Makòrzì 14:38 - Mokpwe: Bakwery (New Testament)

³⁸ È lìyà èhvɛnyɛ ò màkanɛ̀ aŋga nanù Lohwɛ̀ à rza emeyà nanù ema màkèkìrzɛnɛ̀ mà è jèeyà. Ŋmèma mò lìŋgàni lì gbeyà ndi è nyàmà nyò è òka wɔ̀ŋgɔ̀.”

Makòrzì 14:38 ပူးပေါင်းရင်းမြစ်များ

Matiyò 24:42

O èŋgànɛ̀lɛ rzɔ inyɔ hvɛ e hwɛnì lì wòwa hvònda, èhwanja è rza hwi wùùnya ema Rzàŋgò ya anyu à ò jɛ̀ɛ̀ hvɛ.

Matiyò 25:13

Yerzù rzìi à umba mònò ŋmàna ò lì òhwa nanù ema, “È wòwe hvònda, èhwanja è rza hwi wùùnya tɔ̀ è hvònda ema è Ŋmanà wà è Mòtò wà Hwènàmà à ò jɛ̀ɛ.”

Matiyò 26:41

Lìya èhvɛnyɛ, kanɛ̀ aŋga nanù Lohwɛ̀ a rza emeyà ema màkèkìrzɛ̀nɛ̀ mò ò jèeya. Ŋmèma mò lìŋgàni, ndi e nyàmà ya nyò e ɔ̀tɔ̀.”

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Makòrzì 14:34

Rzìi à hwa òhweyà nanù ema, “È ndùtù ema è hwèlì ò ŋmèma mò ami è tànɛyi lì nò òŋwa. È lììyà anù è lìyà èhvɛ̀nyɛ nà imba.”

Makòrzì 14:37

À mà kulɛ̀ lì kanɛ̀ rzìi à timbeyà hwà-òkòwèlì hwa eni hwààyɛ̀ à ùŋma hwa nàŋgayi. Rzìi à òhweyà Pètrò nànù ema, “Ò lìmelì ndi ò ìjɔ, ò rza tanɛ lì lìya èhvɛnyɛ nà imba tɔ̀ awà hvɔ̀kɔ e?

Makòrzì 14:39

À ma tìmba hvɛ lì kanɛ̀ nà òmà a mà lòmè lì kanɛ̀.

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

Lukàrzɛ̀ 22:40

Nà òmà hwa mà ùke aŋga, rzìi a hwa òhweyà nanù ema, “È kanɛ̀ e rzì jà lì hwɛ ema è unda ò màkèkìrzɛ̀nɛ̀.”

Lukàrzɛ̀ 22:46

À mà hwa ijòwa nanù ema, “Mamɛ ndeŋgàtɛ è lìmelì ndi ò ìjɔ e? È tɛ̀mɛ̀ ò ŋmanyu, e kanɛ̀, è rzì jà lì unda ò màkèkìrzɛ̀nɛ̀.”

1 Kɔ̀rintìyà 16:13

È aŋgòwà e tɛ̀mɛ̀ ehve-ehve o lì lòkɛ̀. È ètìrzɛ̀ mèèmà, e hwɛnɛ̀ hvɛ màyìmbì.

Gàletìyà 5:17

Èhwanja mamɛ ema e nyàmà ya nyo ya arzu yɔ ya arza, hwe hwèlì ndi o lì teŋgɛ̀nɛ̀ mamɛ Èlìŋgɛ̀ ya arza. Ndeŋgànɛ̀lɛ̀ mamɛ ema Èlìŋgɛ̀ ya arza e teŋgɛ̀nɛ mamɛ ema e nyàmà ya nyo e arza. Hwene hwe ahwakɛ hwe hwèlì ndi hwàkɔ̀yèlì, ene ŋgàna e hwèlì ndi nanù ema, e rza tànɛyi lì gbeyà mamɛ ema e hwɛni lì gbeyà.

Hvìlipìyà 2:12

O eŋgànɛlɛ rzɔ, ìi wònyàmòwe kòkò, na oma e ma hwɛ lì gbeyà hweyà ema Lohwɛ̀ à mà ohwe nanù ema e gbeye e hvonda ema nà mà hwɛ na inyɔ, e o lɔ̀wu nanù ema e gbeye mamɛ ema a ohwi nanù ema e gbeye, nàŋgɛ ema imba na rza enje hvɛ na inyɔ. È àŋgàmɛ̀nɛ̀yi lì hwɛnɛ wɔ̀ŋgɔ̀ wo ama Lohwɛ̀ o mèèmà me anyu na o lì arzihwirzɛ inyɔ hwiti o worzo wo ama Lohwɛ̀. È keke o lì gbeyà hweyà ema Lohwɛ̀ a arza nanù ema e gbeye aŋga nanù lì kɔ̀tɔ̀wɔ̀ ema e o luwɛ e o ondìrzɛ̀hwɛ.

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.