Makòrzì 14:58 - Mokpwe: Bakwery (New Testament)

⁵⁸ “Ì mà hwèya à òhwi nanù ema, ‘Nà wùulɛ̀ ène Ndawò yà Lohwà ema yò òŋgahwi na hwatò hwa hwènàmà, rzìi ò mèenyà meyawò nà òŋga ehvɛhvɛ ema e rza òŋgahwɛ na màà mà mòtò wa hwènàmà.’”

Makòrzì 14:58 ပူးပေါင်းရင်းမြစ်များ

Matiyò 26:61

“Onò mòtò à mà òhwa nanù ema, ‘Mɔ̀ à tànɛyi lì wuulɛ ene Ndawò yà Lohwà rzìi à e òŋga hvɛ ò ìtììtènì ja mèenyà meyawò.’”

Makòrzì 14:57

Rzi lòŋgò hwa mò tɛmeya mbòŋgi yà mòlàŋgà nanù ema,

Makòrzì 14:59

Ndi tɔ̀ nanù, imbòŋgi ja awu ja mòlàŋgà ì rzi hwɛ wàna hvɔ̀kɔ.

Makòrzì 15:29

Hwatò ema hwà mà akeyà ò tòŋgòŋgò ya eŋge èki, hwa mà hwɛ lì hvòkòmɛlɛ mèyòhvò me awu rzìi hwa a mò kikòwa nanù ema, “Aha! Ò mà òhwa òma ò wùùlɛ̀ e Ndawò yà Lohwà rzìi ò è òŋga ò ìtììtènì ja mèenyà meyawò. A arzùŋgɛ̀ ò wà witi, ò hwèlì tɛ e Ŋmanà wà ama Lohwɛ̀!

Yòwanìrzɛ̀ 2:19

Yerzù rzìi a hwa alàhwɛ̀ nanù ema, “È wùùlɛ ène ndawò yà Lohwà. Imba na e òŋga hvɛ ò hweyu hweyàwò.”

Hwègbèèlì 7:48

“Ndi lìŋgi Lohwà lì karzami lì rza lìya mawòŋgi ema mà òŋgahwi na màà mà hwatò hwa hwènàma. È hwèlì ndi nanù ema, na òma mòòhwèlì mɔ̀kɔ wà hwèlìŋgɛ̀ a òhwi nanù ema, Lohwɛ̀ a òhwi nanù ema,

2 Kɔ̀rintìyà 5:1

Irzɔ i hwi nanù ema i nyo ja arzu ema jo òhvi anu rze, i gbèyi ndi na mawondo ema i lìya o tenì. Hwa hvàŋgi tɛ maŋga mawondo, irzɔ i hwi ema jo òhvi ndawò o ŋmanyu ya lohwa ema e rza oŋgahwɛ na mòtò wa hwènàmà. Lohwɛ̀ ndi à e oŋgi, ndèŋgànɛlɛ e hwɛ natɛ̀ɛ na o gbìndèyà.

Hibrù 9:11

Ndi Krirztò mɔ̀ à mà màa lì jà nàa Pìlìrzì e Kàrzàmi o hweyà hwe gbamù ema hwe ma màa lì jà. Mɔ̀ a gbeyà èwòlò ya eni o lìwondo ema lì akayi lìwondo la e rze ya mɔ̀nyɛ̀ ndeŋgànɛlɛ lɔ̀ lì hwèlì gbamù lì aka lìwondo la e rze ya mɔ̀nyɛ̀. Rzeketɛ hwatò hwa hwènàmà ndi hwa oŋgi lìŋgi lìwondo. Lì rza enje ndi lìwondo ema lì hwèlì o e rze ya mɔ̀nyɛ̀.

Hibrù 9:24

Krirztò mɔ̀ à rzi kpèeyà Èki ya Wòtani ema e ma oŋgahwa ndi na màà mà hwatò hwa hwènàmà, ema e ma àyɛ̀kɛ̀nɛ̀ hwèèmà hwe e ŋmanyu yà lohwà. Krirztò mɔ̀ à mà kpèeyà o ŋmanyu yà lohwà yitɛ-yitɛ, o nàŋgɛ nanù mɔ̀ à tɛmì o worzò wo ama Lohwɛ̀ o lì ohwa o nyòla arzu.