Matiyò 10:14 - Mokpwe: Bakwery (New Testament)

¹⁴ Ndi è uki tɛ ò tɔ̀ ima ndawò tɔ̀ mbòwa rzìi hwa rza e kàrzɛ̀ tɔ̀ ò lì e òkànèyà, e hvùhvùhwè irzɔ̀hwɛ̀ ema i hwèlì ò màtàŋgà ma anyu e anjiiya tɛ aŋga ò lì uŋmɛ̀lɛ̀ nanù ema Lohwɛ̀ a rza hwa emelì.

Matiyò 10:14 ပူးပေါင်းရင်းမြစ်များ

Matiyò 10:13

È hwèlì tɛ ema, hwa e kàrzɛ tɛ, inyɛ ììkɔ̀mi ja anyu ja ɛ̀yɔ̀lɛ̀ ya ama Lohwɛ̀ e hwɛ na wɔ̀. Hwa rza e kàrzɛ hvɛ tɛ, inyɛ iikɔ̀mi ja anyu i e tìmbeyà.

Matiyò 18:5

Tɔ̀ njɛnɛ hvɛ ema à kàrzɛ̀yi ene nyàyi yà ŋmanà ò lìnà là ami, nanù òma imba ndi à kàrzɛ̀yi.”

Makòrzì 6:11

È ɛndì tɛ mbòwà ema e rza e kàrzɛ̀ na lì e òkànèyà è ànjiye aŋga, e hvùhvùhwè irzɔ̀hwɛ̀ ja anyu ja màtàŋgà nàa mbòŋgi lì uŋmɛ̀lɛ̀ nanù ema wòhwe wò awu wò hwa ɔ̀ŋgɔ ndi wɔ̀ ò hwètìmbèlì hwe anyu.”

Makòrzì 9:37

“Tɔ̀ njɛnɛ ema à kàrzɛ̀yi ene nyayi ya ŋmanà ò lìnà la amì ò ma imba ndi à kàrzɛ̀yi ndèŋgana tɔ̀ njɛnɛ ema a nò kàrzɛ̀yi à rza nò kàrzɛ̀yi ndi ìmba mɛnɛ, a kàrzɛ̀yi hvɛ è mɔ̀ ema à nò òmì.”

Lukàrzɛ̀ 9:48

Yerzù rzìi à hwa òhweyà nanù ema, “Tɔ̀ ima mòtò ema à kàrzɛ̀ jùma ŋmanà nàa ònò nanù, ò lìnà là amì, ò ma ìmba ndi à kàrzɛ̀yi! Tɔ̀ njɛnɛ hvɛ ema à nò kàrzɛ̀yi, òma à kàrzɛ̀yi ndi Lohwɛ̀ ema à nò òmi. O èŋgànɛ̀lɛ̀ rzɔ, tɔ̀ ima mɔ̀ ema à atìmbìrzɛ̀ nàa jùma ŋmanà ò ìtììtènì ja anyu, mɔ̀ ndì à hwɛ̀ɛ̀ è mòtìmbèlì.”

Lukàrzɛ̀ 9:5

È hwèlì hvɛ tɛ ema hwa rzà è kàrzɛ̀ tɛ, tɔ̀ ima mbòwà è uki e anjìyè aŋga e hvùhvùhwè irzɔ̀hwɛ̀ ema jè hwèlì ò màtàŋgà ma anyu, ò lì uŋmɛ̀lɛ̀ nanù ema, wòhwe wò awu wò hwèlì nà wɔ̀.”

Yòwanìrzɛ̀ 13:20

Nà è òhweyà ndi è jɔ̀kɛ̀, tɔ̀ njɛnɛ ema à emelì tɔ̀ ima mɔ̀ è mà na òmi, òma imba ndi à emelì. Ndèŋgànɛ̀lɛ̀ hvɛ e mɔ̀ ema a nò emelì, òma a emelì ndi e mɔ̀ ema à mà nò òma.”

Hwègbèèlì 13:51

I àpɔ̀rzìtòlò i ma hvàkùmɛ̀lɛ̀ irzɔ̀hwɛ̀ ema i ma hwɛ ò màtàŋgà ma awu, nàa embànèlì nanù ema wɔ̀ hwa òhvi e kɔ̀kìrzɛ̀. Nà òma hwà mà kùlɛ̀ lì gbeyà nanù, rzìi hwa ɛ̀ndɛ ò mbòwà ya Ikɔ̀nìyùmì.

Hwègbèèlì 18:6

Ndi wɔ̀ hwà mà hwɛ lì teŋgɛ̀nɛ̀ Pàwolò na lì mò òhwàna hweyà hwe wòhwe, à mà titòwa e rzɔ̀wɛ̀ ema e ma mò hwɛ ò mataŋgà mà eni ò lì uŋmɛ̀lɛ̀ nanù ema e kɔ̀kìrzɛ̀ ya ama Lohwɛ̀ e hwèlì lì hwa ambɛ̀lɛ̀ rzìi mɔ̀ à hwa òhweyà nanù ema, “È wɔ̀lɛ̀nɛ̀ tɛ òma inyɔ hwiti ndi e arzi. Nà rza enje e ya ami ò tenì. Li wòteya nàŋgɛ̀ na ɛ̀ndɛ ndi lì òhweyà hwaŋga hwatò ema hwa rza enje wònyà Yudà ŋmɛ̀ndì mò gbamù.”

1 Tɛ̀rzàlonìyà 4:8

O eŋgànɛ̀lɛ rzɔ tɔ ima mòtò ema a rzɔ̀rzi hwene hwèyòkòlèlì, a rza rzɔ̀rzi ndi e mòtò wà hwènàmà ndi à rzɔ̀rzi ndi Lohwɛ̀ ema a e ŋgbelì èlìŋgɛ̀ yà wòtani.