à ò hwa kàyìrzɛ̀ lì wowàna hwɛ̀ɛ̀mɛ̀ hwe awu.

Hwèwulùwèlì 6:8

Nà ma ɔ̀ŋgɔ, rzìi na ɛnɛ wɔ̀rzi ema e ma ɛneya mɔ̀rzɔ̀nɔ̀ nàa hwèwùlè ema hwe rzɔ̀ɔnji. Lìina la ama e mòtò ema à mà e lìya o ŋmanyu lì ma hwɛ̀lɛ̀hwɛ̀ ndi Kpelì, ndèŋgànɛ̀lɛ̀ èkomè yà hwatò ema hwa mà ŋwɛɛ e ma mo oŋgàma o mburzà. Hwà mà ŋgbahwa è wònjà o lì kànèyà lìkayi lɔ̀kɔ la e rze ya mɔ̀nyɛ̀ o ìtììtènì ja màkayi manii ja e rze ya mɔ̀nyɛ̀. Hwà mà ohwa nanù ema inyɛ a gbeyàne e rzɔ̀lɔ̀, e njawu, inyàmbɛ, na inyàmà ja wòhwe o lì oŋwa hwatò o e rze ya mɔ̀nyɛ̀.