Makòrzì 12:16 - Mokpwe: Bakwery (New Testament)

¹⁶ Hwà mà mò jàneyà èŋge kahvà rzìi a hwa ijòwà nanù ema, “Èlìŋgɛ̀ ya ama njɛnɛ ene e? Liinà la ama njɛnɛ lìni e?” Hwa mà mò alàhwɛ̀ nanù ema, “È hwe ama Kayirzà.”

Makòrzì 12:16 ပူးပေါင်းရင်းမြစ်များ

Makòrzì 12:15

Ndi Yerzù à mà ayèmbɛ meeyànò me awu, rzìi a òhwa nanù ema, “Mamɛ ndèŋgàtɛ̀ e nò kèkìrzɛ nanù e? È nò jàneyà kahvà hvɔ̀kɔ ya ɛ̀ɛkɛ̀, na e inje.”

Makòrzì 12:17

Yerzù rzìi a hwa òhweyà nanù ema, “È ŋgbè Kayirzà mamɛ e hwèlì è ya ama Kayirzà, e ŋgbè hvɛ Lohwɛ̀ mamɛ e hwèlì è ya ama Lohwɛ̀.” Nà òma hwà mà hweye nanù, hwà mà tàmà.

2 Tìmotì 2:19

Ndi tɔ̀ nanù hweyà ema Lohwɛ̀ à mà rzeeya, hwe rza tikowahwa. Ndèŋgana e tìlahwì o ŋmanyu ya eni nanù ema, “È Rzàŋgo e hwi hwaŋga hwatò ema hwa hwèlì e hwe eni,” ndèŋgàna e tìlahwì nanù ema, “Hwaŋga hwatò hwa arzɛ ema hwa ohwa nanù ema wɔ̀ hwa hwèlì ndi na e Rzàŋgo, hwa hwɛni lì kumbɛ e mburza o hwègbèèlì hwe wòhwe.”

Hwèwulùwèlì 3:12

Hwàto ema hwa lìya lì aka hweyà hwe wòhwe, nà ò hwa ika ò lì hwɛ màwòndì ò è ndawò yà ama Lòohwà là ami ndèŋgànɛ̀lɛ̀ hwa rza ò anjiya ò tenì hvɛ. Nà ò tìla lìinà là ama Lòohwà là ami ò inyo jà awu, nà ò tìla lìinà là è mbowà ndɛnɛ yà ama Lòohwà là ami, è Jèrurzalɛ̀mù hvènya ema è uwɛlɛlɛyi ò ŋmanyù yà lohwà ò mà Lòohwà là ami. Nà ò tìla hvɛ lìinà là ami lì hvènya ò inyo jà awu.