Matiyò 11:21 - Mokpwe: Bakwery (New Testament)

²¹ ò lì òhwa nanù ema, “Lìkunde lì ndɛnɛ̀ lì hwèlì lì e àmbɛ̀lɛ̀, inyɔ hwatò wa Kòràrzinì! Lìkunde lì ndɛnɛ̀ hvɛ nà hwatò hwa Bɛ̀trzàyìdà! Mànyakà ema Lohwɛ̀ a mà gbèye ò mbòwà yà anyu, ma mà gbèyɛnɛ tɛ ndì ò mbòwà yà Tàyi nà Rzidònì, hwaŋga hwatò ema hwa ma wɔtɔ̀ màatù ma màyɛ̀ɛhwɛ̀, rzìi hwa akòmɛ hvɛ lìwù ò inyò ja awù ò lì uŋmɛ̀lɛ̀ nanù ema hwa mà ayèŋgòwɛ̀ ò wòhwe wò awu.

Matiyò 11:21 ပူးပေါင်းရင်းမြစ်များ

Matiyò 11:22

Nà è òhweyà ndi e jɔ̀kɛ̀ nanù ema, ò wùnyà wò hwèkàyìrzèlèlì, ɛ̀kɔ̀kìrzɛ̀ ema hwatò hwa Tàyi nà Rzidònì hwa ò lùwà e hwɛ̀nɛ̀ rzìhwɛ lì akà è hwe anyu.

Matiyò 15:21

O mburza hvònda, Yerzù à mà anjiya ò èŋge èki rzìi a ɛ̀ndɛ ò hweŋge hwèrzòòkà ema hwe kòmbɛ̀nɛ̀ imbowà ndɛnɛ ja Tàyi na Rzidònì

Matiyò 18:7

Mòjèmà nà è rze, èhwanja è òhvi hweyà ema hwe lùkɛ̀lɛ̀ hwatò ò lì gbeyà wòhwe. Makèkìrzɛ̀nɛ̀ mà hwɛni lì jà, ndi è ò hwɛ wòhwe nà òŋgò mòtò ema à ò gbeyɛ òhvɛhvɛ mòtò ò lì gbeyà wòhwe.

Matiyò 26:24

È Ŋmanà wà è Mòtò wà Hwènàmà à hwɛnì lì ŋwa nà òma è kààtì yà Lohwà è òhwi, è ò hwɛ màwɔ̀ŋgɔ̀ nà òŋgò mòtò ema à ò nò ahwìrzɛ. È mà lɔ̀wu ema òŋgò mòtò à rzìi ŋyahwe hvɛ tɔ̀.”

Makòrzì 3:8

Jèrurzalɛ̀mù, ò erzòòkà ya Èdùmeyà, nà ò hwèrzòòkà hwe ɛnɛyi èhvarzù ya Jɔdànì, nà mambòwà ema mà kòmbɛ̀nɛ̀ nà mambòwà mandɛnɛ ma Tàyi nà Rzidònì. Hwanù hwatò hwà mà jèeyà Yerzù èhwanja hwà mà hwèya hweyà ema a mà hwɛ lì gbeyà.

Makòrzì 6:45

Lìwòkìmɛnɛ Yerzù à òhweyà hwà-òkòwèlì hwa eni ò lì kpèeyà ò wɔ̀lɔ̀, rzìi à hwa hvùŋgànìrzɛ̀ lì ɛ̀ndɛ ò wòrzò, ò mbòwà yà Bɛ̀trzàyìdà, ò ɛnɛyi èhvarzù yà yùlu yà malìhwa. Nà òmà hwà-òkòwèlì hwà mà hwɛ lì ɛ̀ndɛ, Yerzù rzìi à òhweyà è ŋgìndì ò lì tìmba ò màndawò ma awu.

Makòrzì 7:24

Yerzù à mà anjiya ò èŋge erzòòkà rzìi a ɛ̀ndɛ ò erzòòkà ema e ma kòmbɛ̀nɛ̀ e mbòwà ya Tàyi na Rzidònì. À ma kpèeyà ndawò hvɔ̀kɔ ema à rzì arze nanù ema tɔ̀ mòtò tɔ̀ mɔ̀kɔ a hwìye nanù ema mɔ̀ à hwèlì aŋga. Ndi tɔ̀ nanù, hwatò hwà mà hwiya ema a hwèlì aŋga.

Makòrzì 7:31

Yerzù rzìi anjiya ò èŋge erzòòkà ya Tàyi rzìi a akeeya ò Rzidònì rzìi a ɛ̀ndɛ ò tòŋgòŋgò ya yùlu ya malìhwà mà Galìlì, rzìi a kpèeyà ò erzòòkà ema e ma òhva lìyòmɛ̀ la Mambòwà.

Makòrzì 8:22

Yerzù nà hwà-òkòwèlì hwa eni hwa mà jà ò Bɛ̀trzàyìdà. Àŋga ndi lòŋgò la hwatò hwà mà jàne mòtò mɔ̀kɔ wa ndima rzìi hwa rzòrzòmeya Yerzù hwa ama a mò hwàkɛ lìya la eni.

