Matiyò 10:22 - Mokpwe: Bakwery (New Testament)

²² Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.

Matiyò 10:22 ပူးပေါင်းရင်းမြစ်များ

Matiyò 10:39

Tɔ̀ njɛnɛ ema a arza ò lì kòmbɛ̀ lòŋgɛ la eni, à ò lì wɔ̀lɛ̀nɛ̀, ndì tɔ̀ njɛnɛ hvɛ ema à wɔ̀lɛ̀nɛ̀ lòŋgɛ là eni ò lìnà la amì à ò lùwa lòŋgɛ là gbìndèyà.

Matiyò 24:13

Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.”

Matiyò 24:9

O eŋge hvònda, e ò ŋgbàŋgɛ̀hwɛ̀ na lì ŋgbahwa ò màà ma hwatò ema hwa e kɔ̀kìrzɛ̀ rzii hwa e òŋwa. O nyòla lìinà la amì e ò kɔ̀ɔ̀wɔ̀ nà hwèkòmè hwe arzɛ.

Matiyò 5:11

Mònàmɛ̀ mò hwɛ nà inyɔ hwatò ema hwatò hwa hwɛnyɛ, inyɔ ema hwa tàkirzɛ̀, rzìi hwa è òhwàna inyayi ja hwèyà hwe wòhwe na lì è tɛmeya imbòŋgì ja mòlàŋgà ò lìnà la ami.

Makòrzì 13:13

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.”

Lukàrzɛ̀ 21:17

Inyɔ hwa àrzɛ e ò rzìŋgɛ̀hwɛ ò nyòla lìinà la amì.

Lukàrzɛ̀ 21:19

È kakè mèèmà me anyu aŋga nanù e arzùŋgɛ̀ inyɔ hwìti.”

Lukàrzɛ̀ 6:22

Mònàmɛ̀ nà inyɔ ema è kɔ̀ɔ̀hwi nà hwatò rzìi hwa è ndinda ò ìtììtènì ja awu rzìi hwa è hwɛnyɛ̀ rzìi hwa è hwɛlɛ mìnà ma wòhwe èhwanja è òŋgama è Ŋmanà wà e Mòtò wà Hwènàmà.

Lukàrzɛ̀ 8:15

Iŋgi hvɔ̀ŋgɔ̀ ema ì ma unda ò mɔ̀nyɛ̀ mò gbamù, ì tɛmelì ndi hwaŋga hwatò ema hwa hweyà Eyà ya Lohwà, rzìi hwa e kòmbɛ ò mèèmà me awu. Ènè eyà e hwa gbeyà ema hwa ajùlɛ̀ natɛ̀ɛ hwa ŋya hwèhvùma hwe gbamù.

Yòwanìrzɛ̀ 17:14

Nà ma hwa òhweyà hweyà hwe arzɛ ema ò ma nò òhweyà ò lì hwa òhweyà. Nàŋgɛ rzɔ hwatò hwa ene rze hwa hwà kɔwu, èhwanja hwa rza enje hwatò hwa ene rze hvɛ. Nà òma imba hvɛ na rza enje wa ene rze.

Yòwanìrzɛ̀ 7:7

È rze e rza tànɛyi lì e kɔ̀u ndi è nò kɔwu imba èhwanja nà è rzàmbà nanù ema è gbeyà wòhwe.

Hwègbèèlì 9:16

Ndeŋgàna imba na hwɛni lì mò uŋmɛ̀lɛ̀ mamɛ ya arzɛ ema a hwɛni lì taka ò nyòla ami.”

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

2 Kɔ̀rintìyà 4:11

Irzɔ i hwi nanù ema tɔ̀ nɛ i hwèlì lòŋgɛ nàŋgɛ, i kombɛnɛ e kpelì, èhwanja i gbeyà ndi Yerzù. Ène eyà e hwèlì ndi nanù, o lì gbeyà nanù ema hwa hwiye nanù ema Yerzù a hwèlì lòŋgɛ. Mo ndi à hwèlì e mo ema a jo ikayi e ŋginyà o tenì na oma irzɔ i hwèlì lòŋgɛ.

Gàletìyà 6:9

Inyɛ̀ i rza ɔ̀tɔ̀ o lì gbeyà mamɛ ema e lɔ̀wu. Èhwanja irzɔ i rza ɔ̀tɔ̀ tɛ, jo ò luwa etaŋgi ja arzu o hvonda ya jɔ̀kɛ̀ ema e o jɛ̀ɛ̀.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hibrù 6:11

Irzɔ ja arza ndi nanù ema inyɔ e ɛ̀ndɛ̀nɛ̀ èwòlò e anyu o worzo na kumba, natɛ̀ɛ na o lìrzukù, aŋga nanù e luwa hweyà ema inyɔ e ambɛ̀lɛlɛyi na màhvìta.

Jèmìrzì 1:12

Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.

1 Yòwanìrzɛ̀ 3:13

Ò eŋgànɛ̀lɛ̀ rzɔ wònyànyàŋgo wà ami kòkò, è rzi tàmà nà oma hwatò hwa è rze hwa è rziŋgɛ.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

Hwèwulùwèlì 2:17

Tɔ̀ njɛnɛ ema à hwɛnì matò inyɛ à okànèyà mamɛ Èlìŋgɛ̀ è ohweyà ŋmèmba. Hwàto ema hwa akayi wòhwe, imba nà ò hwa ŋgbà mana ema imba nà hwa utelì, ndèŋgànɛ̀lɛ̀ nà ò hwa ŋgba hvɛ lìŋyàyi ema lì ɛneyà mbɔ̀mi. Ò ŋmanyu yà lìŋgi lìŋyàyi, hwa mà tìla lìnà lì hvènya ema tɔ̀ mòtò à rza hwiyɛ, lì aka tɛ è mòtò mɛnɛ ema à ò ŋgbahwa lìŋgi lìŋyàyi.’”

Hwèwulùwèlì 2:26

Hwàto ema hwa lìya lì aka hweyà hwe wòhwe, ndèŋgànɛ̀lɛ̀ ema hwa gbeyà hweyà ema imba nà hwa ohweyà ò lì gbeyà, natɛ̀ɛ nà ò lìrzùkù là lòŋgɛ là awu anu rze, nà ò hwa ŋgba è wònja yà lì kànèyà hwèkòmè hwe arzɛ hwe anu rze yà mɔ̀nyɛ̀.

Hwèwulùwèlì 2:3

Nà hwi nanù ema o lìinà la ami e ma wɛ̀lìrzɛ̀nɛ̀ ndèŋgànɛlɛ e ma àjùlɛ̀nɛ̀ mètàkà. Ndi tɔ̀ nɛ mèèmà me anyu me eti na oma e no oŋgama.

Hwèwulùwèlì 2:7

Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”

Hwèwulùwèlì 3:21

Hwàto ema hwa lìya lì aka hweyà hwe wòhwe, nà ò hwa ŋgba è wònja ò lì lìya nà imba ò konda yà ami yà lìkànèyà, ŋgànà hvɔ̀kɔ nà oma imba hvɛ nà lìya ò ŋmanyu yà hwàkɔ̀yèlì wà ami rzìi nà lìya nà Tatɛ̀ wà ami ò è konda yà eni yà lìkànèyà.