Makòrzì 14:50 - Mokpwe: Bakwery (New Testament)

⁵⁰ Hwà-òkòwèlì hwa eni hwa arzɛ̀ hwà mà mò rzɔ̀njɛ̀lɛ rzìi hwa hwaŋga.

Makòrzì 14:50 ပူးပေါင်းရင်းမြစ်များ

Makòrzì 14:27

Yerzù rzìi a òhweyà hwà-òkòwèlì hwa eni nanù ema, “Inyɔ hwa arzɛ e ò kùwa lì hwaŋga lì nò rzɔ̀njɛlɛ. Èhwanja e tìlahwì ò Kaàti ya ama Lohwɛ̀ nanù ema, ‘Nà òŋwà è mɔ̀ɔŋgelì hwa mɛ̀lɛ̀ŋgù, rzìi mɛ̀ɛlɛ̀ŋgù me kùwa lì wùweya.’”

Makòrzì 14:49

Nà mà hwɛ nà inyɔ̀ wùnyà tɛ ò Ndawò yà Lohwà na òkòlɛ̀ hwatò ndi e rzìi nò ŋgbaŋgɛ̀, ndi Eyà ya Lohwà e hwɛnì lì òndìrzɛhwɛ̀.”

Makòrzì 14:51

O ma hwɛ mbèrza aŋga ema è ma òŋgama Yerzù. A ma wɔtɔ̀ ndi ŋmanà èhvahve ya lìhwatù. Hwàŋga hwatò hwà mà keka ò lì mò lɛ̀mbɛ,

Yòwanìrzɛ̀ 16:32

È ɔ̀ŋgɔ tɛ, e hvònda e hwèlì e ja, ndèŋgàna e ma màa lì jàa, ema e ò wùhweyà. Tɔ̀ ima mɔ̀ tɛ a ò hwaŋga lì timba ò èki ema a uwɛ̀lɛ̀lɛ̀yi. È ò nò lìya imba mbiti. Ndi tɔ̀ nanù, na rza enje imba mbiti, èhwanja Tatɛ̀ wa ami a hwèlì na imba.

Yòwanìrzɛ̀ 18:8

Yerzù rzi a hwa òhweyà nanù ema, “Nà ma e òhweyà ema na hwèlì ndi mɔ̀. È hwèlì tɛ ema imba ndi e arza, e hwɛmɛ hwanù hwatò ema hwa hwèlì anu na imba hwa ɛ̀ndɛ.”

2 Tìmotì 4:16

Tɔ̀ mòtò a rzi no tɛmeya o mburza e ŋgèlì ya worzo ema hwà mà no jàne o hwèkayirzelì. Hwatò hwa arzɛ hwà mà no rzɔ̀rzɔ̀. Nà kanɛ̀ nanù ema Lohwɛ̀ a hwa làkìrzɛ̀.