Matiyò 10:23 - Mokpwe: Bakwery (New Testament)

²³ È ɛni tɛ ema hwa e tàkirzɛ tɛ ò mbòwa hvɔ̀kɔ, e hwaŋge, e ɛ̀ndɛ èhvɛhvɛ mbòwà. Nà e òhweyà ndi e jɔ̀kɛ̀ ema e rza ò kulɛ lì tàneya i mbòwà ja arzɛ ja èkòmè ya Irzàyɛ̀lì ndèŋgànà è Ŋmanà wà è mòtò wà Hwènàmà à è ja.

Matiyò 10:23 ပူးပေါင်းရင်းမြစ်များ

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 16:28

Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

Matiyò 2:13

È hvònda hwaŋga hwàlaŋga rzòmbe hwa mà ɛ̀ndɛ, aŋga ndi è aŋgèlì yà ama Tatɛ̀ è mà wurzeyà Jòrzɛ̀hvù ò ndɔ̀tɔ̀ nanù ema, “Imòwa, ò wòwè è ŋmanà nà nyàŋgɛ è ɛndɛ̀ ò Ìjiptò. È hwɛ aŋga natɛ̀ɛ nà lìrzàkò ema nà è òhwèyà ema è anjiye aŋga, èhwanja Hɛ̀rɔ̀dì à hwɛni lì òma hwatò lì jà ò lì arza ò nò ŋmanà ò lì mò òŋwa.”

Matiyò 23:34

Ene ŋgàna e gbèyi na e òmeya hwà-òhwèlì hwa hwèlìŋgɛ̀, na hwatò hwa mahwiye, nà Hwà-òkòlèlì. Lòŋgò la hwanù hwatò, inyɔ e hwa òŋwa, hwanɛyi hvɛ e hwa wòmeya ò mbarza. Lòŋgò hvɛ e hwa gbiyɛ hvònji ò tenì ja mandawò ma anyu ma màkanɛ̀, na hwahvɛhvɛ, e hwa hvaya ò lì anjiya ò mambòwà na mambòwà.

Matiyò 23:36

Nà è òhweyà ndi e jɔ̀kɛ̀ nanù ema ene nyɔ̀ŋgɔ̀nì ndi è ò lùwɛ è kɔ̀kìrzɛ̀ ya iŋgi kpelì janyu ja arzɛ.”

Matiyò 24:27

Ndi nà òmà lòòhwà lì ŋmɛtɛ ŋmɛti-ŋmɛti lɛlu na mbɛŋgɛ, nanù ndi e ò hwɛ̀ɛ e hvònda ya hwèjèelì hwe ama è Ŋmanà wà è Mòtò wà Hwènàmà.

Matiyò 24:30

O eŋge hvònda e ò ɛnɛ èmɛ̀nɛ̀nì ya è Ŋmanà wà è Mòtò wà Hwènàmà e uwɛ̀lɛ̀lɛ̀yi ò lìwòhwɛ̀ la ŋmanyu, rzìi matumbà mà arzɛ ma hwatò ma e rze ya arzɛ ma ò wòteyà lì ahvahvɛ. Hwatò hwa ò ɛnɛ è Ŋmanà wà è Mòtò wà Hwènàmà na òma a jà ò lìmbàkì la e ŋmanyu yà lohwà na ŋginyà na èluhwe ndɛnɛ.

Matiyò 24:34

Nà e òhweyà è jɔ̀kɛ̀ ema, ène nyɔ̀ŋgɔ̀nì e rza ò ŋwa natɛ̀ɛ hwenè hweyà hwe arzɛ hwe ò gbèyɛnɛ.

Matiyò 24:48

Ndi òŋgò mògbèèlì a hwèlì tɛ wa wòhwe, rzìi a òhwanɛ̀lɛ ò ŋmèma mò eni nanù ema, ‘Rzàŋgò wa ami wa èwòlò a ò indeya ndèŋgànà a e timba.’

Matiyò 25:13

Yerzù rzìi à umba mònò ŋmàna ò lì òhwa nanù ema, “È wòwe hvònda, èhwanja è rza hwi wùùnya tɔ̀ è hvònda ema è Ŋmanà wà è Mòtò wà Hwènàmà à ò jɛ̀ɛ.”

