Lukàrzɛ̀ 24:27 - Mokpwe: Bakwery (New Testament)

²⁷ Yerzù rzìi a hwa ɔ̀ŋgɛ̀lɛ̀nɛ hwetìlelì hwe ama Mòrzè, nà hwà-òhwèlì hwa hwèlìŋgɛ̀ hwa àrzɛ hwa kòhwaa. À mà hwa telɛlɛ mamɛ ya àrzɛ e ma tìlahwa ò Kààtì yà Lohwà lì mò hvòmɛ̀nɛ̀.

Lukàrzɛ̀ 24:27 ပူးပေါင်းရင်းမြစ်များ

Makòrzì 4:34

A rzi hwa òhweyà tɔ̀ Èya e rzìi hwɛ lì hwa kpɛ̀ɛyà ŋmàna. Ndi tɔ̀ ima hvònda ema a mà hwɛ mɔ̀ ŋmìti nà Hwà-òkòwèlì hwa eni mɛnɛ à mà hwa òhweyà jànda ja mene meyàna.

Lukàrzɛ̀ 24:25

Yerzù à mà hwa timbirzɛlɛlɛ nanù ema, “È hwèlì ndi mɛ̀lɔ̀kɔ̀rzɔ̀ me hwatò. È rza tànɛyi lì lòkɛ̀ mamɛ Hwà-òhwèlì hwa Hwèlìŋgɛ̀ hwa kòhwaa hwa mà òhwe!

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Yòwanìrzɛ̀ 1:45

Hvìlìpì à mà ɛ̀ndɛ lì arza Nàtànìyɛ̀lì. Rzìi à mò òhweyà nanù ema, “Ì mà lùwa è mòtò ema Mòrzè à mà tile lì hvòmɛ̀nɛ̀ ò e kààtì yà mbenda. Hwà-òhwèlì hwa hwèlìŋgɛ̀ hwa kòhwà wɔhvɛ hwa mà tìla lì mò hvòmɛ̀nɛ̀. Lìinà là eni lì hwèlì ndi Yerzù mòtò wà Nàrzàrɛ̀tì è ŋmanà wà ama Jòrzɛ̀hvù.”

Yòwanìrzɛ̀ 12:41

Àyìrzayà à mà òhwa ndi nanù èhwanja à mà ɛnɛ èluhwe ndɛnɛ yà ama Yerzù ɔ̀ndeŋgàtɛ̀ à mà òhwa lì mò hvòmɛ̀nɛ̀.

Yòwanìrzɛ̀ 5:37

Tatɛ̀ wa ami ema a nò òmi, mɔ̀ ŋmìti hvɛ a nò tɛmelì mbòŋgi. Inyɔ e rzi hweyi lìlò la eni tɔ̀ lì mò ɛnɛ.

Yòwanìrzɛ̀ 5:39

È òkòwe Èya ya Lohwà, èhwanja e lutelì nanù ema e òkò tɛ ye e lùwàna lòŋgɛ là gbìndèyà. Ndi ene Èya yɔ mɛnɛ ndi e òhwa lì nò hvòmɛ̀nɛ̀.

Hwègbèèlì 10:43

Hwà-òhwèlì hwa hwèlìŋgɛ̀ hwa arzɛ hwa kòhwa hwà ma òhwa lì mò hvòmɛ̀nɛ̀, nanù ema tɔ̀ ima mòtò ema a mò lòkɛ̀yì, Lohwɛ̀ à làkìrzɛ̀ wòhwe wò eni. Ène eyà e ò gbèyɛ̀nɛ ò e ŋginyà ya lìinà la eni.”

Hwègbèèlì 3:18

Tɔ̀ nɛ e ma gbèyɛnɛ nanù, Lohwɛ̀ ŋmìti ndi à mà òndìrzɛ̀ e mbɔrzi ya eni na òma à mà òhweyà hwà-òhwèlì hwa eni hwa arzɛ hwa hwèlìŋgɛ̀ ema hwa òhwe nanù ema è Mɔ̀ ema à Ɔ̀kirzɛ̀hwɛ̀yi a ò taka.

Hwègbèèlì 3:22

Mòrzè à mà òhwa nanù ema, ‘Rzàŋgò Lohwɛ̀ là anyu à è òmèya mòòhwèlì wà èlìŋgɛ̀, ema à ò uwɛ̀lɛ̀lɛ̀yi ndi ò ìtììtènì jà anyu, nyayi hvɔ̀kɔ nà òma à nò òmi. Inyɔ è gbèyè tɔ̀ mamɛ ema à è òhwèlì nanù ema è gbeye.

Hwègbèèlì 3:24

Hwanɛyi hwà-òhwèlì hwa hwèlìŋgɛ hvɛ lì wòteyà Rzamùwɛlì na hwaŋga hvɛ ema hwà mà jà ò mburza ya eni wɔ̀ hwa arzɛ hwà mà òhva ŋmɛ̀ndì, ndèŋgànɛ̀lɛ̀ hwà mà òhwa hweyà ema hwe ò gbèyɛ̀nɛ ò mene mèenyà.

Hwègbèèlì 7:37

Onò Mòrzè ndi à mà hwɛ è mɔ̀ ema à mà òhweyà wònyà Irzàyɛ̀lì nanù ema, ‘Lohwɛ̀ à è òmèya mòòhwèlì wà èlìŋgɛ̀, ema à ò uwɛ̀lɛ̀lɛ̀yi ndi ò ìtììtènì jà anyu, nyayi hvɔ̀kɔ nà òma à nò òmi.’

Hwègbèèlì 8:35

Hvìlìpì rzìi a wòteyà lì mò òhweyà Ŋmɛ̀ndì mò Gbamù mò ama Yerzù, rzìi a mò telɛlɛ hweyà hwe arzɛ ò lì wòteyà na ene èhvàrzù.

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.