Matiyò 1:20 - Mokpwe: Bakwery (New Testament)

²⁰ Ò maŋga màlùtèyà mà eni rzi è aŋgèlì yà ama Lohwɛ̀ è mò jèeya ò ndɔ̀tɔ̀. Rzi eŋge aŋgèlì è mò òhwèyà nanù ema, “Jòrzɛ̀hvù è ŋmanà wà mòtende mò ama Dàhwitì, ò rza òka wɔ̀ŋgɔ̀, ò lì wòwà Màlìyɛ̀ nàa jòjìyɛ̀ wà aŋgɔ̀, èhwanja Èlìŋgɛ̀ yà Wòtani è mà mò rzihwèya rzi à lìta.

Matiyò 1:20 ပူးပေါင်းရင်းမြစ်များ

Matiyò 1:18

Nanù ndi hwèŋyàyèlì hwe ama Yerzù hwe mà hwɛ: Màlìyɛ̀ è nyàŋgò yà ama Yerzù à mà hwɛ ndi mɔ̀ɔmbɔ̀ mò ŋgɔ̀ndɔ̀ ema à rzi hwiyɛ̀ munyanà. À mà hwɛ ndi ehwàndà yà ama Jòrzɛ̀hvù. Ndèŋgàna Màlìyɛ̀ à è ɛndɛ ò lì hwahwà, Jòrzɛ̀hvù hwa mà emba nanù ema Màlìyɛ̀ à mà hwɛ nà lèmì, ò lì akèyà nà è ŋginyà yà Èlìŋgɛ̀ yà Wòtani.

Matiyò 2:12

Nà òmà hwa mà kulɛ̀ lì ŋgbà è ŋmanà èluhwe, rzi hwa wòteyà lì tìmba ò èkòmè yà awu. Ndi hwa mà tìmbeya ndi èhvɛhvɛ njiya, èhwanja Lohwɛ̀ à mà hwa kòkòhwɛ̀lɛ̀ ò ndɔ̀tɔ̀, ema hwa rzi keka lì tìmba ò mà Hɛ̀rɔ̀dì hvɛ.

Matiyò 2:13

È hvònda hwaŋga hwàlaŋga rzòmbe hwa mà ɛ̀ndɛ, aŋga ndi è aŋgèlì yà ama Tatɛ̀ è mà wurzeyà Jòrzɛ̀hvù ò ndɔ̀tɔ̀ nanù ema, “Imòwa, ò wòwè è ŋmanà nà nyàŋgɛ è ɛndɛ̀ ò Ìjiptò. È hwɛ aŋga natɛ̀ɛ nà lìrzàkò ema nà è òhwèyà ema è anjiye aŋga, èhwanja Hɛ̀rɔ̀dì à hwɛni lì òma hwatò lì jà ò lì arza ò nò ŋmanà ò lì mò òŋwa.”

Matiyò 2:19

O mburzà kpelì yà ama Hɛ̀rɔ̀dì, è aŋgèlì yà ama Lohwɛ̀ è mà wùrzèyà Jòrzɛ̀hvù ò ndɔ̀tɔ̀ è hvònda ema à è hwèlì ò Ìjiptò. È aŋgèlì è mò òhwèyà nanù ema,

Matiyò 2:22

Ndi è hvònda ema Jòrzɛ̀hvù à mà hwèya nanù ema Akɛ̀làwùrzì ndi à mà tìmbɛ̀ ò kònda yà lìkànèyà là ama rzaŋgɛ̀ Kiŋgɛ̀ Hɛ̀rɔ̀dì ò erzòòkà yà Jùdèyà, à mà òka wɔ̀ŋgɔ̀ ò lì tìmba aŋga. È aŋgèlì yà ama Lohwɛ̀ è mà mò wurzeya hvɛ ò ndɔ̀tɔ̀, ò lì mò kòkòhwɛ̀lɛ̀. Eŋge eyà è mà mò gbèya ema à ɛ̀ndɛ ndi è yà eni ò erzòòkà yà Galìlì.

Matiyò 27:19

Nà òma Pìlatò à mà lìya ò kònda yà hwèkayirzelì, jòjìyɛ̀ wà eni à mà mò òmeya ŋmɛ̀ndì nanù ema, “Ò rzì kèka lì hwɛnɛ tɔ̀ eyà yà lì gbeyàna nà è mbakò yà ama òŋgò mòtò ema à rzi gbèyi tɔ̀ eyà yà wòhwe, èhwanja nà mò ɔ̀tɔ̀ ndɔ̀tɔ̀ wònò wuu eŋge ndɔ̀tɔ̀ è nò tàkìrzɛ̀ rzayì-rzayì.”

Matiyò 28:5

Èŋge aŋgèlì rzìi e òhweyà hwaŋga hwalanà nanù ema, “È rza òka wɔ̀ŋgɔ̀. Nà hwi nanù ema e arza ndi Yerzù ema à mà wòmàwɛlɛ̀hwɛ̀ ò mbarza.

Lukàrzɛ̀ 1:19

È aŋgèlì è mà mò alàhwɛ̀ nanù ema, “Ìmba ndi nà hwèlì Gàbìleyà, e rzùhwɛlɛ ema e gbèeyà Lohwɛ̀. Mɔ̀ ndi à nò òmi ò lì ò hwilɛ̀ ene eyà ya gbamù.

Lukàrzɛ̀ 2:4

Jòrzɛ̀hvù mɔ̀ hvɛ à mà uhwɛlɛlɛ̀ ò mbòwà yà Nàrzàrɛ̀tì yà Galìlì. À mà àgba ò Bɛtlɛ̀hɛmù, ò mbòwà yà ama kiŋgɛ̀ Dàhwitì, ò Jùdeyà. Mɔ̀ à mà ɛ̀ndɛ aŋga èhwanja à mà uhwɛlɛlɛ ndi ò lìhwende la ama kiŋgɛ̀ Dàhwitì.

Hwègbèèlì 5:19

Ndi ò wòŋgò wuu mɛnɛ, e aŋgèlì ya ama e Rzàŋgò e ma hwa lìhvòweya mawòhvà mà e ndawò ya hwèwòwà rzi e hwa wurzirzɛ. È aŋgèlì e ma hwa òhweyà nanù ema,

Hwèwulùwèlì 19:7

Inyɛ̀ irzɔ jo oke mɔ̀nyɛ̀ŋgì rzayi-rzayi, ndèŋgànɛ̀lɛ̀ jo a ohwa nanù ema jo oki mɔ̀nyɛ̀ŋgì na o lì mo eka, ehwànja lìrzako la lìhwa la ama e Ŋguma ya Mɔ̀lɛ̀ŋgù lì ma uka, ndeŋgànɛlɛ mɔ̀ɔ̀mbì mo eni mo mà màa lì wòŋgìrzɛ̀nɛ̀.