Matiyò 11:13 - Mokpwe: Bakwery (New Testament)

¹³ È mbenda ya ama Mòrzè na hwà-òhwèlì hwa hwèlìŋgɛ̀ hwa ma òhwa lì hvòmɛ̀nɛ̀ lìni lìkànèyà natɛ̀ɛ nà ò ene hvònda yà ama Yòwanìrzɛ̀.

Matiyò 11:13 ပူးပေါင်းရင်းမြစ်များ

Matiyò 11:12

Lìwòteyà è hvònda ema Yòwanìrzɛ̀ è Mòlùhwìrzèlì à mà wòteya lì òhwa Èya ya Lohwà natɛ̀ɛ na naŋgɛ, Lìkànèyà la ŋmanyu lì ma luwa mètàkà rzayi-rzayi ò màà mà hwatò, ndèŋgànɛ̀lɛ̀ hvɛ hwatò hwa mòhvùŋgu hwa hwèlì hwa lì ìnɛ̀lɛ̀ na e njuma.

Matiyò 11:14

O èŋgànɛ̀lɛ̀ e wòŋgirzɛnɛ tɛ ò lì lòkɛ̀ e mbɔrzi ya awu, Yòwanìrzɛ̀ ndi à hwèlì e mɔ̀ ema hwa ma hwɛ lì òhwa e hvònda ema hwa ma òhwe nanù ema Èlàyijà a hwèlì a jà.

Lukàrzɛ̀ 24:27

Yerzù rzìi a hwa ɔ̀ŋgɛ̀lɛ̀nɛ hwetìlelì hwe ama Mòrzè, nà hwà-òhwèlì hwa hwèlìŋgɛ̀ hwa àrzɛ hwa kòhwaa. À mà hwa telɛlɛ mamɛ ya àrzɛ e ma tìlahwa ò Kààtì yà Lohwà lì mò hvòmɛ̀nɛ̀.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Hwègbèèlì 13:27

Hwàtò ema hwa mà hwɛ lì lìya ò Jèrurzalɛ̀mù nà hwàtìmbèlì hwa awu hwa rzìi hwiye nanù ema, Yerzù ndi à hwèlì è Mòrzùŋgèlì. Hwa rzi rzɔ̀ŋgìtɛ̀nɛ̀ hwetilelì hwe hwà-òhwèlì hwa hwèlìŋgɛ̀ ema wɔ̀ hwa mà hwɛ lì làŋga ò tɔ̀ ima Wùnya wò lì Arzìyòlɛ. Tɔ̀ nɛ wɔ̀ hwa mà gbèye hweyà ema hwà-òhwèlì hwa hwèlìŋgɛ̀ hwa mà òhwe hwe mà òndìrzɛ̀hwɛ, nà òma hwa mà òhwe nanù ema hwa òŋwa Yerzù.

Ròmànì 3:21

O nàŋgɛ nanù Lohwɛ̀ à mà jò uŋmɛ̀lɛ̀ nɛ hwatò hwa tɛmi ehve-ehve ò wòrzò wò eni. Èŋge ŋgàna e rza hwɛnì tɔ̀ eyà ya lì gbeyà na e mbenda ya ama Mòrzè. Iŋgi mbenda na hwà-òhwèlì hwa hwèlìŋgɛ̀ hwà mà òhwa lì hvòmɛ̀nɛ̀ eŋge ŋgàna natɛ̀ɛ na ò mòlòmɛ̀.