Matiyò 26:64

Yerzù rzìi à mò tìmbìrzɛ̀lɛ̀lɛ̀ nanù ema, “Nà òma ò òhwi. Nà è jɔ̀kɛ̀ imba nà è òhweyà inyɔ hwa arzɛ ema, lì wòteyà naŋgɛ è ɛnɛ̀ è Ŋmanà wà è Mòtò wà Hwènàmà à lìya ò lìyà là mòmɛ̀ là ama Lohwɛ̀ lì karzami. È ɛnɛ̀ nɛ à ò lììya ò ŋmanyu yà mbàkì a rzìhwà ò rze yà mɔ̀nyɛ̀.”

Matiyò 4:12

Ò eŋge hvònda Yòwanìrzɛ̀ è Mòlùhwìrzèlì à mà aŋgɛhwɛ ò hwèwòwà. Nà òma Yerzù à mà hweye nanù, rzìi a timba ò erzòòkà yà Galìlì.

Makòrzì 13:26

O èŋge hvònda hwatò hwa ò ɛ̀nɛ̀ è Ŋmanà wà è Mòtò wà Hwènàmà a jà ò lìmbàkì nà ŋginyà ndɛnɛ̀ nà èluhwe.

Lukàrzɛ̀ 18:8

Nà è òhweyà nanù ema, Lohwɛ̀ à òŋgòwànà hwatò wa eni kàrzì-kàrzì. Ndi è lòkɛ̀ nanù ema è Ŋmanà wà è Mòtò wà Hwènàmà à jelì tɛ, à ùŋmànɛ̀lɛ̀ lìlòkɛ̀ ò rze e?”

Lukàrzɛ̀ 21:27

Aŋgà ndi hwa ɛnɛ e Ŋmanà wà è mòtò wà Hwènàmà na òma a jà ò tenì yà lìmbàkì na ŋginyà nà èluhwe ndɛnɛ̀.

Yòwanìrzɛ̀ 7:1

O mburzà hwenè hweyà, Yerzù à mà lìŋgòwa hweki nà hweki ò erzòòkà ya Galìlì. A rza arze lì ɛndɛ ò erzòòkà ya Jùdeyà èhwanja lìkànèyà la wònyà Yudà lì ma kàkɛ̀nɛ̀ lì mò òŋwa.

Hwègbèèlì 17:10

Nà òma wùnyà wò ma kɔ, hwàlòkèlì hwa ama Yerzù hwà mà òma Pàwolò na Rzàyìlàrzì ò lì ɛndɛ ò mbòwa ndɛnɛ ya Bèrìyà. Nà òma wɔ hwà mà uke aŋga, rzìi hwa ɛndɛ lì kpèeyà ò tenì ya e ndawò ya màkànɛ ya wònyà Yudà.

Hwègbèèlì 17:14

O lìwòkimɛnɛ hwaŋga hwàlòkèlì hwà mà òma Pàwolò ò rzàawà ya ŋmànja, ndi Rzàyilarzi na Tìmòtì hwà mà lìiya ò Bèrìyà.

Hwègbèèlì 20:1

È hvònda ema eŋge kanjɛ-kanjɛ e ma ùke ò lìrzukù. Pàwolò à mà òma à mà hwa mò hwɛlɛlɛ̀ hwàlòkèlì, rzì a hwa ètìrzɛ̀ mèèmà. È hvònda à mà kulɛ lì hwa ètìrzɛ̀ mèèmà rzìi a hwa àkpànɛ̀ɛ, a ɛ̀ndɛ ò erzòòkà ya Màrzèdonìyà.

Hwègbèèlì 8:1

Rzàwòlò à mà ukeya ndèŋgànɛ̀lɛ̀ mɔ̀ à mà emeyà nanù ema hwa òŋwe Rzìtehvànɛ. O wòŋgò wùnyà mɛnɛ ŋmèmba mò Jèrurzalɛ̀mù me ma tàkìrzɛ̀hwɛ ŋginyà ò màà mà wònyà Yudà. Hwàlòkèlì hwa arzɛ hwà mà kuwa lì wuhweyà ò hwèrzòòkà hwe arzɛ hwe Jùdeyà na Rzàmàrìyà. Ndi I àpɔ̀rzìtòlò mɛnɛ ndi i ma lìiya.