Matiyò 11:18 - Mokpwe: Bakwery (New Testament)

¹⁸ Nà è òhweyà ndì hwene hweyà nanù ehwànja e hvònda ema Yòwanìrzɛ̀ è Mòlùhwìrzèlì à mà hwɛ, a rzìi nyàmɛ̀lɛ̀ lì laa mòlelì na lì nyɔ mimba. Hwa ma hwɛ lì òhwa nanù ema, ‘A òhvi èlìŋgɛ̀ ya wòhwe ò nyò ya eni.’

Matiyò 11:18 ပူးပေါင်းရင်းမြစ်များ

Matiyò 10:25

Ò èŋgànɛ̀lɛ̀ è mòòkòwèlì à rza aŋgàmɛ̀nɛ̀yi lì arza èluhwe ema è akàyi è yà ama è mòòkòlelì wà eni. È mògbèèlì mɔ̀ hvɛ à rza aŋgàmɛ̀nɛ̀yi lì arza èluhwe ema è akàyi è yà ama è rzàŋgò yà eni wà èwòlò. Hwa kpɛ tɛ mòòhvò mò lìtumba lìinà ema Bɛ̀lrzɛ̀bùlì, nanù òma hwaŋga hwatò ema hwa hwèlì ò ndawò ya eni hwa ò hwɛ̀lɛ̀hwɛ lìinà ema lì hwiyòhwi lì aka lìni.”

Matiyò 11:17

ema, ‘Je e tòŋgelì hvòle, ndì e rza rzàyi. Je e embelì mɛ̀rzɔ̀kɔ̀ me kpelì, ndi inyɔ e rza ɛhwi.’

Matiyò 3:4

Liwɔ̀ti là ama Yòwanìrzɛ̀ lì mà gbèya hwàna ndi nà màjùmbù mà nyàmà ema è hwɛ̀lɛ̀hwɛ̀ Kàmɛ̀lì. È ŋgòlì yà eni hvɛ ema gbèya hwàna nà mèyòwò mè è nyàmà yà waŋga. Mòlèlì mò eni mò mà hwɛ ndi mègbambèmbè nà wòò.

Matiyò 9:34

Ndi Ihvàlìrzàyì hwa ma òhwa nanù ema, “Yerzù mɔ̀ à gbeyànà ndi è wònjà yà ama è kiŋgɛ̀ yà hwèlìŋgɛ̀ hwe wòhwe, ò lì hvayànà hwèlìŋgɛ̀ hwe wòhwe.”

Makòrzì 3:22

Lòŋgò la Hwà-òkòlèlì hwa mbenda ema hwà mà uhwɛlɛlɛ ò mbòwà yà Jèrurzalɛ̀mù rzìi hwa òhwa nanù ema, “À òhvì Bɛ̀lrzɛ̀bùlì ò nyò yà èni. Èŋge kiŋgɛ̀ yà hwèlìŋgɛ̀ hwe wòhwe yɔ ndi è mò ŋgba èŋgè wònjà ò lì hvayànà hwèlìŋgɛ̀ hwe wòhwe ò hwatò.”

Lukàrzɛ̀ 1:15

È ò hwɛ ndi nanù, èhwanja ò nò ŋmanà a ò hwɛnɛ èluhwe ndɛnɛ̀ ò wòrzò wò amà Rzàŋgò. A rza ò nyɔ mimba ema mà èèti tɔ̀ hwelandì. Lìwòteya ò hwèŋyàyèlì hwe eni, a ò òndìrzɛ̀hwɛ̀ nà Èlìŋgɛ̀ yà Wòtani.

Yòwanìrzɛ̀ 10:20

Lòŋgò hwà mà a òhwanɛ̀ nanù ema, “A òhvi èlìŋgɛ̀ ya wòhwe ndèŋgànɛ̀lɛ̀ hvɛ a rza enje ò lìhwiyè la eni. Mamɛ ndèŋgàtɛ̀ i mò òkànèyà e?”

Yòwanìrzɛ̀ 7:20

Rzìi e ŋgìndì e timbirzɛlɛlɛ nanù ema, “Yerzù ò òhvi èlìŋgɛ̀ ya wòhwe! Hwa njɛnɛ hwa arza lì ò òŋwa e?”

Yòwanìrzɛ̀ 8:48

Hwatò hwa Yudà hwa mò alàhwɛ̀ nanù ema, “O èŋgànɛ̀lɛ̀ irzɔ i rza hvòmɛ̀nɛ̀ lì òhwa nanù ema ò wa ò hwèlì ndi mòtò wa Rzàmàrìyà, ndèŋgànɛ̀lɛ̀ ò òhvi èlìŋgɛ̀ ya wòhwe ò nyò ya aŋgɔ e?”

Yòwanìrzɛ̀ 8:52

Hwatò hwa Yudà hwà mà hwèya nanù rzi hwa tɛ na merzeya mèndɛnɛ me hwetàtò nanù ema “Nàŋgɛ nanù, irzɔ i hwi ema ò hwèlì èlìŋgɛ̀ ya wòhwe ema yò ò tàkirzɛ! Abràhamù à mà ŋwa, hwanɛ̀yi hwà-òhwèlì hwa hwèlìŋgɛ̀ wɔ̀ hvɛ hwà mà ŋwa. Ndi ò wa ònò ò òhwa òma, tɔ̀ ima mòtò ema a ikayi e mbɔrzi ya aŋgɔ, e kpelì e rza tànɛyi lì mò keka.

Hwègbèèlì 26:24

È ŋgànà ema Pàwolò à mà kaye, e ma gbeyà Hvɛ̀rzìtùrzì a mò lòmeya nanù ema, “Ìi Pàwolò ò ma kpànyà e? Lì òkòwa la aŋgɔ̀ là rzàyi-rzàyi ndi lì ò kpànyìrzɛ e?”

1 Kɔ̀rintìyà 9:27

Nà òkòlɛ̀yi e nyo ya ami ò lì ajùlɛ̀nɛ̀ mètàkà me lìhwaŋgi. Ène ŋgàna e èŋgànɛ̀lɛ̀ imba na oka wɔ̀ŋgɔ̀ ema nà mà òhwèyà tɛ hwahvɛhvɛ hwatò eyà yà Lohwà, rzìi imba na tìmba eyoyo.