Lukàrzɛ̀ 4:26

Ndi Lohwɛ̀ à rzi hwa òmeyà Èlàyijà. Ndi a mà mò òma ndi ò ma mòkurze mɔ̀kɔ ema mò ma hwɛ ò èkòmè ya Rzidònì ò mbòwà ya Rzàlɛhvati.

Lukàrzɛ̀ 6:17

Yerzù à mà rzìhwa nà Hwà-òkòwèlì wà eni ò mòòlì rzìi hwa uka ò ètamba. Hwa mà ùŋmanɛlɛ rzayì-rzayì ja hwahvɛhvɛ Hwà-òkòwèlì hwà eni nà ŋgìndì ndɛnɛ ya hwatò. Èŋge ŋgìndì e ma uhwɛlɛlɛ ndi ò erzòòkà ya àrzɛ ya Jùdeyà, nà Jèrurzalɛ̀mù nà è mbòwà yà Tàyi nà Rzidònì. Manù màmbòwà ma mà hwɛ ò rzààwà yà ŋmanjà.

Lukàrzɛ̀ 9:10

È hvònda ema hwà-òkòwèlì hwa mà tìmbe, hwa mà òhweyà Yerzù mamɛ ya arzɛ ema hwa mà gbèyè. Yerzù rzìi a hwa wòwà a hwa ɛ̀ndɛnɛ tòŋgòŋgò hvɔ̀kɔ, ò mbòwà yà Bɛ̀trzàyìdà ò lì hwɛ wɔ̀ hwìti.

Yòwanìrzɛ̀ 1:44

Hvìlìpì àma uwɛlɛlɛ ndi ò Bɛ̀trzàyìdà ene mbòwà mɛnɛ ndi Àndèlè na Pètrò hwà mà uhwɛlɛlɛ.

Yòwanìrzɛ̀ 12:21

Hwà mà ɛ̀ndɛ òma Hvìlìpì. Hvìlìpì à mà uwɛ̀lɛ̀lɛ̀yi ò e mbòwà ya Bɛ̀trzàyìdà e hwèlì ò erzòòkà ya Gàlìlì. Rzìi hwa mò òhweyà nanù ema, “Ìi rzàŋgò kòkò, i arza lì ɛnɛ Yerzù.”

Hwègbèèlì 12:20

O nàŋgɛ̀ rzɔ Kìŋgɛ̀ Hɛ̀rɔ̀dì à mà hwɛnɛ hwetàtò rzayì-rzayì na hwatò hwa imbowà ja Tàyi na Rzidònì. O èŋgànɛ̀lɛ̀ hwatò hwà mà hwɛmɛ iŋgi mbòwa ja ahwakɛ ò lì ɛndɛ lì mò ɛnɛ. È mòtò wa wòrzò ema hwà mà ɛndɛ ò lì ùŋmànɛ̀lɛ̀ aŋga nanù à mà hwɛ ò ɛ̀yɔ̀lɛ̀ na e kiŋgɛ à mà hwɛ ndi Blàrzìtùrzì. Blàrzìtùrzì à mà hwɛ ndi mòkutu ò e ndawò ya ama kiŋgɛ. Hwà mà gbeyà ndi nanù èhwanja mòlelì mò awu mò ma uwɛ̀lɛ̀lɛ̀yi ndi ò èkòmè ya ama Hɛ̀rɔ̀dì.

Hwègbèèlì 27:3

O wònɛyi wùnyà irzɔ i ma uka ò mbòwa ndɛnɛ ya Rzidònì. Jùlìyɔ̀rzì à mà hwɛneya Pàwolò ŋmèma mò gbamù. Rzìi à mò hwɛmɛ nanù ema a ɛndɛ a ɛnɛ imbunda ja eni, òma hwà mà mò ŋgba tɔ̀ mamɛ ema a arza.

Judɛ 1:11

Èwoma na wɔ̀! Wɔ̀ hvɛ hwa gbeyà ndi na oma Keni à mà gbeye ema à mà oŋwe ŋmanyàŋgò wa eni. O nyòla wolì wɔ̀ hwa tànɛyi lì gbeyà tɔ̀ mamɛ nàa Bàlàamì. Maniyà mà awu mɔ̀ hvɛ ma mà hwa gbeyà o lì ŋwa nyayi hvɔ̀kɔ hvɛ na oma Kora à mà ŋwe ehwànja à rzi hweyàne Lohwɛ̀.

Hwèwulùwèlì 11:3

Nà ŋgba imboŋgi jà ami jà ahwàkɛ è wònjà o lì ohwa hweyà ema hwe ò gbèyɛ̀nɛ ò tenì yà ikolì jɔ̀kɔ hwègbe hwehwakɛ nà mèni mòtòhwa mè mèènyà. Ndeŋgànɛ̀lɛ̀ hwa ò wɔ̀tɔ̀ mààtù mà màyɛ̀hwɛ̀.”

Hwèwulùwèlì 6:12

Eŋge Ŋguma ya Mɔlɛ̀ŋgù rzìi e rzolowa mòjèkà ema mo ma ùkirzɛ̀ mòtohwa. O ma hwɛ mònyìŋgìrzɛ̀nɛ̀ mo ndɛnɛ. Igbèe i ma àyèŋgòwɛ̀ jùùjùù rzayi-rzayi, ŋmɛ̀lì mɔ̀ hvɛ mo a teeya nàa màyija.