Matiyò 10:26 - Mokpwe: Bakwery (New Testament)

²⁶ “O èŋgànɛ̀lɛ̀ rzɔ e rzi òka hwatò hwa hwènàmà wɔ̀ŋgɔ̀. O rzà ènje tɔ̀ eyà ema e utami ema e rza ò jɛ̀ɛ lì wurzà. O rzà ènje hvɛ tɔ̀ eyà ema è hwandahwi ema è rza ò hwiyàhwà.

Matiyò 10:26 ပူးပေါင်းရင်းမြစ်များ

Matiyò 10:28

È rzi òka tɔ̀ mòtò wa hwènàmà ema a tànɛyi lì òŋwa e nyàmà nyò wɔ̀ŋgɔ̀, ndi à rza tànɛyi lì òŋwa èlìŋgɛ̀. Ndi e òke Lohwɛ̀ wɔ̀ŋgɔ̀ ema a tànɛyi lì hvàŋga e nyò na èlìŋgɛ̀ ò tenì ya èhvɔ̀ndì ya mùnya.

Makòrzì 4:22

O rzà ènje tɔ̀ eyà ema e utahwi ema e rzà ò wurza ò mòteŋyi. O rzà ènje hvɛ tɔ̀ eyà ema e utami ema e rzà ò hwiyɛ̀nɛ̀.

Lukàrzɛ̀ 24:47

È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.

Lukàrzɛ̀ 8:17

O rzà ènje tɔ̀ eyà ema e utahwi ema e rzà ò wurza ò mòteŋyi. O rzà ènje hvɛ tɔ̀ eyà ema e utami ema e rzà ò hwiyɛ̀nɛ̀, nà lì awuŋmɛ̀lɛ̀ ò mòteŋyi.

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Hwègbèèlì 4:13

Hwèlìyèlì hwe hwàkàyirzèlì hwe ma tàmà ò lì ɛnɛ nanù ema Pètrò nà Yòwanìrzɛ̀ hwà mà hwɛ lì òhwa e rzi hwɛ lì òka wɔ̀ŋgɔ̀. Èhwanja hwà mà ayembɛ nanù ema, hwa rzi rzɔŋgɔ̀ hwèyòkòwèlì ndèŋgànà hwà mà hwɛ hvɛ ndi hwatò hwa ŋgundu. Aŋga ndi hwa a ayèmbɛ nanù ema hwanu hwatò hwà mà hwɛ ndi na Yerzù ò ihvònda ja arzɛ.

Hwègbèèlì 4:19

Pètrò nà Yòwanìrzɛ̀ hwà mà hwa a alàhwɛ̀ nanù ema, “Inyɔ hwiti e òhwe mamɛ e hvòmɛ̀nɛ̀ ò wòrzò wò ama Lohwɛ̀, ò lì e hwèyàna ŋga lì hwèyàna Lohwɛ̀ e?

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

1 Pètrò 3:14

Ndi tɔ̀ e hwɛ ndi nanù ema inyɔ e tàki tɛ ehwànja e gbèyi mamɛ ema e hvomɛ̀nɛ̀, nanù oma Lohwɛ̀ a e nàmìrzɛ̀. È rzi oka tɔ̀ mòtò wɔ̀ŋgɔ̀ ndèŋgànɛ̀lɛ̀ e rzi aahwɛ.